ارجو المساعده لمن لديه الخبره !

alqatary · 09-09-2006, 12:03 PM

السلام عليكم ورحمه الله وبركاته

حبيت يا اخواني تساعدوني في موضوع مضايقني شوي انا عندي دومينات وعندي حساب في موقع hotname.net لحجز الدومينات وبصراحه انا مو مرتاح لهذا الموقع وبصراحه انا ماعندي خلفيه عن مواقع لاستظافة النطاقات
حاولت اني اسجل في التسجيل العربي وسجلت ولكن ماعرفت عن نظام الكاش يو لاني من قطر وحاولت عن طريق بطاقات e card وماحصلتها متوفره في التسجيل العربي رحت فتحت حساب في موقع قودادي ولا عرفت له لانه معقد شوي اما الموقع الي انا فيه هو سهل التعامل معاه جدا ولكن الي خوفني اكثر واكثر ان دائم اشيك على دوميناتي عنده
واليوم دشيت وتفاجئت بختفاء دومينان من المتواجدين في حسابي واتصلت على ال support المسؤول عن الموقع وقال لي بنشوف السالفه

فياجماعه الخير ياريت تفيدوني وتعطوني مكان يكون مضمون ويكون في نفس الوقت سهل الاستعمال وياريت تقيمون لي الشركه الي انا فيها وتنصحوني

انتظر منكم الرد
وشكرا

توني مسوي بحث وحصلت شركه domain.com وسويت حساب هناك شرايكم في هالشركه وهل هي شركه مضمونه وتحمي لي دوميناتي اتمنى الرد باسرع وقت وياريت راي اخوي الغالي بشار

Dragon2oo2 · 09-09-2006, 03:09 PM

وعليكم السلام ورحمة الله وبركاته ..

والله شركة قودادي من أفضل الشركات .. وبكل بساطه تقدر تنقل دوميناتك لهم ..

بس عندي نصيحه صغيره .. تأكد إن كل دوميناتك مقفوله .. عشان محد يقدر ينقلها من اكاونتك

alqatary · 09-09-2006, 03:12 PM

مشكور يالغالي على المرور .. ولكن انت مارديت على اسالتي ماقلت لي شرايك بالشركه الي مستضيف عندهم ياريت تقيمها لي وبعدين ماقلت لي بشركه دومين دوت كوم .. وبعدين استغربت من السبورت يقولي لاتقفل الدومينات ؟؟؟

ياريت الافاده ياجماعه الخير

Dragon2oo2 · 09-09-2006, 03:18 PM

والله ياطويل العمر .. أول مره اسمع عن الشركه اللي تتعامل معاها ..

انا تعاملت مع قودادي ونتورك سلوشنز .. وشغلهم ميه الميه ..

بالنسبه لموقع دومين دوت كوم .. بصراحه ماتعاملت معاهم .. لذلك ماقدر اقول شي عنهم

..

وما عليك من السبورت .. اقفل دوميناتك .. ولا تفتحهم إلا إذا بديت في عملية نقلهم من الشركه اللي انت فيها الحين إلى شركه ثانيه ..

alqatary · 09-09-2006, 03:53 PM

مشكور يالغالي على التواصل وكثر الله من امثالك

انا سويت بحث عن الشركه hotname.net ولقيت انها تابعه لشركه enom.com شي من هالنوع مادري اذا كتبته صح ولا لا وبالنسبه لدومين شكلها شركه جيده والي عجبني فيهم سهوله استخدام الموقع

ومشكور يالغالي

DNStatus · 10-09-2006, 01:19 AM

بالنسبة لشركة hotname.net سعر التسجيل غالي عندهم 14 دولار !!!

استعمل التسجيل العربي

وعلى فكرة

بطاقات E Card هي اللي مالت الوطني صح ؟؟ اذا كانت كذلك فهذي بطاقة ماستر كارد ويقبلها الموقع التسجيل العربي ( وانا استعملتها من قطر ومافي مشاكل مع التسجيل العربي)

او موقع سيكوريتي واي securityway.net (ادخل الموقع اخر شي على اليسار) موقع تسجيل دومينات محترم ومعروف في سوالف

واذا ما اعجبوك استعمل godaddy.com ، او شوف راي الاخوان

وبالنسبة للشركة اللي انت فيها نصيحتي لك انقل منهاااا

alqatary · 10-09-2006, 03:15 PM

مشكور اخوي دي ان ستيتوس على المرور والافاده ..

انا الحين عرفت الشركه تابعه لاي شركه وهي تابعه لشركه enom واضن انها من افضل المواقع لاستظافه الدومينات

وياريت الي عنده راي بخصوص هالشركه يفيدني به وشكرا

DNStatus · 10-09-2006, 08:25 PM

enom سمعتها ممتازة هذي الشركة مقارنة بالشركات الاخرى

وهم يقدمون نظام الريسلر reseller او اعادة البيع

مثلا : اذا كنت تريد تسجيل دومين بحساب عادي على اينوم تسجله بـ 30 دولار !!!
لاكن الريسلر يكون دافع مقدما مبلغ التسجيل فيكون سعر الدومين لمن يدفع 100$ مقدما 9 دولار
وكل ما زاد الملبغ قل سعر الدومين ، وتقدر تسجل دومينات بـ 6.95$ فقط ، بس لازم تدفع مقدما 23000 ريال !!!

وعلى فكرة التسجيل العربي موزع معتمد لشركة enom الممتازة

alqatary · 10-09-2006, 09:41 PM

مشكور مشكور اخوي دي ان ستيتوس على هذه الافاده وتواجدك العطر معانا واشكرك على هالتفاعل

Domain · 11-09-2006, 01:32 AM

يبدو أنك مبتدئ في النطاقات لذلك اذا تبي نصيحتي فالأفضل لك في هذه المرحله هي مواقع التسجيل العربيه لسهولة التعامل ووجود الدعم الفني العربي في حال الحاجه له
الأمثله كثيره فيه عندك موقع التسجيل العربي وموقع سكيورتي واي و العربيه السهله وطبعاً فيه غيرهم ولكن هالمواقع من وجهة نظري وحسب ماسمعت من كثيرين فهي أفضل الموجود

alqatary · 11-09-2006, 10:52 AM

thanks my bro. for passing and i am not shying from that don't have any experiance on domains

i have now an account on Enom

thanks agian

Domain · 11-09-2006, 06:18 PM

اي نعم مافيها شي بالعكس كلنا كنا مبتدئين ... بل وقبلها كنا مانعرف وشو دومين

مع الوقت راح تكتسب الخبره وعلى البركه اينوم الجديد واذا احتجت اي مساعده حاضرين
تأكد من السعر اللي تسجل فيه بإينوم اذا كان اكثر من 8.95$ للنطاق الواحد راسل التسجيل العربي او سكيورتي واي حتى يوفرون لك حساب موزع

KuwaitNET · 12-09-2006, 02:35 AM

مشوار الألف ميل بدأ بخطوة

"و من سأل ما ضاع" مثل ما يقول المثل

alqatary · 12-09-2006, 11:15 AM

thanks my brothers Domain and KuwaitNet for passign and for the nice reply

-AlaaMarienS- · 12-09-2006, 01:33 PM

أخوي .. لو غلبت خالص فيك تشوف هذا الموقع

www.joker.com

خدمته في النطاقات حلوة و مريحة

و يه خدمات للريسيللرات حق النطاقات

alqatary · 12-09-2006, 09:51 PM

اقتباس:

المشاركة الأصلية كتبت بواسطة -AlaaMarienS-

أخوي .. لو غلبت خالص فيك تشوف هذا الموقع

www.joker.com

خدمته في النطاقات حلوة و مريحة

و يه خدمات للريسيللرات حق النطاقات

يعطيك العافيه اخووي

ومشكور على تقديم المساعده

اتمنى منك التواصل الدائم

أدوات الموضوع
مشاهدة صفحة طباعة الموضوع أرسل هذا الموضوع إلى صديق