نصيحتكم.. اريد شراء دومين بقيمة 10.000 ريال

MositerZ · 10:23 PM

السلام عليكم ..

اريد شراء دومين بقيمة 10.000 ريال سعودي ..

من شخص موجود بالسعوديه وانا موجود في الكويت ..

ماهي نصيحتكم لي .. من عدم ضياع حقي ..

وطريقة تعامل أمنه تكون وسيط بيني وبينه ..

وجزاكم الله خير ...

تحياتي لكم

محمد كيوان · 02-07-2009, 10:42 PM

ليه كل القيمه دي لدومين

MositerZ · 02-07-2009, 10:43 PM

لان الدوميين يستاهل ..

واشكرك ع المرور...

young coder · 02-07-2009, 10:52 PM

هات محامي و اعمل عقد بيع و سجله و لو تسافر لصاحب الدومين و هو يسافر لك (كم سعر التذكرة ؟؟ )

MositerZ · 02-07-2009, 11:22 PM

إقتباس:

المشاركة الأصلية بواسطة young coder

هات محامي و اعمل عقد بيع و سجله و لو تسافر لصاحب الدومين و هو يسافر لك (كم سعر التذكرة ؟؟ )

ما تكلف شي لاني اروح له بالسيارة...

ابي كلام ناس مجربه شراء دومينات..

jraaa7.com · 02-07-2009, 11:29 PM

اذا كنت دافع عشره الالف ريال في الدومين مانت خسران اذا دفعت حق التذكره
وسافرت لصاحب الدومين

MositerZ · 02-07-2009, 11:32 PM

ياجماعه الخير موضوعي مو موضوع السفر بسيارة او طيارة...

انا اسافر بسيارة لانه اقرب لي ..

ولان حتا لو اسافر بطيارة راح اخسر وقت كثير لان المنطقه مافيها مطار لا دولي ولا محلي...

الموضوع شلون نضمن حق الطرفيين البايع والمشتري..

وشكراً

مغرور · 03-07-2009, 12:04 AM

اعمل عقد رسمي موثق عند محامي وبكذا تضمن حقك وترتاح وموفق بالشراء ان شاء الله والله يجعل به خير لك

Domain · 03-07-2009, 12:17 AM

اكتب اسم الشخص المالك, أعتقد نطاق بهذا السعر احتمال كبير يكون لأحد القناصين المعروفين في المنطقه وبالتالي ممكن نعرفه ونأكد لك انه شخص ثقه ونوفر عليك حق السفر والمشاوير

اكتب اسم الشخص أو النطاق وابشر بالخير
أما محامي على 10 الاف ريال صراحه ماتسوى كل هالزحمه

نور المنسي · 03-07-2009, 04:23 AM

تمام اخوي Domain ،

و بعدين عندك خدمة ضمان سوالف ، ليش ما فكرت فيها ؟

فتى الخفجي · 03-07-2009, 06:01 AM

طيب روح قابله ابرك لك انتبه

عمر السويداء · 03-07-2009, 06:04 AM

اخوي MositerZ اجعل التسجيل العربي وسيط في الصفقه

و راح ان شاءالله يضمنون لك حقك

saudi2008 · 03-07-2009, 06:05 AM

أضمن طريقه هي (ضمان)

بالتوفيق في البيعه ان شاء الله

عبدالله بن سعود · 03-07-2009, 06:45 AM

ضمان

juba · 03-07-2009, 11:18 AM

شف خذ لاب توب معك

لازم تتاكد ان الدومين دش بحسابك

وقدرت تتحكم فيه

وتكتب بينك وبينه عقد بيع وشراء مع شهود

وانقل النطاق لشركتين بنفس فيزتك

وتوكل على الله

وترا السعوديه قريبه دقت سلف روح لها

تواعد معه باستراحه الخفجي

واتفقوا على كل شي

بس لاتنسى خذ معك 2 ناصحين جسم

تحسبن للمشاكل

وادفع عن طريق الحواله البنكية

MositerZ · 03-07-2009, 03:33 PM

إقتباس:

اعمل عقد رسمي موثق عند محامي وبكذا تضمن حقك وترتاح وموفق بالشراء ان شاء الله والله يجعل به خير لك

اخوي مغرور ..كلام سليم .. وبارك الله فيك

إقتباس:

اكتب اسم الشخص المالك, أعتقد نطاق بهذا السعر احتمال كبير يكون لأحد القناصين المعروفين في المنطقه وبالتالي ممكن نعرفه ونأكد لك انه شخص ثقه ونوفر عليك حق السفر والمشاوير

اكتب اسم الشخص أو النطاق وابشر بالخير
أما محامي على 10 الاف ريال صراحه ماتسوى كل هالزحمه

كلامك سليم اخوي ...

والدومين هو Index of /

ودخولك ع الدوميين يبين لك ان الموقع لبيع الدوميينات .. فهل تنصحني به؟؟

اخواني الذي لم اتمكن من الرد عليهم ..

سوف اراسل ضمان سوالف والتسجيل العربي..

وان شاء الله الطريقه الجيده والامانه لي سوف اتخذها...

بارك الله فيكم جميعاً

MositerZ · 03-07-2009, 03:35 PM

هذا هو موقع الشخص لبيع الدوميينات

للبيع نطاقات ، دومينات ، مميز ، ثلاثي

Domain · 03-07-2009, 04:22 PM

المالك عضو معنا هنا في سوالف وان شاء الله انه معروف ومضمون
راسلني وممكن اكون وسيط بينكم بعموله بسيطه بدل السفريات

MositerZ · 03-07-2009, 06:09 PM

ان شاء الله .. افكر بالموضوع جيداً

وارد لك خبر اخوي دومين ..

تحياتي لكل الاعضااء .. الذين ابدو في مساعدتي ..

وشكراً

ياسر عمر · 03-07-2009, 06:23 PM

إقتباس:

المشاركة الأصلية بواسطة MositerZ

ان شاء الله .. افكر بالموضوع جيداً

وارد لك خبر اخوي دومين ..

تحياتي لكل الاعضااء .. الذين ابدو في مساعدتي ..

وشكراً

تقصد خالد

, توكل على الله حبيبي.

وليد · 03-07-2009, 06:37 PM

اخي الغالي

إليك طرق مجربة

سبق ان بعت دومين بـ 20 ألف ريال

وشراء دومينات ثنائيه من اجانب ( يعني الثقة معدومه )

لأن هناك امور تخفى عليك وإن شاء الله ان البائع ثقه

لكنه يستطيع رد الدومين حتى بعد بيعه ( فقط معلومه - والأحترام محفوظ للبائع )

الطريقة بما انك كويتي فهذا يسهل الموضوع
تدخل على موقع Kuwaitnet.net
أو راسل بشار بشكل مباشر عبر سوالف

لديهم خدمة الوساطه لشراء الدومينات والقيمة هي اخذ نسبة 10 % من قيمة الدومين

اذا اعجبتك الطريقة هذي

زرهم في محلهم (حولي - شارع ابن خلدون)

ولاتسافر ......ولاتجي هنا .....وتتعب نفسك

KuwaitNET · 03-07-2009, 07:04 PM

السلام عليكم,
مثل ما تفضل اخي وليد نقدم الخدمة و بعنا و شرينا مواقع بمئات آلاف الدولارات عبر الإنترنت مع ضمان حق الطرفين بما اننا مسجّل معتمد من منظمة الآيكان, اتصل علينا لمزيد من التفاصيل 1807060

او تقدر تستخدم موقع escrow.com من اشهر المواقع الأجنبية او sedo.com أيضا لديهم خدمة سمسره escrow

بالتوفيق

Ntaqe.com · 04-07-2009, 01:23 PM

خالد المحيسن
اخ ثقة باذن الله

تعاملت معه ، وتعامل معي

جالس لوعدك · 04-07-2009, 10:05 PM

اعتقد انباعت دومينات غاليه بطرق كثيره

ومن اسهل الطرق الذهاب لاي شركه معروفه مثل ترايدنت او توب لاين

وعمل عقد عند الشركه وتكون وسيطه في البيعه ... الاستلام والتسليم يكون داخل المكتب

ومكاتبهم موجوده في الخبر الشرقيه ..

مجرد اقتراح فقط ..

MositerZ · 05-07-2009, 12:21 AM

بارك الله فيكم ..

بصراحه حلول كثيره ...

وما قصرتوا .. ان شاء الله اتعامل مع الشخص نفسه ..

لان الكثير مدحه لي ...

او استخدم طريقة كويت نت ...

تحياتي لكم ..