إقتباس:
المشاركة الأصلية بواسطة ملك الفوتوشوب  الأخوان ما قصروا ذكروا كل البرامج .. وبضيف شغله بسيطه للبرامج .. هو امتحان الآي سي دي ال ..
------------------------------
بالنسبه للمحل اللي بتفتحه .. عندي كم سؤال وجواب لك ..
اذا كان المحل اللي بتفتحه في مكان تكثر فيها المحلات الخاصه بالكمبيوتر .. خذ لفه عليهم .. وشوف الاشياء الموجوده في المحل هذا وغير موجوده في المحل الثاني .. بحيث تجمع الاشياء في مكان واحد ..
اما اذا كان المكان اللي بتفتحه ما فيه محلات كمبيوتر .. الا انت وحدك في هذه المنطقه.. عليك بالاشياء التاليه :
لا تكثر من الاشياء المرتفعه اسعارها وتنزل اسعارهن بسرعه ..مثل البروسسر والهارد والرامات يعني خل عندك حبات معدوده .. ودائما منوعه .. مثل الرام 512 , 1 , 2 .
الطابعات .. عليك بالطابعات 3 في 1 .. واللي تكون اسعارهن ما تعدا 230 .. وبتلاقى هالنوع اتش بي ..
الاكسسوارات .. كثر منها لانها رخيصه وتكون منوعه .. لانها تمشي بسرعه .. ماوس وكيبورد .. وفلاشات .. الاحبار ، وكيبلات النتورك .. كيبلات الطابعه .. وكيبلات الكهربه للجهاز .. خل عندك البضاعه منوعه يعني .. كم حبه بو 20 .. وكم حبه بو 40 .. وحبتين لين 3 .. بو 100 علشان يكون اغلب الشئ متوفر عندك ...
واهم شئ في هذا كله .. هو معاملة الزبون والترحيب .. به .. وقبل ما تفتح .. روح على مكتب للهدايا الاعلانية .. وسو لك اقلام اشكالها حلوه واكتب عليهن اسم محلك ورقم التيلفون .. بحيث تقدمها لكل شخص يدخل عندك حتى لو ما كان يبغي يشتري .. هذا بالاضافه الى اذا كان الزبون ياي يبحث عن شغله معينه .. وهي غير موجوده عندك .. وعندك الأفضل عنها .. اقطع من وقتك اشوي .. واقعد اتكلم معاه وتبين له اشوه الأفضل .. اسأل مجرب ولا تسأل ؟؟؟
اي شئ تود الاستفسار عنه .. حن حاضرين .. وفي خدمتك ... |
طيب ليه ؟ أنا احس اني اذا فتحت محل كمبيوتر لوحده بخسر لكن انا بقدم خدمة ماهي موجودة في المنطقة هي تقديم الكيبلات والقطع الصغيرة الي صعب تلقاها بالمنطقة فلما احد يدور على قطعة بيقول له المحل روح المحل الفلاني ( محلي )
فبحط اشياء ماهي موجودة في اغلب المحلات فلذلك حبيت اني اخلي المحل لوحده لكن الشارع نفسه فيه اكثر من محل بس ودي اعرف ليه اخلي الاغراض رخيصة ومنوعة يعني لو كانت محلات جنب بعض تكون غالية؟ وأنا احب انوع وبإذن الله أكسبهم كأخوان قبل ما اكسبهم كعميل وبقدم خدمآت ارخص من باقي المحلات في الشهرين الاولى وبتميز عشان اكسب ثقت المنطقة كاملة وفيه محل مشهور في المنطقة بحاول اكون افضل منه لان المحلات تنعد على اصابعك عندنا
فبيكون فيه ربح ، وانا افكر اشتري لاب توبات من جدة اسعارها 1800 ريال وبمواصفات حلوة وابيعها بـ 2000 ريال واسوي منشورات بسيطة وطبعاً الاقارب هم اكثر ناس راح تتعامل مع المحل وبيكون لهم عمولة خاصة وفوق هذا افكر اعن عن الاب توبات في الشوار الرئيسية مثل اعلانات الطويلة الموجودة عند الاشارات والاطرقة .
)، برامج نسخ ديفيدي محمي ونسخ سيديات، برامج تحرير الصوتيات، ألعاب ألعاب ألعاب..
