لتصبح مبرمج محترف و مؤهل ....من اى تبدئ ...مناقشة.

السلام عليكم و رحمة الله و بركاتة

دى اول مشاركة ليا فى منتدى سوالف رغم انى بتصفح الموقع من زمان عامة انا اتشرف بالانضمام الى مجتمع متميز (الى حد ما ) عن باقى المواقع العربية التفاهة

النهاردة عندى موضوع للمناقشة و يهم كل المستخدمين المهتمين بمجال البرمجة بصفة عامة و برمجة تطبيقات الويب بصفة خاصة

عشان نبنى جيل من المبرمجين العرب المتميزين القادرين على تلبية متطلبات السوق حاليا و التفاعل المباشر مع التطور الشديد الذى تشهدة خدمة الانترنت فى العالم العربى ....هل سيظل كل تفكيرنا فى موقع العاب و سكريب افلام و قواعد بيانات اعضاء ( مضروبة طبعا ) و لغاية امتى هيفضل كل همنا نعرب سكريبتات اجنبية و نعرب استايلات و لا ياترى هتفضل مستقرة على هذا الوضع و بصراحة الوضع كدة افضل وصف له انه

استقرار فى القاااااااااااااااااااااااااااااااااااع

بصراحة انا لو فضلت اتكلم طول عمرى مش هخلص و هسبب لكم صداع اتمنى من الجميع مناقشة الموضوع

و لكن طلب خاص للكل : بلاش الكلام العام عاوزين نحاول نلاقى حلول عملية ممكن نطبقها فى حياتنا و نقدر نستفاد منها و على فكرة عندى مفاجاة هتعجبكم ان شاء الله بس نخليها للاخر

و بالمناسبة عندى سؤال بسيط "للمحترفين" :

لو لسه اول مرة تتعلم برمجة php و mysql ياترى تبدئ ازاى تجيب قرصات فيديو "بالانجليزى طبعا" و تتعلم منها و لا تجيب كتاب تتعلم منه " بردة باللغة الانجليزية ".......؟

باختصار الكتاب اهم و لا قرصات الفيديو و ليه ......؟؟؟؟؟؟؟؟

و ايه رايكم فى الكتابين دول ايهما افضل ممكن نبدء بيه للى عاوز يتعلم


BUILD YOUR OWN DATABASE DRIVEN WEBSITE USING PHP &MYSQL BY KEVIN YANK 4TH EDITION

و لا الكتاب دة

learn php , mysql and javascript oreilly by robin nexon

بصراحة الكتابين محتار بينهم اتمنى حد يفيدنى

أنا جربت أتعلم التصميم والبرمجة

لا شيء يعدل الكتاب ..

سواء فيديو أو صوت أو غيرها


يبقى الكتاب هو وسيلة التعلم الأولى



لأنك حين تقرأ الكتاب فأنت كل تركيزك عليه وعلى الكود اللي أمامك

لكن حين تشاهد الفيدو فأنت تركيزك على الفيديو .. وعلى الشاشة .. وعلى الكمبيوتر .. وعلى الصوت .. وعلى التطبيق .. وعلى البرنامج اللي تطبق عليه ..

الفرق كبير لمن جرب ..

لهذا أنصجك بشراء كتاب للغة التي تريد .. وهي متوفرة عندكم في مصر

انا كنت مثلك .. وحقول لك عن خلاصة خبرتي في هذه الموضوع طوال 6 سنوات ..

لا ده ولا ده ..
العامل الاول والاهم والرئيسي هو : المثابرة والمتابعة والاهتمام فقط ..
اذا كان لديك هذه الاشياء .. سيدفعك الي التعلم سواء من الكتب او الفيدوهات او الاسطوانات او حتي من المواقع والمنتديات العادية !!
وسواء ذهبت الي مركز معتمد او تعلمت ذاتيا ..
وستجد نفسك بعد 6 شهور او سنة اصبحت محترف بسرعة الصاروخ ..


الفوتوشوب مثلا لانني كنت معجبا به واشوف الناس تعمل بيه حاجات عجيبة ..
خلال شهر تعلمته .. خلال 6 شهور تصبحت قادر علي استخدامه جيدا .. خلال سنة اصبحت محترف بمعني الكلمة ..
لانني خلال هذه الفترة كان الفضول يدفعني بحرارة الي الاهتمام به والتعمق فيه و المتابعة بشكل مستمر ..

اما مثلا لما حبيت اتعلم الـ PHP ..
كنت اشاهد درس هنا .. ومعلومة من هنا .. وكتاب من هنا .. وكنت بطيء جداا وكسول ولا اطبق ولا اتابع ..
ظللت لا افقه شيء فيه طوال 3 سنوات حتي قررت في النهاية اني لابد وان اهتم به واضغط علي نفسي ..
حتي استطعت بحمد الله اني اصل الي مرحلة متقدمة بعض الشيء ..

لذلك عليك بالاهتمام بهذا العامل فعليا وليس نظريا .. ويكون دافع حقيقي بداخلك ..

بالنسبة للغة : عندما بدأت رحلتي في البي اتش بي بدأت بالعربي لان في البداية الواحد محتاج يفهم معلومات عن لغة البرمجة بطريقة مبسطة و يقدر يفهمها و بعدها انتقلت للغة الانجليزية

بالنسبة لطريقة تعليمها : في البيت اشاهد الفيديوهات و أطبق عليها .. خارج البيت أقرأ مراجع انجليزية و احاول اكتب برنامج صغير علي اللي قرأته

ملحوظة : حتي لو اصبحت محترفا .. استخدم الانترنت في معرفة دوال جديدة و فانكشن جديدة و هناك دائما تطوير علي اللغة يعني بعض الدوال يتم الاستغناء عنها و دوال جديدة بتظهر :)

و ربنا معاك في مشوارك .. بس نصيحة لا تيأس .. فأنت لم تتعلم اللغة العربية في يوم و ليلة

بصراحة احب اشكركم جدا على تفاعلكم المثمر و السريع و دى اول مرة قبل كدة اكتب موضوع و اسيبه اسبوع مثلا لغاية م الاقى حد محترم يتناقش معايا فيه و الف شكر مرة تانية

الأخ لامارتين معاك حق الكتاب "الالكترونى" وسيلة مهمة جدا لانة بيحدد الحاجات اللى لازم تركز عليها دون اى تشتيت و انا شخصيا حاسس بميول ناحية الكتب لان دايما قرصات الفيديو مهما كانت مفيدة فهى اوقات مملة و دة بسبب انك لازم تشوف الفيديو و بعد كدة تطبقو ترجع تانى لو فيه حاجة مع العلم انه بالانجليزى و دى بالنسبة لناس كتيرة بيبقى مشكلة

alFarisDev اخى الفاضل كلامك مضبوط جدا فعلا اهم حاجة المثابرة و الصبر و الرغبة فى التعلم و للاسف كعرب بقى ك همنا اننا نتعلم كل حاجة مهماكانت فى يوم و لا اتنين بس للاسف بردة موضوع اننا نتعلم اكتر من حاجة بينتج عنه قله فى كفاءة الشغل الناتج

بمعنى لما يكون هناك فريق عمل به فرد متخصص فى التصميم و اخر فى البرمجة php و اخر فى mysql و هكذا يعنى نراعى مبدا التخصص دة هينتج عنه ان كل واحد عارف هيعمل ايه و بيقدر يركز انتباهه فى مكان واحد لكن لو الواحد اتعلم php و photoshop و adobe air و adobe flex هتبص تلاقى فى النهاية النتيجة صفر

استاذى cash-money شكرا على مشاركتك و على فكرة العبد لله مبرمج من 4 سنوات و كان سبب سؤالى عن الفيديو او الكتب ان فى ناس اختلفت معاها فى النقطة دى و حبيت اشاركم بيها و اعرف رايكم و على فكرة انا شخصيا رايى ان الواحد يشوف كتاب متميز و طبعا انجليزى لان المحتوى افضل الف مرة من العربى و يتعلم منه و مهما طال الوقت ان شاء الله النتيجة النهائية هتبقى كويسة جدا

بالنسبة للياس معاك حق فعلا عندى مشكلة مع التعلم بسبب الياس و قله الوقت فانا طالب فى كلية الهندسة و معظم وقتى مشغول و بدور على اى وقت اكتر عشان اتعلم فيه خصوصا و انى اعش مجموعة من المواقع الاجنبية اللى فيها افكار برمجية و تقنيات تجنن العاقل بس الحمد لله على كل حال و بصراحة انا شايف ان الاجانب بيتعبوا فى موضوع التقدم و التطوير و يستاهلوا انهم يبقى متقدمين علينا بالشكل دة

الاعتراف بالحق فضيلة

ايه رايكم فى الكتابين دول ايهما افضل ممكن نبدء بيه للى عاوز يتعلم


BUILD YOUR OWN DATABASE DRIVEN WEBSITE USING PHP &MYSQL BY KEVIN YANK 4TH EDITION

و لا الكتاب دة

learn php , mysql and javascript oreilly by robin nexon

بصراحة الكتابين محتار بينهم اتمنى حد يفيدنى
شكرا جزيلا

بارك الله فيكم، وبارك لكم خطواتكم ومشواركم في التعلم..
أنا حاولت أن أبدأ منذ فترة، لكني كنت مشتتا احيانا بين المواقع الجاهزة واخرى في سكربتتات مجانية.
أحاول الآن أن أبدأ من جديد، أحاول التهام كل ما اجد أمامي.