الموضوع: كيف يتم صرف شيك قوقل ادسنس في الكويت

بسم الله الرحمن الرحيم

السلام عليكم ورحمة الله وبركاته

اخواني عندي استفسار

كيف يتم صرف شيك قوقل ادسنس اذا وصل بالكويت؟

هل اذهب الي اي بنك واصرفه

ام هناك بنوك معينه

ام ماذا

انا عندي صندوق بريد ارامكس بامريكا ولندن

هل اخلي العنوان على امريكا يدزونه على صندوق البريد بامريكا

وبعدين ارامكس يجيبونه الكويت

وهل هذه الطريقه ممكن اصرف الشيك

بالكويت بما ان عنوان بريدي في امريكيا

ياليت اللي عنده فكره يفيدني

السلام عليكم

عزيزي شوف هذي طريقتي في صرف شيكات قوقل من الكويت

ولله الحمد شهريا الارباح ممتازة ,, قلذلك انا اطلب الشيك بواسطة DHL وهذا الخيار من لوحة تحكم قوقل ,, وتكون تسعيرة ارسال الشيك بواسطة الدي اش ال 24 دولار <<< لا تستكثرها من ارباح عالية + سرعة في التوصيل وامان

اوكيه وصل الشيك بسلام ,,, عندك 3 حلول مالك غيرها

1- عن طريق اي بنك كويتي , وتأخذ العملية من 20 - 30 يوم

2- تذهب الى بنك CITYBANK الي مقابل سوق شرق ( للانه البنك الي مصدر للشيك ) وماجربتهم بس اعتقد ما يطول للانه الشيك من بنكهم

3- الصرافين الي في سوق الكويت ( المباركية ) , ماجربتهم بس الي اعرفه انهم يشترون منك الشيك بعمولة 5 - 8 دنانير ويعطونك فلوسك كاش بنفس الوقت

انا استخدم الطريقة الاولى ( في حسابي في بنك الكويت الوطنى ) لاني مو مستعجل ولله الحمد ,, من ينصرف الشيك في حسابي ,, يكون الشيك الثاني وصل وهكذا

اتمنى اني اكون افدتك

تحياتي

تسلمون يالربع كلكم لكن كيف احط بيانات البريد بقوقل يعني اكتب اي بريد ولاجا وقت التحويل وش اسوي


ابي توضيح بنقطة البريد لاهنتم ياااخوان الي من الكويت ..

زين اخوي مايتعاملون مع ارامكس؟

انا عندي بريد على ارامكس بامريكا

اعطيهم عنوان البريد بامريكا عادي

ولما يوصل التشيك اصرفه؟

المشاركة الأصلية كتبت بواسطة kuwaitup

زين اخوي مايتعاملون مع ارامكس؟

انا عندي بريد على ارامكس بامريكا

اعطيهم عنوان البريد بامريكا عادي

ولما يوصل التشيك اصرفه؟

ماعندي خبر بخصوص ارامكس صراحة !!

بس في خيار اذا عندك حساب في بنك ( امريكي ) يتم تحويل المبلغ اليه مباشرة

نصيحة اخوية

شلك بالطلايب !! اطلب الشيك بال dhl او عن طريق البريد العادي اذا ماتبي تدفع 24 دولار ( تقريبا 5-6 دنانير فقط ) يتم خصمها من قيمة الشيك المصروف لك << ماهي شيء بخصوص الامان والسرعة بالتوصيل ,, يعني مثلا انا اربح شهريا 700 - 900 دولار واستخسر ادفع 24 دولار !! فهمت الشغلة

واصرف الشيك باحد الطرق الي قلتها لك فوق

تحياتي

المشاركة الأصلية كتبت بواسطة t7t7.com

تسلمون يالربع كلكم لكن كيف احط بيانات البريد بقوقل يعني اكتب اي بريد ولاجا وقت التحويل وش اسوي


ابي توضيح بنقطة البريد لاهنتم ياااخوان الي من الكويت ..

شوف ,,,

تحط بريدك الي يتم ارسال البريد اليه عادي جدا ,, انا صندوق البريد عندي ما يستفيد منه الا الخدم ( السايق + الخدامة ) تجيهم رسايل بريد من اهلهم في بلادهم

طبعا اقدر اخلي الشيك يرسلونه على نفس صندوق البريد ,,, بس ما انصح , والسبب ان البريد عندنا ماهو ثقة صراحة !! وهذي بيزات الله يسلمك ,, وهذا سبب اختياري لل dhl

عموما تضع عنوان صندوق البريد + الرمز البريدي , من خيار البيانات الشخصية في لوحة تحكم قوقل

اتمنى اني وصلت لك المعلومة

طيب اخوي بخصوص طريقة DHL

لازم افتح صندوق عند DHL

ولا شنو الطريقه بالضبط لاني ما امتلك صندوق بريد بالكويت

ومو عارف شنو الطريقه والله

عن تجربتي الشخصيه :

انا سجلت عندهم عنواني ورقم صندوق البريد وتلفوني

وصلني اول شي كود التفعيل عن طريق صندوق البريد

وبعدها اتصلو علي DHL وقالو في شيك واصلك وكنت متوقع يوصل بنفس طريقة الكود عن طريق صندوق البريد <------ يعني من غير ما اختار طريقة التوصيل اهم دزو عن طريق DHL وخصمو 24 دولار من حساب الشيك

وبعدها رحت لفيت ودرت على الصرافين وكلهم مايصرفون الشيك ونصحوني اروح لستي بنك (CITYBANK) الي قدام سوق شرق ..!

رحت لستي بنك (CITYBANK) وقالو لاء مانصرف الشيك لانه من فرع نيويورك واحنا فرع الكويت مالنا شغل فيهم

واخير شي رجعت لبنكي ( البنك التجاري ) <-------- التجاري اهو اختاري

عطيتهم الشيك وخلال فترة دخلو المبلغ بالحساب طبعاً خصمو منه العموله وفرق العمله من دولار لي دينار

طبعاً مدة الفترة الي يدخلون فيها المبلغ بالحساب تفرق على حسب قيمة الشيك يعني اذا الشيك اقل من 500 دولار تقريباً اسبوع واذا 1000 دولار واكثر من شهر وفوق .

اتمنا اكون وضحة الصوره
والله يوفق الجميع

السلام عليكم

انا والله اعاني من هذي المشكله بالنسبه للرمز البريدي

ولا اعرف كيف احول الموضوع لل dhl

ممكن توضحون لي يا الربع

ويعطيكم الف عافيه

المشاركة الأصلية كتبت بواسطة AL_User

السلام عليكم

انا والله اعاني من هذي المشكله بالنسبه للرمز البريدي

ولا اعرف كيف احول الموضوع لل dhl

ممكن توضحون لي يا الربع

ويعطيكم الف عافيه

عزيزي اذا انت ناطر رسالة النعريف PIN , لازم توصلك بالبريد العادي ,, على صندوق البريد , او الى عنوان البيت الي تسجله في قوقل , والمفروض انهم يوصلونلك الرسالة

وبخصوص DHL هذا الخيار ( اختياري ) مو اجباري , ورسومه 24 دولار لتوصيل الشيكات ( وليست PIN )

وطبعا لا يحتاج صندوق بريد او الرمز البريدي , هم يوصلون لك الشيك الى العنوان الي تبيه ( DOOR TO DOOR )

تحياتي

طيب كيف اتاكد ان لي صندوق بريد او وين افتح بالكويت؟

المشاركة الأصلية كتبت بواسطة t7t7.com

طيب كيف اتاكد ان لي صندوق بريد او وين افتح بالكويت؟

مو شرط اساسي صندوق البريد ياخوي !! بالامكان وضع عنوان بيتك وراح يتم توصيل الرسالة الى عنوان بيتك ان شاء الله من موظفي البريد في منطقتك

وعلى فكرة سعر فتح صندوق بريد جديد يكلف فقط 5 دنانير للسنة الواحدة ,, روح الى مكتب البريد الي تابع لمنطقتك واستفسر منهم <<< ولا تنسى الرمز البريدي للانه مطلوب

موفق خير

عدل

يعني احط رمز البريد تبع المنطقه وهو يوصله وهم يوصلون لبيتي ؟؟

يأخوان نصيحة لوجه الله .. لا احد يخلي الشيك على عنوانه البريدي لانه ادارة البريد مارح توصلك شي .. خلوه على عنوان البيت يعني سو نفسي انا مثلاً حاط عنوان صندوق بريد وهمي وحاط عنواني مثال السره قطعه 1 شارع 7 منزل 8 ومختار التوصيل الأمن وكل شهر يوصلني الشيك مع شركة DHL
بخصوص الصرف رحت كل الصرافات ورحت Citibank ماحد صرف الشيك لي الا المزيني(الفرع الرئيسي) وصرف فوري بس الحين وقفوا الصرف للشيكات الي بالدولار والي يعرف مكان ثاني يصرف فوري يعلمنا لانه البنك ياخذ 30 يوم عشان يصرفه .. الي يبي رقم المزيني عشان يشوف إذا فتحوا الصرف للشيكات الي بالدولار ولا لا للحين يدق عليهم على رقمهم 888818

المشاركة الأصلية كتبت بواسطة Roo7.net

يأخوان نصيحة لوجه الله .. لا احد يخلي الشيك على عنوانه البريدي لانه ادارة البريد مارح توصلك شي .. خلوه على عنوان البيت يعني سو نفسي انا مثلاً حاط عنوان صندوق بريد وهمي وحاط عنواني مثال السره قطعه 1 شارع 7 منزل 8 ومختار التوصيل الأمن وكل شهر يوصلني الشيك مع شركة DHL
بخصوص الصرف رحت كل الصرافات ورحت Citibank ماحد صرف الشيك لي الا المزيني(الفرع الرئيسي) وصرف فوري بس الحين وقفوا الصرف للشيكات الي بالدولار والي يعرف مكان ثاني يصرف فوري يعلمنا لانه البنك ياخذ 30 يوم عشان يصرفه .. الي يبي رقم المزيني عشان يشوف إذا فتحوا الصرف للشيكات الي بالدولار ولا لا للحين يدق عليهم على رقمهم 888818

مظبوط كلامك اخوي ,,, وانا قلت من الاول الافضل استخدام DHL

بس المشكلة بالنسبة للاستلام الــ PIN اول مرة !! لازم عنوان البيت او صندوق البريد في منطقتك , ولازم يبعثونه بالبريد العادي ( مادري ليش ) بس هذي طريقتهم

وبخصوص صرف الشيكات ,, انا ذاكر في اول رد لي الطريقة

وبالتوفيق يا اخوان

تحياتي

الحربي
مشكور وايد على المعلومات
الي عندك معلومات اكثر نتمنى يفيدنا ...