ماشاء الله تبارك الله
الحقيقة خرعتوني حسبي الله عليكم
معقول دار العرب تسوي كل هذا ؟
لالالا اكيد انتم تجاملوني يالربع
=============
يا شباب ، ابيكم تقهمون شي واحد ولا عليكم امر ، انا هاوي تعريب منتديات وبرامج ولست مبرمج .
صحيح ممكن يكون شغلي يعطيك نظرة او لمحة اني مبرمج او شي من هالقبيل ، لكن الحقيقة عكس ذلك تماماً .
اخوكم في البرمجة صفر على الشمال ، ولو اني مبرمج كان قدني مسوي علوم الله وحده يدري عنها . لكن ما باليد حيلة .
=============
الحين ندخل في الصميم .
الحقيقة اني هالفترة امر بظروف صعبة جداً ، يتحدد من خلالها مستقبلي ، حالياً لم يبقى سوى القيام ببعض اختبارات مايكروزفت لشهادة هندسة الشبكات ( MCSE ) وبإذن الله بعدها ( MCDBA ) (( قواعد بيانات ) ، فعلشان كذا ما ابي انشغل عن دراستي بالموقع .
المدة محصورة في فترة شهر تقريباً وبيني وبينكم ابي اخلي كل شغلي للدراسة ، ما ابي اخلي ميموري الدماغ غير للدراسة لاني مستقبلي يتوقف عليها .
فمن هالمنطلق قررت بأني ابيع الموقع و استفيد منه مادياً ومعنوياً .
لكن دامكم رافضين هالشي ، ما اقول غير انتم تامرون يالربع وانا بخدمتكم و الله يعينني على مساعدتكم جميع
لكن ابيكم الفترة الجاية كان صار مني قصور تسامحوني جميع ، مستقبلي ولازم اهتم فيه ، ولا اروح فيها بعدين
=============
لكن اللي ماني مستوعبة فعلاً ، هل شبكة دار العرب لها دور كبير في إفادتكم بالمعلومات والبرمجيات ؟
رجاءاً بدون مجاملات ، نبيها تكون صريحة من الجميع ولا عليكم امر
=============
الحمدلله على كل حال
مشكورين جميـــــــــــــــــــــــــع
عيني بعيك
