النتائج 1 إلى 7 من 7

الموضوع: شرح مفصل لطريقة ترقيه منتداك حتي اخر نسخة من الاصدار الثاني... مدعم بالصور

  1. #1
    عضو نشيط جدا
    تاريخ التسجيل
    Feb 2004
    المشاركات
    464

    شرح مفصل لطريقة ترقيه منتداك حتي اخر نسخة من الاصدار الثاني... مدعم بالصور



    بسم الله الرحمن الرحيم

    رب اشرح لي صدري و يسر لي أمري و احلل عقدة من لساني يفقهوا قولي

    صدق الله العظيم


    السلام عليكم

    اخواني الاعزاء ..

    اقدم لكم اليوم اول شرح لي في سوالف يا رب يحوز اعجابكم و احنا جميعا بشر من الممكن ان نخطئ اتمني اشوف ملاحظاتكم ....

    هذا شرح كامل للترقيه من اول النسخة 2.2.0 و حتي اخر نسخة 2.3.4

    عمليه الترقيه بسيطه و ان شاء الله لا يوجد فيها أي مشاكل ..

    كل المطلوب منك هو اختيار النسخة النظيفه التي ستقوم بالترقيه اليها ..

    و قليلا من التركيز و الفهم .. و اكرر الفهم لابد ان تفهم ما تقوم بعمله حتي تستطيع النجاح فيه ...

    و ان شاء الله في هذا الدرس أقوم بمحاوله لتبسيط هذه العمليه إلي اقصي درجة لكم ....

    فبسم الله نبدأ ..

    اخترت ان نبدأ من الصفر من النسخة 2.2.0 حتي نحفظ سويا ارقام ملفات الترقيه ..

    و ليكن مبدأ نفهمه جميها ان ملفات الترقيه هي عبارة عن ملفات php تحت اسم upgradeX.php ...

    حيث X هو رقم النسخة اللي هاترقي ليها ...



    ارقام الملفات نحفظها كويس كالتالي





    دي ملفات الترقيه الخاصه بكل نسخة ...

    طيب نيجي للشرح العملي ... و هانطبقها علي النسخة 2.2.7 هانرقيها الي 2.3.4 .....

    اول شئ نحمل نسخة قلعة العرب الذهبيه ..... من الرابط ده .....

    2- هاناخد نسخة احتياطي من قاعده البيانات ......

    و دي ليها اكثر من طريقه ....

    فيه طريقة استخدام سكربت العنزي ... و دي شرحها اخونا قلعة العرب علي الرابط التالي .... و افاض فيها ...

    اما انا بافضل الطريقه التقليديه و مستغرب من اللي يقولوا لا تنجح ... مع انها ناجحه جدا معايا ....

    الطريقه التقليديه هيا حفظ نسخة من قاعدة بياناتك علي جهازك و ده بيكون من لوحة التحكم ....

    ركزوا معي .... ادي لوحة التحكم





    هاندوس كلنا مع بعض علي خيار Back-up Database اللي متعلم عليه بالفوسفوري قصادكم ....

    هاتطلع لنا - خير اللهم اجعله خير- في الصفحة اليمين الجداول اللي مرصوصه في قاعدة بياناتك ... تعالوا نبص علي الصورة




    هانحط خيار yes علي كل الجداول علشان قاعدة البيانات تكون كامله ... و بعدين نضغط علي زر Do Backup علشان يظهر لينا مربع حواري- بكسر الحاء موش فتحها - اللي بيطالبنا باختيار مكان الحفظ علي جهازنا .....

    و بكده تكون قدرت تحصل علي نسخة سليمه من قاعدة بياناتك باذن الله ...

    ثانيا .. بعد ما اخدنا نسخة من الداتابيز ..... كمان زيادة في الاطمئنان هناخد نسخة من ملفات المنتدي بتاعنا ..... الاحتياط واجب برضه

    نيجي بقي للمهمه الخفيفه التقيله ... و سميتها كده لانها خفيفه جدا في خطواتها و تقيله علي اللي لسه اول مرة يجربها و موش مركز معانا ...

    الخطوه الأولي ... هاستبدل ملفات مجلد الvb او ايا كان اسمه .. المهم مجلد المنتدي الرئيسي بتاعنا ...... هانستبدل الملفات القديمة بملفات النسخة الجديده اللي هانرقي ليها ... و هي طبعا نسخة 2.3.4

    بعد ما نستبدل ملفات مجلد المنتدي الرئيسي .. هانبدل ملفات مجلد mod بملفات النسخة الجديده .. مجلد mod برضه .....
    نيجي بقي لمجلد الادمن .. ركزوا معايا ..... هانستبدل كل ملفاته ما عداااااا ملف الconfig.php و ملف الinstall.php دول ملناش دعوة بيهم ... موش هانعمل ايه شئ في مجلد images هايفضل زي ما هو ....

    يا رب يكون واضح .....



    الخطوه التانيه ....

    دلوقتي يا جماعه فتحوا مخكوا معايا و نفهم سوا ...

    شرحنا الجدول السابق بتاع ارقام الملفات و كل رقم خاص بالترقيه لاي نسخة ...

    احنا دلوقتي مثلا هانرقي من النسخة 2.2.7 الي النسخة 2.3.4

    يبقي محتاجين نشغل أي ملف .....

    اااااااااااه تمام ملف upgrade21.php لانه لو راجعتوا الجدول هاتعرفوا ان ده الملف المقصود ......

    طيب نشغله ازاي ....

    نشغله من الرابط ده و انتبه كويس

    www.yoursite.com/vb/admin/upgrade21.php
    هاتغير yoursite الي اسم موقعك ... و الvb طبعا هو مجلد منتداك الرئيسي .. اذا كان ليه اسم تاني يبقي تغير الvb الي اسم مجلد منتداك الرئيسي ....

    طيب ايه اللي ممكن يحصل لو شغلنا ملف اقدم من الملف ده ... يعني upgrade14 مثلا ...

    اذا حصل هايظهر لك التحذير ده





    و بينبهك انك شغلت ملف ترقيه لنسخة اقدم من نسخة منتداك .....

    اما بقي اذا كنت بترقي من الصفر يعني من نسخة 2.2.0 يبقي موش هايظهر ليك التحذير ده و الأمور هاتمشي معاك اخر انسجام ....ان شاء الله ...

    نرجع لموضوعنا ... و هو الترقيه من النسخة 2.2.7 الي النسخة 2.3.4


    قلنا هانشغل الرابط www.yoursite.com/vb/admin/upgrade19.php
    و نعمل التعديلات اللي سبق قلناها ...

    هانشوف الصوره هايظهر فيها ايه





    زي ما هو واضح في اللوجو ان السكربت ده للترقيه من النسخة 2.2.7 الي 2.2.8 ..... اوكي تعالوا نرقي تدريجيا .. هانضغط علي الرابط زي ما في الصورة

    هاتظهر لنا الصورة دي




    و الصورة دي بتقولك ان عمليه تكوين التمبليتز الجديده تمت بنجاح ..... هاندوس كلنا علي الرابط المشار اليه ....

    هاتظهر لنا الصفحة دي ....






    لو الصورة دي طلعت عندك تبقي انت قدرت تنجح في اولي خطوات الترقيه من النسخة 2.2.7 الي 2.2.8 .....

    عاوزين بقي نرقي من النسخة 2.2.8 الي النسخة 2.2.9 ... نعمل ايه ...

    اظن كلنا حفظنا .. قصدي فهمنا .. هانشغل الملف الخاص بالنسخة دي و من مراجعة الجدول هانعرف رقمه ... يالا تعالوا نشوف اللينك


    www.yoursite.com/vb/admin/upgrade22.php

    طبعا مع تغيير اسم الموقع لموقعك و مجلد المنتدي لمجلد منتداك ...

    ميجيش حد يقولي يا سوبر انت مدينا رابط غلط ...

    بعد ما نشغل الملف نفس الخطوات السابقه هانبص علي اول شاشه




    الشاشه دي مختلفه عن الشاشه الاولي بتاعة نسخة 2.2.8 في انهم شارحين الملفات و ارقامها ....
    ما تتخضش من الكلام الكتير ده و دوس علي اللينك

    و نفس الخطووات اللي فاتت .. هاتظهر ليك الشاشه اللي تخبارك ان عمليه تكوين التمبليتز الجديده تمت بنجاح

    اديت هنا مثالين يا جماعه احنا كده وصلنا للنسخة 2.2.9 ....

    عاوزين نرقي بقي من النسخة 2.2.9 الي النسخة 2.3.0

    مفيش أي فرق هانتبع نفس الخطوات اللي فاتت ....

    و نشغل ملف الترقيه الخاص بكل نسخة ... لحد ما نوصل الي اخر ملف upgrade27.php

    و بكده نكون و لله الحمد رقينا نسختنا بنجاح ان شاء الله

    يا رب يكون الشرح واضح و اذا فيه أي مشاكل واجهتكم انا تحت امركم في أي شئ .....





    تحياتي العطرة

    بوابة مصر






    __________________
    مصر
    منتدى مصري
    محمد
    بوابة مصر غير متواجد حالياً


  2. #2
    عضو فعال
    تاريخ التسجيل
    Oct 2003
    المشاركات
    1,200


    يا اخي الله يعطيك العافيه

    شرحك جميل وواضح ومتعوب عليه

    مستغرب ليش محد رد عليك وشكر غريبين والله


    حبيت اسألك

    انا منتدى 2.3.2 عاوز ارقي لنسخه 2.3.4
    اول شي ارفع ملفات نسخت 2.3.4 على ملفاتي القديمه

    بعدين اشغل اي ملف بالضبط؟
    هل اشغل الملف 26 بعدين 27
    ام ابدا بملف 27 مباشرة

    ارجو الاجابه قبل ما اتهور

    تحياتي





    Jobran غير متواجد حالياً

  3. #3
    عضو نشيط جدا
    تاريخ التسجيل
    Oct 2003
    المشاركات
    551


    مرحبا بك

    اولا خالص التحية للمجهود الكبير
    ثانيا محدش رد لانة بكل بساطة عصر ال vb الجيل الثانى انتهى





    __________________
    Hmoud B. Al Qahtani
    Tasjeel.com
    FLy غير متواجد حالياً

  4. #4
    عضو نشيط جدا
    تاريخ التسجيل
    Oct 2003
    المشاركات
    501


    مشكور اخويه Misrnt.net على هذا الشرح شرح جميل لكن عندي تعليق واحد وهو انه لما تبغا ترقي لازم تمشي على الملفات كلها من اول لين الاخر ما اعتقد انه لازم نمشي على جدولك هذا مفهومي ومفهوم الجميع انا هذا يلي اعرفه اما اذا كانت الطريقة مجربة وناحه انه على الملف يلي تبغاه والله فعلاً طريقة حلوه وسهلة في نفس الوقت .

    تقبل تحياتي ...





    MOHAND غير متواجد حالياً

  5. #5
    عضو نشيط جدا
    تاريخ التسجيل
    Oct 2003
    المشاركات
    501


    اخويه Jobran طريقة الترقية انه ترفع ملفات المنتدى 2.3.4 في مجلد لوحدة بأسم مثلاً vb2 طبعاً بعد ما تأخذ نسخة احتياطية المهم وتروح تعمل نفس البيانات تبع ملف الكونفق حق القديم ولما ترفع النسخة الجديده لا ترفع ملف الانستول وابدأ بالترقية من اول ملف تطوير من اول رقم عندك لين اخر رقم ولما تخلص امسح الملفات حق المنتدى القديم وغير اسم الملف الى الاسم القديم يعني vb بس اوكي انشاء الله الشرح يكون وافي ومثل اي ترقية يعني ما تفرق كله واحد . وفي المنتدى هنا مليان شرح الترقية بس انت سوي بحث وتشوف .

    تقبل تحياتي ...





    MOHAND غير متواجد حالياً

  6. #6
    عضو فعال
    تاريخ التسجيل
    Oct 2003
    المشاركات
    1,200


    مشكوور اخي محمد

    جزاك الله خير





    Jobran غير متواجد حالياً

  7. #7
    عضو فعال
    تاريخ التسجيل
    Feb 2004
    المشاركات
    1,542


    منو قال انه انتهى بكره الجيل التالت هايتضرب الجزمه لان انا مش ضامن كل نسخ الجيل التالت ده
    لو ضامنها انقل لها


    نبقى نفكر ننقل للتالت لو جه الاصدار 3.3.4

    ننقل للتالت:funny: :funny: :funny: :funny: :funny: :funny: :funny: :funny:





    __________________
    إسلام ابراهيم - دعم فنى
    شركه الانترنت المتقدمه - المنصوره - مصر
    شركه ابداع للدعايه والاعلان - الخرج - السعوديه
    arabiancoder [@] htomail.com
    arabiancoder غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
0
أضف موقعك هنا