لاحظت خلال و قبل وجودي بسوالف وجود اسماء نطاق (domains) للمواقع العربيه اقل ما يقال عنها متخلفه, مادري وش السبب لكن اعتقد انه ناس ما يعرفون عن اسماء النطاق اي شي و يحسبونها زي ارقام لوح السيارات و ارقام الجوال, يبحثون عن التميز بتكرير الارقام و الحروف بشكل غبي مثل :
k1k1.com
a12345.com
f5f5.com
x111x.com
bb11.com
او حتى
04440.com
صراحه شي مضحك و محزن بنفس الوقت, يعني بنظره سريعه على الاسماء السابقه ما تقدر تعرف وش نوع الموقع خلف الاسم الواحد الا بعد ما تدخله, حتى مع كثر الاسامي المكتوبه بهذي الطريقه خلت حفظ الاسامي مزعج , تصير تلخبط بين اسامي المواقع (بما ان مالها معنى) و كانك تحفظ ارقام سريه بدال اسامي مواقع.
نصيحتي للجميع بانهم يقرأون عن اسامي النطاقات و يشتركون في منتديات مثل www.namepros.com المتخصصه في اسماء النطاقات عشان يعرفون كيف يميزون من الاسم اللي عليه القيمه و الاسم اللي ما يسوى, و نوع الاسامي اللي وراه فايده تسويقيه.
اول شي مشكور على الموقع الي يمكن يفيد في اختيار اسم النطاق
بس بنسبة لدومينات الي ذكرتها يا اخي الكريم . مافية مقارنة بين f5f5.com و f3f3.com او a1a1.com وبين 04440.com
الدومينات f5f5.com و f3f3.com والي يشبهها هذي دومينات رائعه جداً ولا يمكن ان نستحقرها او مثل ما قلت شي مبكي ومضحك يا اخي المضحك 04440.com هذي مضحكة يمكن ولو ان بعض الاحيان قد يكون لها مقصد لا انت ولا انا ندري عنها .
الناس يا استاذ تدور الدومين السهل لموقعها . والاهم ليس الدومين بل المحتوى
ايضاً لا ننسى هذي ليست موضه جديده . من زمان والناس تحجز دومينات بشكل هذا .
وجه الشبه المقصود بهو عدم وجود معنى للدومين, و افضل الدومينات هي اللي تعبر او على الاقل تعطي لمحه عن المحتوى, او تكون باسم شركة او صاحب الموقع او الخدمه المقدمه فيه.
اخوي رح للمنتدى اللي حطيته , بتلقى فيه قسم لتقييم اسعار الدومينات, حط مثلا f3f3.com و شف كم بيقولون لك يسوى, اغلب الظن بيقولون لك registration free (او reg fee) يعني قيمة تسجيله فقط.
نعم العرب هم اغلب من يهتمون بهذا النوع من الدومينات, و هذا هو السبب اللي خلاني اقول عليها "موضه".
إقتباس:
المشاركة الأصلية بواسطة طالب العلم
2600ma
لو لا حظت اسمك لو جدته لا قيمه له
اولا يا عزيز اسمي ماله اي علاقه باسماء النطاق, ثانيا انت "طالب علم" و كان يفترض انك تناقش هالموضوع بدال ما تنحرف عنه و تاخذه بصفه شخصيه, ثالثا الاسم يخص عضو سابق اهداني اياه و تقدر تشوف هالشي لو بحثت عن مشاركاته القديمه
لا يحق ان تنعت المواقع العربية بهالوصف .. لمجرد ان اختارت اسم بشكل معين تراه يسهل انتشارها ,, اولا هناك فرق بين متخصص او مقتنص اسماء النطاق وبين شخص ما يهمه المظاهر .. و يسعى لنشر الفائدة و المضمون بشتى سبل تسهيل الانتشار .. - حسبما يراه مناسبا - ولولا تعدد الاذواق لبارت السلع.
بعدين في اختراع اسمه المفضلة تقدر تحفظ اي شيء تريده فيها .. يعني حجة صعوبة حفظ الاسم مو بمحلها.
يعني انت تقول العرب متخلفين .. و تريد الناس ترد عليك بأدب.. عموما لعدم الخروح عن الموضوع ... شوف الغرب او المتحضرين ايش يحجزوا تلقاهم بدرجة أكثر - تخلفاً على حد تعبيرك - ادخل على الرابط التالي و اعمل بحث وشوف: http://www.snapnames.com/asearch_results.jsp
بتلاقي أكثر من 286 ألف اسم نطاق طبعا مو عربي .. تقع ضمن مصطلح متخلف اللي أطلقته .. و هذي فقط اللي اقتربت من تاريخ الانتهاء
** عند عرض مشكلة او ملاحظة .. استخدم فكرة .. النصيحة مو فضيحة..
حياك الله
__________________
www.AraServ.com
خدمات التصميم و البرمجة
تخيل ما تريد :: و علينا تحويله إلى حقيقة :: بإذن اللــه
design@araserv.com
مسنجر + ايميل
تذكر .. http://images.araserv.com/header/mony.gif
لا يحق ان تنعت المواقع العربية بهالوصف .. لمجرد ان اختارت اسم بشكل معين تراه يسهل انتشارها ,, اولا هناك فرق بين متخصص او مقتنص اسماء النطاق وبين شخص ما يهمه المظاهر .. و يسعى لنشر الفائدة و المضمون بشتى سبل تسهيل الانتشار .. - حسبما يراه مناسبا - ولولا تعدد الاذواق لبارت السلع.
انا ما قلت شي عن المواقع نفسها, انا اتكلم عن الاسم فقط. ممكن يكون صاحب الموقع مختار اسم سيء لكن موقعه ممتاز.و هذي عموما اقرب للاكواد مو اسامي, صار كل موقع له كود معين , واحد ff33و الثاني h1h1...الخ, و هذي الاسامي السيئه و انا اتكلم عن حقائق مو وجهات نظر, الاسم يجب انه يكون ملائم للموقع مو مجرد حروف و ارقام عشوائيه.
إقتباس:
يعني انت تقول العرب متخلفين .. و تريد الناس ترد عليك بأدب.. عموما لعدم الخروح عن الموضوع ... شوف الغرب او المتحضرين ايش يحجزوا تلقاهم بدرجة أكثر - تخلفاً على حد تعبيرك - ادخل على الرابط التالي و اعمل بحث وشوف:
يا اخي انا ما قلت العرب متخلفين ولا قلت الغرب متحضرين, قلت الاسامي نفسها متخلفه بغض النظر عن جودة الموقع. الغرب يختارون اسامي مالها معنى برضه لكن مو بالشكل الموجود هنا, المشكله انه بعض الناس هنا مستعد يدفع مئات الريالات على هالنوع من الاسامي مع انه لو قعد بس عشر دقايق يبحث عن ارقام و حروف عشوائيه كان لقى فوق الـ5 اسامي من هالنوع.
إقتباس:
و حتى إسمك صحيح إنه في واحد أهداك إياه .. و أعتقد إنه في إمكانية تغيره في سوالف ..
و حتى الدومينات يمكن شخص أهدى ربيعه إسم دومين من الفئة التي ذكرتها مثلاً !!!
يالله اخوي شد حيلك توسط لي عند المشرفين يغيرون لي اياه, لي سنه بقسم الشكاوي محد عبرني
و بعدين اذا الشخص جاه دومين من هالنوعيه هديه مو مجبور يستخدمه لموقع بيشتغل و يتعب و يدفع فلوس عليه, و الدومين راس ماله حوالي 35 ريال فقط.
إقتباس:
يمكن أحد الأعضاء يأتي و ينزل موضوع يكون عنوانه [ ( أسماء العضويات ) , و التخلف في الاختيار.. ] ..
شو بيكون ردك أخي الكريم !!!
شو بيكون ردي يعني؟ راح انتظر المشرف يتكرم طال عمره و يرد علي اول شي بعدين نتفاهم عن تغيير الاسم.
و بعدين اذا الشخص جاه دومين من هالنوعيه هديه مو مجبور يستخدمه لموقع بيشتغل و يتعب و يدفع فلوس عليه, و الدومين راس ماله حوالي 35 ريال فقط.
إذا واحد محصل دومين من صديق يعزه مستعد ينشئ من خلاله موقع رائع تكريماً لزميله !!
إقتباس:
يالله اخوي شد حيلك توسط لي عند المشرفين يغيرون لي اياه, لي سنه بقسم الشكاوي محد عبرني
أنا من فترة مغير إسمي .. تأكد من الشروط لأني نفسك في البداية ما غيروا إسمي لاكن بعد ما راجعت الشروط مرة ثانية و تأكدت إني غلطان و ضبط الأمور غيروا إسمي !!
خلاصة الموضوع :
من الخطأ أخي الكريم أن نتهم بأن أصحاب هذي النطاقات اختاروا دوميناتهم بطريقة غريبة ..
كل واحد له طريقته الخاصة في التفكير .. فيجب علينا احترام جميع العقول ..
تحياتي للجميع
__________________ هوست دبي للإستضافة و التصميم HostDubai For WebHosting & Design خيارك الصحيح .. لاستضافة مثالية WebSite: hostdubai.ae
HostDubai.com , خلاص انسى كلمة "غبيه" , خلينا نقول "غير مناسبه", كل اللي اقوله انه المفروض يتبعون اصحاب المواقع معايير معينه في اختيار الاسامي بحيث اما تدل على المحتى او يكون له علاقه بالموقع و مو اسامي عشوائيه. و مثل ما قلت خذ لك عينه من هالنوع من الاسامي و روح لمنتدى متخصص بالدومينات و اطلب منهم يقيمون لك الدومين و شوف وش بيقولون لك
اخي 3rbhost, انا اتكلم عن الفعل نفسه متخلف و ما تكلمت لا عن محتوى الموقع ولا عن اللي اختار الاسم
__________________
www.AraServ.com
خدمات التصميم و البرمجة
تخيل ما تريد :: و علينا تحويله إلى حقيقة :: بإذن اللــه
design@araserv.com
مسنجر + ايميل
تذكر .. http://images.araserv.com/header/mony.gif
وانا ما امدح النطاقات هذي لاني ابيعها او شي من هذا الكلام لا
من الاسباب اللي خلتها منتشره ومميزه لان الشعب العربي وخاطة الشعب السعودي الاغلبيه منهم ما يعرفون انلقيزي
مثلا موقع اسمه صديقي لو يبي يخلي دومينه بالانقلزي راح يطلع كذا ww.9deqe (الاسبلنق لك عليه )
يبي يصير الدومين صعب لكن لو يصير كذا f55f راح يصير اسهل واكثر انتشار وحفظ
مشعل نت, الاسباب اللي ذكرتها صحيحه, ممكن تكون اسهل , لكن بنفس الوقت مالها قيمه. و بعدين ممكن تختار اسم له معنى و يكون سهل بنفس الوقت مثل www.tadawul.com , ما راح تحط جمله كامله بالاسم, كلها كلمه او كلمتين خاصه ان الاسامي العربيه اللي تكتب بحروف انجليزيه متوفره بشكل كبير.
az0z , روح اقرا الردود كلها اول شي بعدين تعال اسالني
elamaken, هذي فكره حلوه في حالة ان الاسم اللي له معنى يكون هو اسم الموقع الاساسي و الاسم القصير اللي ماله معنى يحول الزوار على الموقع الرئيسي. و من ناحيتي بحفظ الاسم اللي له معنى حتى او اطول لانه هو اللي بيرسخ بمخي.
الاسم يا جماعة الخير ماله دخل بمحتوى الموقع, انا منب اقول ان الاسم لا صار زي كذا بيصير الموقع تعبان, انا اقول لكم عن الاسم نفسه بغض النظر عن الموقع, الاسم بيكون تافه وماله قيمه الا لصاحب الموقع نفسه. يعني حتى لو حطيت اسم موقع بين اسامي مواقع ثانيه بيضيع بينهم لانه ما يوحي بشي ولا له معنى و حتى ما يجذب.
