المشاركة الأصلية كتبت بواسطة abadiksa
يإخوان للأسف هنا في سوالف تعال وشوف اي واحد كتب موضوع " رايك في الشركة الفلانية "
الناس الي ترد 4 اقسام
1- شركات مثله .. امسكلي واقطع لك .. وطبل لي واطبل لك .... والله اني استفز احياناً لما اجد شخص يكتب في توقعية او نكه " شركة فلان لالإستضافة والتصميم " ويرد على موضوع عن شخص طالب الرأي في شركة ثانية
ياخي انت وش دخلك تكتب انه " فلان آدمي صاحب الشركة خلوق وماعليه كلام " انت تعاملت معه تجاريكاً قبل كذا ؟
2- هو نفسه صاحب الشركة : عنده ثلاث او اربع عضويات ويمدح في شركته وشركات خوياه من الصنف الأول .
3- ناس لقافة ماله لاناقه ولا جمل في الموضوع .. وتلاقيه كذاب وماله هم الا يزيد عضويته ويتكيلح مع فلان صاحب الشركة
4- الناس الصادقة : وفي العاده تلاقي الموضوع 260 رد .. 3 منهم صادقين هم مستضيفين .. والباقين من الأصناف السابقة
نتمنى تكون هناك حزم من الإدارة بخصوص هذة المواضيع والي يتبين انه يتلقف في شي مايخصة توقف عضويته ، ناس كثير اتضررت بسبب هذة المواضيع .
وفكرة الأخ انه شوف السيرفر والمستضيفين الي عليه افضل للجميع .. بكذا انت تصيب الهدف وتعرف الكثير عن الشركة
افضل من انك ترمي سهم في سوالف .. وياتصيب وياتخيب
تحيتي لكم