السلام عليكم ورحمة الله وبركاته ..
ركبت منذ فترة بسيطة سكربت الووردبريس
النسخة 1.5.2
واليوم دخلت على الموقع وتفاجات انه يقول لي .. جلستك إنتهت !!
في لوحة التحكم فقط .. بس الموقع شغال .. ولا استطيع الدخول ..
كل ما اكتب الباسوورد يطلع لي خطأ ..
ما المشكلة ؟؟ مع علمي انه هذا السكربت مجاني ومتوفر .. فليش طلع لي كذا ؟
اتمنى تساعدوني ضرووري جدا لاني احتاج اجدد موقعي
وشكرا
اممم يمكن المشكلة في الكوكيز حاول تحذفه أو تستخدم جهاز ثاني ...
وماله دخل كون البرنامج مجاني أو غير مجاني :)
شكرا اخوي على الرد
ولكن جربت .. ومثل الشي
كله يقول لي الباسوورد غلط ولا اقدر ادخل .. :(
امم طيب تقدر تغير كلمة المرور من قاعدة البيانات من جدول الاعضاء شف اسم العضوية وسو تعديل لحقل كلمة المرور طبعا حط كلمة المرور الجديدة بتشفير md5 مثلا حط
1f3870be274f6c49b3e31a0c6728957f
وبعد كذا روح سو دخول عادي وحط كلمة المرور apple وبيفتح معك ان شاء الله
طبعا التعديلات السابقة عن طريق phpmyamin او اي برنامج يقوم مقامه
واذا مافهمت اسئل مرة ثانية وابشر باللي يخليك تفهم غصب :)
للمزيد عن md5 في php
http://www.php.net/manual/en/function.md5.php
السلام عليكم ..
مشكووور اخوي الدوسري ..
سويت الطريقة اللي قلت لي عليها وبدلت الباسوورد من phpmyadmin
والحمد لله ضبطت معاي .. الله يجازيك خير ويوفقك عزيزي ..
بس لكن في رايك ليش صادتني هالمشكلة وش سببها يعني ؟