لا حول ولا قوة إلا بالله العلى العظيم ..

ايه اللى بيحصل دا ..

نصب .. وسب .. ودعاء ..

اللى حصل فى الدنيا ..

الناس اتجننت ولا ايه

اه والله حاجة تحزن ..

اولاً لو كلامك صح ..

يبقى انا حقتبس حاجة من كلامك يا 4arab

بص يا سيدى انا من طنطا أصلاً ..

وبالذكاء يعنى السنترالات عندنا تبع الشركة المصرية للإتصالات ..

ومافيش حاجة إسمها اكبر سنترال .. لإن طنطا مافيهاش غير تلت سنرالات .

سنترال طنطا الرئيسى ( دا فى شارع البحر ) وفى سنترال طنطا الإلكترونى II ( ودا قدام المطافى على طول عند مجمع المحاكم ) وفى سنترال العجيزى ( ودا فى العجيزى )

<<<<< معلش دارس جغرافيا الأخ

يإما بيشتغل فى الشركة نفسها سيكيوريتى مانجر .. ودا مستحيل طبعاً لإن السيكيوريتى مانجر اللى هناك عالم على مستوى .. مع الإعتذار للأخ طلعت .. وبيبقوا خريجى حاسبات ومعلومات أو هندسة قسم إتصالات ..

يا إما بقى الأخ طلعت بيشتغلك ودا على حد كلامك ..


مافيش نصاب بيفهم حينصب بالطريقة دى .. لإنها المفروض مفقوسة أوى ..

----- نيجى لحاجة تانية ..

معلش يا طلعت انت غلطت فى حاجة .. هو دلوقتى قالك هات الفلوس المفروض بترجعهاله وتخصم منهم تكاليف الحوالة .. بس اسمك رجعتهاله أنت عندى 30 دايز مونى باك جرانتيي

لو كان طالبك بيهم بعد التلاتين يوم دول مالهوش حق فيهم

----- ندخل فى حاجة تالته ..

معلش .. إنت ممكن تكون سابك العملية دى كويس اوى بس المشكلة انها ممكن تشيط منك فإستخدم زيت اولية

بص ياسيدى .. إنت لو سابكها تبقى معلم بجد ..

نرجع شوية لورا .. انت واخد نسخة من كل محادثة .. صح ؟؟

اول محادثة انت خدتها بصفة ايه -- يعنى ايه الغرض .. مع إنها محادثة تعارف يعنى ..

أو أنك شخص حويط بتاخد محادثات اللى بيكلموك كلهم ..

-- أركن على جنب المكان كله محاصر -- بعد كده الناس تخاف تكلمك يا عم جيمز بوند ..

---- نيجى لحاجة رابعه ..

المحادثات اللى فيها شتايم اللى انت حاططها دى ..

على الأقل يا راجل شيل الشتايم ..

ثم أصلاً .. بالعقل انت بتقول انت واخد نسخة من المحادثات

المفروض لما هو يكلمك بقى يكلمك بالراحة ويجر معاك ناعم عشان لما تيجى تاخد نسخة المحادثة مايكونش معاك حاجة تدينة ..

لا انت بقى جاى تفهمنا انه بعد ما عرف انك بتاخد نسخ من المحادثات .. جاى يشتمك ..

إحتمال .. بس دا إن دل يدل إن الأخ طلعت مجنون أو عيل صغير برياله سازج ممكن ينضحك عليه وتجرجرة فى الكلام .. أسف أخى طلعت .. بس انا عاوز افهمه يعنى

---- نيجى لحاجة خامسة ..

أنت عاوز إدارة سوالف تيجى تثبت الموضوع .. وكمان تطرد طلعت ..

لو عملت كده حيطلعلنا كل يوم واحد يعمل الشويتين دول على الإدارة ويتهم اى عضو محترم تانى وليه سمعته وصيته بإنه نصب عليه فتيجى الإدارة شايلاه يا حلولى

وادى دقنى اهى لو فى بنى ادم محترم عمر بعد كده فى سوالف .. حيطلعلنا ناس على طول تضرب من تحت الحزام ..

نفس نظام اليهود .. الحرب الباردة ..

حطم اعصاب فى الصميم .. سوء سمعة ..

والناس اللى صدقت دى ..

مش تحكموا عقلكم ..

أزاى دا يحصل ..

يعنى هو بيراجع المحادثات .. يقوم التانى داخل يسبه ويلعنه .. برضه نشوفها ..

مش بقولك يا فور اراب .. إستخدم زيت اوليه يا حج ..

=============

محدش يزعل منى فى طريقتى الساخرة دى ..

بس الموضوع جننى اصلاً ..

تقبلوها منى بصدر رحب

أخوكم ميدو ,,

لاحول ولا قوة الا بالله

4arab.net اعانك الله

وعوضك الله خيرا انشاء الله

والسلام عليكم

أول شي يا عزيزي أشكرك على ردك وإهتمامك وتحليلك إللي راعيت فيه عدم المجامله وتمسكت بما ظننته الحق...

أحب أوضح إني مش فاضي أسجل محادثات كل شخص أتكلم معاه لكن إللي بيحصل إن أنا عندي msn plus وهو برنامج من مميزاته التسجيل الفوري لأي محادثه أقوم بها مع أي شخص مرتبط بحسابي.... وهذا اللينك عشان تراجع مميزات البرنامج ده بنفسك http://www.msgplus.net/

ثانيا... أقسم بالله إني ما أضفت كلمه أو أعدل في المحادثه رغم السب والشتيمه إللي فيها عشان ما أغير فيها أي شي أو أشوه من مصداقيتها... لأني لو مسحت جزء وخليت إللي على كيفي حيكون الموضوع ملعوب فيه!! صح ولا لأ.

ثالثا ... هو فعلا شكله عيل صغير وبرياله لأنه ما جا على باله إن بعد ما نشرت المحادثه الأولي بيننا إنني أقدر أنشر الثانيه برضه!! وهذا على ما أعتقد بسبب انه نصاب لكن لكل جواد كبوه وكانت هذي هي كبوته... الراجل مش عارف يرد عليا ومش عايز يعتذر أو يرجع الفلوس... لأ عايز ينصب عليا أكثر على أساس أنسى إللي حصل وأطمع في عروضه وأخسر 800 بدل 80.... في بجاحه زي كذه ؟

رابعا... والأهم... طبعا هو لحد الحين ما رجعش الفلوس ولا أعطاني أي خدمه أو إللي طلبته منه.... وكل إللي أنا عايزه منه أنه يرجع فلوسي وأمامكم جميعا... وهذا إختبار له ولمصداقيته هو... حتى لو عايز يعملها من خلال طرف ثالث (أحدكم مثلا) أنا ما عندي مانع...

وشوف يا طلعت أنا مش حسامحك ليوم الدين... والله لا يهنيك بالفلوس دي ولا حتى إللي حتكسبها بالحلال مع إني أشك إنك بتعرف تكسب حلال.

شكرا يا ميدو وللجميع على تعليقاتهم هنا