الموضوع: مين يعوض اصحاب المواقع ياصحاب السيرفرات

اذا كان الموقع متعطل له اكثر من كذا يوم

والمشكلة في اكثر من سيرفر

وكل صاحب سيرفر مايدخل الماسنجر او مقفل جوال سوا

واصحاب المواقع مين يعوضهم عن الايام هذي


بس فالحين اذا تاخر احد بالدفع سكرتو موقعه

واذا صارت مشكلة انحشتو والله مانشوف الا غباركم

والله لو انكم بالغرب كان عرفنا نجيبكم مع اذانيكم ونشرشحكم شرشحة :funny:

رد مقتبس من العضيلة

والله لو انكم بالغرب كان عرفنا نجيبكم مع اذانيكم ونشرشحكم شرشحة :funny: [/B]

في هذي صدقت ....

مشكله اخي والله يعينك
ان اغلب اصحاب الشركات كلهم يتعاملون بالمسنجر والجوال بس
وتلاقيهم مسكرين جوالهم والمسنجر ونايمين ولا يفكرون بحد

وصدقت فعلا لو كنا بالغرب عرفنا نتصرف ونجيبهم

الله يعينك

اهم شئ الفلوس في الجيب اكيد بيقولوا لك سلاموا :funny:

بس مو كلهم .. البعض منهم هداهم الله

والبعض الاخر تلقاهم مشغولين بس هذا مايدعو انك تترك السيرفر يمشي لحاله حط شخص آخر يقيم بدالك

مالك الا الصبر ومفتاح الفرج

وهذا السبب الي خلاني ماافتح ولا موقع خاص فيني بسبب التخلف

في بعض الاخوان اصحاب الاستضافات وخلاني اقعد بطالي بدون موقع يذكر

والله مريت في معناة ثلاث سنوات بسبب الاستضافات

وفي الاخير وعدت نفسي ماافتح موقع شخصي

هلا اخي ...
البعض وليس الجميع ...

تريد حقك لايضيع ... احجز استضافتين ... وحدة خلها للباك اب بموقع ثاني غير موقعك ... بكذا تضمن حقك ... (فكرة مرت ببالي عندما قرأت الموضوع)

ابحث عن المستضيف الاجدر والكفو

انصحك بهذا www.kuwhost.com
شركة معروفه في الكويت (مقرها حولي)
يوجد 4 اشخاص على السيرفر

والله انا نصحت الجماعة من كم شهر في استضافة طيبة انا عندها

اسمها كويت نت وقديمة لها اكثر من سبع سنوات وبصراحة انا جبت الكثير من الاستضافات ولكن كويت نت وجدت انها افضلها كلها

وهاذي وجهة نظري من تجربة 6 شهور

ياناس والله العظيم أعرف شركات أستضافه مالها مثيل

مثل منتدى لدى قريب لي مستضيف عندهم من سنتين وما أذكر توقف الموقع لأكثر من ساعه واحده

لا وتوقف الموقع من أجل تبديل السيرفرات لسيرفرات أحدث دائما


بس الزين غالي


تحياتي

اخوي انتي مستضيف عند شخص
مجرد شخص عنده سيرفر واحد وقاعد يستفيد منه ( يطقطق فيه )
وهذا الي منتشر لا معتمد من شركه معرووفه ولا يمكن عنده خلفيه كامله عن ادارة السيرفر
بشكل صحيح

روح حق شي مضمون ومجرب

http://www.5shost.com/
مجربها من مده طويله
وانا اضم لك شغلهم

ياخوي والله فيه ناس ماتخاف الله هنا من اصحاب الاستضافه

وتلقا ثلاثه فاتحين شركات استضافه وهم عيال عم وكل واحد يثني على شركة الثاني وكلهم الله واعلم بنيتهم


لكن الله يعين الجميع

وانتم تدورون الرخيص تحملووو ياعرب

رد مقتبس من مجموعة الرشيدي
ياخوي والله فيه ناس ماتخاف الله هنا من اصحاب الاستضافه

وتلقا ثلاثه فاتحين شركات استضافه وهم عيال عم وكل واحد يثني على شركة الثاني وكلهم الله واعلم بنيتهم


لكن الله يعين الجميع

وانتم تدورون الرخيص تحملووو ياعرب

اي والله يا الرشيدي ذكرتني بواحد الله يذكره بالخير فاتحله شـركـة أسـتـضـافـة و هو شخص واحد فقط و لا بعد طالب :d ( ماتترقع ) و يقول أنا و أنا .... عندي 5 موظفيين دعم فني و عندي و عندي و أهو شخص واحد .....

ألحين أغلب أصحاب المواقع صاروا أصحاب شركات استضافة و باجر الله أعلم شنو يصير

كان بيني و بين صاحب موقع مشهور و معروف بسوالف محادثة ...

يقولي بفتح شركة استضافة
قلت جم واحد أنتوا و هل عندكم خبره قليله
يقول لا والله أول مره أفتح استضافة قلت اجرب حظي و أشوف اذا نفعت اخذلي سيرفر



يعني الله يهداكم يا اخوان الحين المواقع المستضيفه عندكم أمانة بسيرفركم مو لعب اي واحد قال بفتح شركة استضافة يعني لو فكر صح + عمل دراسه شامله لـ المشروع كان أفضل مو خلاص خذيت لي سيرفر و يلا أفتح شركة و بعدين تضيع بيانات الموقع مثل كثرت هل ايام

منتدى تعب فيه صاحبه 4 سنيين و جمع أكثر من 50 ألف عضو يطير بكسبة زر ... أو من تهاون من صاحب الشركة ...!!




الله يعين الجميع لكن الموضوع يبيله دراسه قبل التطبيق






تحياتي لكم ......... nasser

يابوي اكثركم خراط ايه نعم خراط اعتمدنا على ناس كثيره وكل واحد ينصح بالثاني هذا فلان وهذا علان....
والله قليل من العرب نيتهم صافيه وقلبهم ابيض

والله مالنا الا ناس معتمدين ولهم شركاتهم <<< شركات مو لعب بزران

يعرفون ايش يسوون وعلى الاقل فيه موظفين 24 ساعه بالخدمه

مو بعض الناس يقهرون اذا قالوا 24 ساعه بالخدمه وهم يدخلون ساعه عشان يصفون حسابهم مع العملاء الجدد ولا يجون حق فلان تعال بينتهي حسابك في وقت كذا وكذا

وبعدين مو كل ماله دب واخذ استضافه قال تعال انا الي عندي مميزات وهو من جنبها وفي الاخير يترك وراه ناس تلاحق فيه وتنهان

ياهذا مسافر ياهذا مشغول والله عيب ياناس هذا حقوق ناس

طيب ايش المشكله في الشركات الأجنبية؟

خوينا قام رائق ومفيق على الاخر وشرب فنجان حليب وشايف العصفير على الشجر والحياة حلوة طيب ليش ما يسوي شركة استظافة وتكمل الحلاوة

بسيطة كم يعني بيكلف السرفر والشغلة كلها وش بدها عادي

بس في مشكل انو ما يعرف شي في السرفرات
عاد الا المستظفين عارفين
سوي زي الناس وما بيقصرون اعظاء سوالف
رح ضف لك كم واحد في الماسينجر واجلس غثهم كل شوي لين تتعلم
وبعدين مافي شي صار صعب الله يبارك في المسبار وعجيب

يروح ابو الحبيب يدور شركة رخيصة والرخيص مخيس
لانو مافي شيء احلا من احلام الثروة والواحد برضه يصير مهم شوي
وهو برضه يبغى يحسبها علشان ما يطلع خسران
شركة وموظفين يعني يعني لازم لها ميزانية وحركات من هذه

بس هو ماعنده بطاقة

الو اخوي وصديقي تفكا عطني بطاقتك ابغاها اسوي عملية مهمة وراح اعطيك الفلوس لمن اقابلك

يستاجر سيرفر مشي حالك وعلى طول يروح على الدريم ويفر والا الفرونت بيج يصمم صفحة العروض اهم شيء صفحة العروض تطلع زينة وياليت كم كلمة انقليزي علشان يكمل الشغل ، بس وش راح اكتب ؟
تدري خلنا نروح نشوف االمنافسين وش هم كاتبين ونكتب زيهم
ويحط خوينا المواصفات وهو ماهو داري وين الله حاطه فيه
اهم شيء الدعم، بسيطة
جوال وتلفون بيت وبريد وماسينجر ياهو والهتميل
دعم 24 في 7
وليش 7
خلها ياولد 365 شيء جديد
وممكن الاتصال عبر القمر الصناعي ونظام VXR

معقول موقع حاف خلنا نحط فيه صورة بنية خواجبية جالسة جنب السرفر تهوي عليه والا واحد خواجة مبقق عيونه يعني يعني انه جالس يراقب السرفر

طيب وين هو الزبون
عاد هذه امرها سهل
الله يخلي سوالف والضعيفين فيها

بعد كم يوم في الماسينجر
قام فلان باضافتك الى قائمة الاتصال اليه ودك وإلا ما ودك
ودي طبعاً
السلام عليكم اخوي
هلا ومراحب
اخوي بدي استظيف موقعي عندك
هلا بيك وبموقعك
بس بسال عن الدعم وشركتكم
اخوي عندنا الدعم 24 في 365
وش هو 365
اخوي لا تشغل بالك دعمنا سنوي في اي وقت تلقانا ولا يهمك
بس قولي انت حولت المبلغ
اي نعم حولته دوبي
خلاص انا راح ارسلك المعلومات لمن توصل الفلوس
علشان ما انسى لو تبغى حول مبلغ سنة ثانية واعطيك خصم 5%
والله
من جد
مشكور حبيبي هذه هي الاستظافة العربية اللي تشرف وترفع الراس
بعدك ما شفت شيء ( غرور )

زبون اثنين ثلاثة عشرة
شوي شوي بدت تجي اخبار البنك والفلوس الايداع ياسلام سلملم
والله حلوة شغلة الاستظافة هذه


كل شوي يدق الجوال
الو فلان
هلا والله
اخوي انا عندك في الاستظافة بس عندي مشكلة في المنتدى
ولا يهمك اخوي وش هي المشكلة
.....

لا لا عادي ذلحين اصلحها لك


شوي ويدق الجوال من واحد ثاني
الو فلان
هلا والله
اخوي انا عندك في الاستظافة بس عندي مشكلة في السي جي اي
مافهمت عليك
اقولك مشكلة في السي جي اي
وشبها
ما تشتغل
وووو ....
طيب سيبني شوية وراح اصلحها لك

خوينا جالس يفكر وش هي مشكلة الس جي اي
والله مدري وشهي
ياولد خش على السيرفر ودور حاجة فيها سي جي اي بلكن تلقى حاجة ينظغط عليها والا اش
دخل ودور ما عرف
عادي ادور لي واحد واسطة في سوالف واسجل باسم محد يعرفني فيه واسوي نفسي غشيم واحط سؤال عن السي جي والشباب هناك ما بيقصرو

سجل خوينا في سوالف وحط سؤاله وجاه الجواب في لحظتها
دخل الماسينجر بقلب جامد وثق من نفسه دور على الضعيف ما لقاه
عاد لازم يكشخ دق عليه جوال
هلا اخوي
ترانا صلحنا مشكلتك بطلوع الروح وجبنا خبراء من امريكا وكندا واستراليا، وتراى الخدمة هذه كان مفروض انها تكون بفلوس بس عاد احنا نحب ما نثقل
ما تقصرون انتم والموظفين تبعكم


شوي ويدق الجوال من واحد ثاني
الو فلان
هلا والله
اخوي انا عندك في الاستظافة بس عندي مشكلة المجلة
ولا يهمك اخوي وش هي المشكلة
.....


:anger2:



شوي ويدق الجوال من واحد ثاني
الو فلان
هلا والله
اخوي انا عندك في الاستظافة بس عندي مشكلة
ولا يهمك اخوي وش هي المشكلة
.....

لا لا عادي ذلحين اصلحها لك

شوي ويدق الجوال من واحد ثاني
الو فلان
هلا والله :anger2:
اخوي انا عندك في الاستظافة بس عندي مشكلة
ولا يهمك اخوي وش هي المشكلة
.....

طيب وش تبغاني اسويلك :anger1:
كيف وش تسويلي مو انت المستظيف ودافعين لك فلوس
اللي يسمعك يقول دافع فلوس من جد
افا وش قصدك
ما قصدي شي


ططططططط
الو الو
الو

ان الهاتف لا يمكن الاتصال به الان


في الماسينجر
هلا
هلا
اخوي انا اللي كنت اكلمك على الجوال وعندي مشكلة في الموقع
وينك ياخوي
لحظة

لحظة

هلا معي زبون جديد

لحظة




لحظة

اخوي ويننك
تكفا حل المشكلة بسرعة
اي مشكلة
كيف اي مشكلة المشكلة اللي كلمتك عليها في الجوال
منو انت
انا موقعي اللي اسمه ممتاز
اسمح لي جاني ظيف بعدين نتكلم
بسسس
قد لا تتلقى رد من المستظيف بسبب عدم الاتصال


الاولاد يجرون على ابوهم يصحونه من النوم
يبه يبه واحد يبغاك على الجوال
قولوه مين
يقولك انه عنده مشكلة في الموقع
قولوه نائم
يقولك كلمة ظروري علشان موقعه متعطل من 10 ايام
اعوذ بالله
ما قلتلكم قولوه نائم
والله لو تجون تكلموني مرة ثانية لاعلقكم في المروحة

المرة تدش عليه في غرفة النوم
يابو فلان رد على العالم جالسين يتصلون فيك
سيبيهم ما عندهم سالفة
غثوني الله يغثهم
طيب وش الحل
خليهم يدقوا واصلا انا ما سددت الفاتورة وبكرة راح يقطعوا الحرارة ونفتك
هالاودام مساكين
زين انطمي احسن لك وش دخلك انت


المستظيف جالس يفكر
اعوذ بالله وش هذي الناس المغثة كنهم ماقد شافو مواقع
طيب وش اسويلهم حتى نوم ما اقدر ارقد كل شوي والا داقين على جوالي
هم يخربون وانا اصلح كني وكيل ادم على ذريته
ياولد وش اللي غاثك ودازك على هالبلا واشلك واشل الاستظافة
كنسل الموظوع احسن لك
طيب والأوادم للي دافعين فلوس وش راح تسويلهم
السواة سواة الله وش في يدك تسوي لهم يعني خلهم وهم راح يطفشون ويدورو على شركة ثانية
بس ما راح يعجبهم الوضع وراح يشوهون صورتك في سوالف
خلهم يشوهونها
عادي
بكرة لو بغيت اسوي شركة ثانية سويتها وغيرت الاسم



هذا موضوعي كتبته وتعبت فيه اول والحين نسخته لكم

الله وليك يا صايم