السلام عليكم ورحمة الله وبركاته,
اعضاء وزوار سوالف سوفت تحيّة طيّبة للجميع,
الكثير منّا يعتقد بأن الشراء من الانترنت مجازفة لاتستحق المخاطره بها أو قد يـرى الكثير بأن الأمر صعب وله متطلبات مرعبه
, فالموضوع هنا راح نتطرّق لكل المتطلبّات والخطوات الأولى التي تحتاجها للتسوّق من عالم الانترنت (بسهولة + وبدون مجازفة) .
ماهو الشراء من الانترنت ؟
سؤال يتبادر بذهن الكثيرين , فلان يشتري من الانترنت
, البعض يراها فكرة غبية والبعض يعتقد بأنها معجزة وذكاء ! فالموضوع هنا سنوضّح بشكل كامل الشراء من الانترنت .
أزعجتنا !! بـس أبي أعرف وش اللي يدفعني للشراء من الانترنت ؟
- عدم توفرها بالسوق المحليّة ! نعم الكثير يبحث عن غرض ولا يجده ويرغم نفسه على الشراء لبضاعه مشابهه لمجرّد عدم توفر المطلوب .
- إمكانيات وخيارات اكثر ! نعم قد تجد ماتبحث عنه بالسوق بالمحلية لكن إن بحثت بحرص بعالم الانترنت صدقني ستجد أفضل مما تريد .
- توفيـــــر
؟! نعم ستجد بكثير من البضاعات توفـير لم تكن تتصوّرهـ من قبل !! وهذه النقطه الاهم بالشراء من عالم الانترنت .
الأمان
!! ماتخاف تنسـرق فلوسك مثل الحكايات اللي نسمعها
؟
ستجد نسبة عاليه من الأمان بعالم الانترنت لاتقلق الكثير هنا يهتم بمستوى الأمان لديك, سنصل لموضوع الأمان إن كنت مهتماً بموضوع الشراء ! .
حلوو أقنعتني للحين, لكن ياخي شغلتها شغله! وش أحتاج عشان أبدأ وأشتري من الانترنت ؟
شغلتها شغله !!؟ كل اللي تحتاجه التالي :-
- صندوق بريد .
- حساب بنكـي (بطاقة بنك Visa Card أو Master Card) .
إنتهــى .
تستهبل !!؟ طيّب بخصوص صندوق البريد وشلون أفتحه ذا ؟
شوف ياطويل العمر عندنا بالسعودية تروح لمكتب البريد السعودي, وتقوله بفتح حساب عندكم لاهنت بيقولك هات صوره للبطاقة وصوره لك, تودي الصوره وصورة البطاقة ويطبعلك ورقه فيها رقم صندوق البريد الخاص فيك ومفتاح للبريد ويعطيك رقم حساب مثل فاتورة الجوال يقولك سدد مية ريـال قيمة الصندوق فقط !
يعني لا هي شغله ولا شـي طيب بخصوص البنك وبطاقته ؟
بخصوص البنك توجـه لأقرب فرع بنك تحس انه ممتاز وفي حالتي رحت للراجحي وقلت له أبغى افتح حساب وأبغى بطاقة للشراء عبـر الانترنت (مُسبقة الدفع!) قالي هات رقم صندوق البريد الخاص فيك وسلمني بطاقة الصراف وبطاقة التسوق عبر الانترنت وإنتهينا ! .
حلو! فهمت عليك لكن وش فايدة بطاقة التسوق عبر الانترنت (مسبقة الدفع) اللي تقول عنها ؟
البطاقة هذه مثـل بطاقات شحن الرصيد للجوال, تحول من حسابك اللي فيه الفلوس للحساب هذا وتصرف على قد الفلوس اللي فالحساب بس .
مافهمت
وضحلّي أكثر ؟
فلنفرض انك ودك تشتري جوال أيفون 4 ولا جالكسي س 2 علشان محد يزعل , وقيمة الجوال 2500 ريال , الأن فحسابك الرئيسي فيه 10 ألاف ريـال , تروح تحوّل من حسابك الرئيسي لحساب البطاقة مسبقة الدفع 2500 ريال سعر شراء الجوال فقط لا غير ! وبكذا تكون مرتاح ان حسابك اللي تستخدمه مافيه ريـال ! عرفت الحين الأمان اللي تكلمنا عنه, وملاحظ في أمان اكثر بنوصله شوي .
طيّب محمد ألحين عندي صندوق بريد وعندي حساب وبطاقة تسوق وكل شي شلون أشتري من الانترنت وأجرّب ؟
خلها فالجلسه الجايه لاتمل مني ونشرحها سوا بإذن الله
.
تمنياتي لكم بالتوفيق,
محمد المبارك .
المواضيع المشابهه 
الشراء من الانترنت, بداية وخطوة أولى ! 
.
بنستفيد منها كثير 
