السلام عليكم ورحمة لله وبركاتة
اخواني الاعزاء . واجهتني مشكلة عويصة اتمنى احصل حل لها عندكم
عندي برنامج يحتوي على صفحة واحدة وتعمل بنظام setp by setp ، يعني تخلص من الخطوة رقم 1 تنتقل للخطوة رقم 2 وهكذا حتى النهاية .
واستخدم فيها switch للخطوات ،
مثلاً في الخطوة رقم 1 نفذت استعلام select ورجعت نتائج ابي اسندهم لمتغيرات عشان اول شي اطبعهم وعشان اقدر استخدمهم في الخطوات الباقية مثلاً لو عندي 8 خطوات ابي المتغيرات الي حصلت عليهم في الخطوه رقم 1 و 2 و 3 و 4 و 5 و 6 و 7 تبقى حية عشان في الخطوة رقم 8 الاخيرة ارسلهم على البريد مثلاً او اسوي لهم insert في القاعدة
الخطوات مثلاً
اول خطوة فيها الراجع من القاعدة وهو المنتج ووصف المنتج
الخطوة الثانية تكون المعلومات الشخصية لطالب المنتج
الخطوة الثالثة تكون بعض العروض الي بحطها
الخطوة ............................
الخطوة الثامنة تكون فيها دالة الإرسال للبريد وهذي اعرفها ، ورساله شكر مثلاً
كيف احتفظ ببقاء المتغيرات حية اثناء المرور على كل الخطوات ؟
وكيف اصلاً استطيع الانتقال بين الخطوات عن طريق زر ؟( اضغط هنا للمتابعة)
لاني جربت احط form بس ما زبط
اتمنى الاقي الحل وشكراً لكم