اهلين ..
مادري ليش موضوع هالايام البرايس اشوفكم كلكم تصممون فيه وتتكلمون عنه .. والشي المثير انه جي ماستر صار يشتغل عليه
طبعا هالشي يفرحني ليما ادخل المتدى اللي احبه واشوف مواضيع جديدة والاهم اعضاء جدد .. عندهم الطموح والمثابرة والابداع ..
ما شالله الواحد صار ينحرج يحط اعماله من مايشوفه من اعمال متطورة في التصميم او في الرسم بالكمبيوتر ..
كنت احب اشاركم بعمل جديد ولكن للأسف ماعندي شي جديد .. فحبيت اشارك بلوحة عملتها بالبرايس مع اضافات بالادوبي فوتوشوب .. العمل انعرض من قبل ادري بس حبيت يشوفونه الناس الجدد اللي يشتغلون بالبرايس ..
القلب عبارة عن شكل معين ادخلته بشكل اخر لعمل القلب ومن ثم عملت منه عدة نسخ باحجام متعددة ..
طبعا انه مالي خبرة كبيرة بالبرايس بس يمكن اضيف معلومة قد تستفيدون منها وهي من الممكن اللعب بالاشكال من حيث الاضافة والقطع لعمل اي شكل احنا نبغيه ..
البرايس فيه امكانيات اكبر من مجرد استيراد اشكال جاهزة واضافة التاثيرات ..