السلام عليكم شباب سوالف الكرام
اواجه مشكلة ولا اعرف بصراحه كيف أحلها او اتوجه لمن ؟
الجهات المعنيه في المشكلة والمتهمين هم كالتالي .
1- البنك
2- بطاقة ماستر كارد
3- بي بال paypal
4- بعض المواقع الي تعاملت معهم
بداية المشكلة اني طلبت بطاقة ماستر كارد من البنك الي انا فيه وقمنا بجميع الاجراءات الى ان استلمت البطاقه , وطبعا حاجتي لها لاني اريد شراء بعض البرامج المرخصة من الانترنت والاشتراك في بعض المواقع الي تقدم خدمات مميزة .
وطبعا تعددت البرامج الي اشتريتها , وتعددت مواقع الخدمات الي اشتركت فيها
وكانت طريقة الدفع بعضها من الموقع مباشرة او من بعض مواقع الدفع ومن بينها كان ( paypal ) وهو كان اكثر موقع استعمله نظرا لاعتماد اغلب المواقع الاجنبية عليه .
وكما تبين لي ان paypal يعطيك فترة او عدد محدود لاستعمال خدماتة بدون تسجيل او رسوم ولكن بعد فترة لازم تسجل عندهم بما انه يحفظ اسمك ورقم بطاقتك وبياناتك عنده وعشان ماتتعب وكل مره تكتبها هو يخزنها وانته تحطها جاهزه في حين شراء اي شي من النت مستقبلا .
ولكن لبدء هذه الخدمة وجب عليك التسجيل عندهم وهم سيرسلون لك كود التفعيل في كشف بطاقة الماستر الشهري الي توصلك من البنك .
واعتقد انها للتاكد بأنك صاحب البطاقة الاصلي ! وهذا شي جيد
وفي هذه الاثناء قال البي بال انه سيتم سحب وتجميد جميع الاموال التي دفعت من هذه البطاقة الى حين تفعيلها من قبلك يعني في حين يتاكدو انك صاحب البطاقة الاصلي من كود التفعيل الي بيوصلني .
وطبعا تم سحب الاموال من رابيد شير وميجا ابلود وتم ايقاف حسابي لديهم وايضا برامج اخرى اشتريتها تم ايقاف السيريل نمبر عني وكل هذا بمبالغ كبيرة نظرا للاشتراك عندهم بسنة واكثر وبرامج بسعر مرتفع جدا ( وجميعهم ارسل لي رساله تفيد بانه تم سحب المبلغ المدفوع من قبلك من قبل موقع بي بال ! وراجعهم للتفاصيل )
وكان وقت تسجيلي عندهم تقريبا اول الشهر يعني باقي وقت طويل شوي لين يوصل الكشف الشهري من البنك !
وقلت انتظر لين اول الشهر عشان الكشف الشهري
وفي هذه الاثناء حدث ما لم يكون في الحسبان !!
تم ايقاف بطاقتي الماستر كارد من البنك وارسال بطاقة جديدة لي برقم جديد
وعند سؤالي لهم للسبب ؟ قالو انها لدواعي أمنية لانك تستعملها كثير في الانترنت !
والحين انا تقريبا كل فترة وفترة اتصل او اسير للبنك عشان افهمهم الموضوع من اوله لاخره
ولكن شكل كل موظفينهم وحتى مديرهم لا يفقه اي شي في عالم الانترنت ومب عارفين شو يسون ولا قادرين يفهمون اصلا عشان يحلون هالمشكلة
اكثر شي قادرين عليه يقولون ارجع سجل واشترك مره ثانيه من رقم بطاقتك الجديد !!
طيب والفلوس الي دفعتها انا بالبطاقه القديمه يعني خلاص راحت ؟؟؟
لو كانت راحت راحت واختفت لمن بي بال او ماستر كارد او لمن ؟؟
وكشوفات البطاقه القديمة خلاص انلغت دام البطاقة انلغت !!
شو اسوي بصراحه لا اعرف ابدا . :eek3: