أخوي .. هذا الكلام اسمعه وانا عمري كان 14 !! والله كله كلاااااام جاااهل ((بمعنى الكلمة )) توكل على الله .. اللي جسمك يصير شوربة ومادري شو هذا اخوي اللي يستعملون إبر هرمونات .. هذي خطيرة وتؤدي للموت بعد .. يستعملون هالابر ويتركون التمرين ويروح المطاعم ومادري ويترس بطنه ويقولك يتحول شوربة .. يعني انت ذابح جسمك بالاكل بدون تدريب كيف مايصير شوربة .. هذا كلام الشارع فلا تسال واحد ما لمس الحديد لأن هذا الكلام الشائع في الخليج للأسف الشديد.
اما بخصوص الجري والمشي .. الجري زين بس يؤثر على المفاصل أكثر من المشي .. أما المشي أخف على مفاصل رجلك و يشكل الجسم تشكيل .. فعليك بالمشي السريع اخوي.. اليوم 10 دقائق بعد فترة تقدر 30 دقيقة بعدها ساعة وانت رايح وشوف النتايج .. تدري انا تمرنت حديد قبل 5 سنوات بس شهرين .. وتركته 5 سنوات .. تدري ان نفس العضلات بقت موجودة كل هالفترة ؟ ولا شوربة ولا شي مع ان عندي كريشة ... بس الصدر واليد والرجل والظهر والكتف الى الان موجود ولا يتحولون لشحم مهما اكلت والله.. وانا بديت الحديد من كنت سمين .. بعد شهر من التدريب المدرب يقولي ماتحس فرق بجسمك !! وصديقي نفس الكلام .. المهم انت بتشوف .. الله يوفقك واذا عندك اي أسئلة ثانية لا تتردد ..
(((لا تقرب صوب الحبوب والابر ولا حتى مستحضرات تخفيف الوزن كله كلام فاضي التمرين هو اللي يمحي الدهون)))
نسيت اقول ان تمارين المعدة لا تذيب شحوم المعدة انما تمرن عضلات المعدة فتبقى مختفية تحت الشحوم الى ان تذيب شحوم المعدة بالمشي وغيره بعدها تشوف بطنك مربعات