يقول من عدا على راس عالي**رجم طويل يدهله كل قرناس
في راس مرجوم عسير المنالي**تلعب به الارياح مع كل نسناس
في مهمه قفر من الناس خالي**يشتاق له من حس بالقلب هوجاس
قعدت في راسه وحيدلحالي**برأس الطويل ملابقه تقل حراس
متذكر في مرقبي وش غدالي**وصفقت بالكفين ياس على ياس
اخذت اعدايامها والليالي**دنيا تقلب ماعرفنا لها اقياس
كم فرقت مابين غالي وغالي**لوشفت منها ربح ترجع للافلاس
ياماهفابه من رجال مدالي**ماكنهمركبو على قب الافراس
ولاقلطوهن للكمين الموالي**ولاصار فوق ظهورهن قطف الانفاس
ولارددواصم الرمك للتوالي**كل يبى من زايد الفعل نوماس
من بينهم سمرالقنا والسلالي**مثل البروق برايح ليله ادماس
يقطعك دنيا مالها اول وتالي**لواضحكت للغبن تقرع بالاجراس
المستريح اللي من العقل خالي**ماهوبلجات الهواجيس غطاس
ماهوب مثلي مشكلاته جلالي**ازريت اسجلهن بحبر وقرطاس
لاخاب ظني بالرفيقالموالي**مالي مشاريهعلى نايد الناس
لعل قصر ما يجيله اظلالي **ينهدمن عالى مبانيه للساس
لاصار ماهو مدهل للرجالي**وملجا لمن هو يشكي الظيم والباس
بحسناك يامنشى حقوق الخيالي**ياخالق اجناس ويامفني اجناس
تجعل مقزه دارس العهد بالي **صحصاح دودارس مابه اوناس
البوم في تالي هدامه يلالي**جزاك ياقصر انحنا وكرالادناس
عذران على عدم إكمال القصيدة