لا تجرحني قدر ظروفي واعذرني
وش تنفع الكلمه ليا قلت مشتاق
ضاع الامل وش عاد انا في يديني
الصيف ما قدر ظمى خضر الاوراق
خلني ارحل انا مع بقايا حنيني
والله يصبرني على جرح الاشواق
ما هو تهرب قلتها شوف عيني
شمس المحبه مالها نية اشراق
يكفي معك قضيت زهرة اسنيني
حلم مضى يا ليت راعيه ما فاق
مكتوب اواجه ما كتب في جبيني
وعزاي كل الخلق في حكم خلاق
ودنياك هذي كلها دمعتيني
دمعة لقاء00والثانيه دمعة افراق
------------------
مرحباكثرماهل وبل المطر
ياشوق ياموق يابعدالنظر