بعد السلام
موضوعي ما هو جديد وما هو بالشي الغريب على كل عضو ولكن ياريت نناقش الموضوع الحساس ولي صار مزعج جدا ..
واتمنى ان المشرفين ياخذونه بعين الاعتبار بعد :
نصاب - سراق - حرامي - ارسله وما يرد - موضوع لدعايه - شوفوا حقيقته - تصميم مسروق - ....الخ
هذي عبارات كلها لها تاثير كبير بتطوير المواقع ممكن تشوفو ا الموضوع بعيد ولكن هو بصلب الموضوع لان اي شي يتاثر فيه اصحاب المواقع يتاثر فيه تطوير المواقع استمرارها ...
في اختلاط كبير للاسف بالمفاهيم في سوالف وهذا خله كثير من الشباب يهجر سوالف ممكن يكون هجرهم غير ملحوظ لانه كل فتره في مجموعه تسجل يعني هجر غير ملحوظ ولكنه منطقيا في كثير ناس لها ثقلها تتردد بالكتابه صارت بسوالف وصار اعضاء سوالف اكثرهم من اهل التشكيك وهذي نظره يجوز عند الكثير منا صارت ... لهذا تلاقي كثير يتفادون ببداية مواضيعهم أي سوء ظن بذكر عباره قبل الكتابه معينه لتبعد عنهم الشك ... ليه هذا التخوف ....!!
يا اخوان حنا بحاجه اننا ما نطفش من يبدأ من يبتدي يعني مثلا التصميم لو وجدنا شخص مسوي تصميم شبيه من تصميم موجود بالنت على طول نقول سارق سرق التصميم ليه ليه هذا التسرع اذا كان الرجال مسوي لمساته الخاصه وهذا يكفله له العلم نعم يجوز الاقتباس خذو ا مثلا الموقعين :
1- www.yahoo.com
2- www.myway.com
نقدر نقول ان موقع myway سارق ياهو لا طبعا لانه حق مشروع الاقتباس ولكن بلمسته الخاصه إلي تعبر عنه...و موقعين لهم وزنهم سواءا كانوا معروفين عند كثير منا او لا او واحد منهم المهم رؤوس اموالهم كبيره والثاني لرجل اعمال معروف يعني مو بحاجه حتى يقتبس وخلاص او يسرق كما يسمونها الشكاكين ...
مثال ثاني موضوع يذكره احد الاخوان عن حسن نيه ولا يدري الرجال يعني يتكلم عن انجاز له او يتكلم عن صديق له او او او والهدف هو ذكر محاسن شيء معين وفجأه يطلع لك حد ويقول دعايه وليه هذي الدعايه وعيب و تستغل المنتدى وووو ....
يعني غريبه فعلا ان تفكير كثير يروح بعيد جدا اقولكم شي ممكن الكثير يعارض عليه لا خله يسوي دعايه ايوه إلي يستحق الدعايه من حقه الكل يسمع فيه من حقه ياخذ نصيبه ويكون سوالف وغيره منبر له ولي من يأيده دون تشكيك وما نسميها دعايه بالاصح خلنا نسميها مكافئة مكافئة اخوية فخر واعتزاز باخ بشركة بمؤسسة ... لان في فرق بين الدعاية البحته والدعاية إلي اسمها الصحيح فخر واعتزاز وحق ...
شخص يتاخر لسبب مرض يا سمح الله شيء من هذا اسبوع مثلا فجأه تلاقي طلع شخص وقال سرق فلوسي هرب وحطه مقام واحد فعلا هو كذلك ليش لانه خلاص من كثر ما سمع في مواضيع كثير بسوالف بهذي الحاله ... صار حاس انه وقع بالنصب مثل ما كان يسمع ...
الموضوع طويل ياريت تكملوه انتم وبيدكم
يا اخوان لازم نفرق بين عبارات مهمه بين
سارق تصميم - مقتبس تصميم
مفتخر بانجاز او ميزه - بمعلن عن اعلان تجاري
نصب علي وسرق - تاخر لانه معذور
تشهير بشخص - وصف شخص دون مغالا
سوء الظن - حسن الظن
اسود - ابيض
هذا جزء من الموضوع واتمنى ان الكل يشارك فيه عشان يكون لوحه اخلاقيه الكل يتفنن فيها عشان يشوف جمالها ...
تحياتي