السلام عليكم ورحمة الله وبركاته ..
طبعاً كلنا نعرف اننا نصمم مواقعنا لخدمة الزائر أولاً .. وعشان يكون الزائر مرتاح لازم يكون شايف الموقع بأفضل حالاته ..
وانا أصمم بأحد مشاريعي .. كنت قاعد اسويه علشان يضبط على دقة 800×600 كالعادة ..
ولكن ياخي وقفت وقفة .. وقلت اعمل pause وفكر .. الطول مايهمنا .. يهمنا العرض اللي هو 800 المزعج .. وبالاضافة الى حوالي 18 بكسل او 20 بكسل على متصفحات أخرى الهوامش وهذا اللي يطلع وينزل ...
بعدين خليني أشوف الزوار .. فـ طليت على نفسي اول شي لقيتني اشتغل على دقة 1600 .. يعني ضعف الشاشة ابو 15 انش .. واللابتوب عندي ماشاءالله 1900 .. دخلت على احصائيات جوجل .. ولقيت ان معظم الزوار دقة شاشاتهم كبيرة ونسبة قليلة بس 5% يستخدمون دقة شاشة 800 .. و1% كانو من تلفونات .. طبعن هذولا سالفتهم لحالهم .. بينما السواد الأعظم يعني 84% شاشاتهم كبيرة ..
لذلك اذا بخلي العرض محدود بـ 750 بكسل مثلا .. رح يكون معظم الصفحة أبيض وفاظي .. يعني مساحة غير مستغلة !
ودورت بالنت .. ولقيت ماشاءالله ناس وايد متذمرين من هالشي ان مافي مساحة كافية للتصميم وناس وايد نسبتهم متقاربة لنسبتي .. وأقتبس لكم .. طبعاً منذ سنة هذا الكلام في احد مواقع مطورين الويب الاجانب ..
يعني .. خلاصة الكلام .. أنا صراحة أبي أتخلى عن هالـ 5% وابعتبرهم زوار دول رابعة ولسى شاشاتهم قديمة وابو 14 انش وسرعان ما راح تتطور الشاشات وال سي دي و50 انش و60 انش .. لذلك .. رح اعمل تصاميمي على عرض 950 بكسل .. لاني كل ما احول 800×600 عشان اشوف الموقع اشوف حتى فيسبوك ويوتيوب وأمة محمد كلها مهي معترفة فيهم !! يعني زيهم زي السفاري والاوبرا وSeaMonkey و Rockmelt و NetFront و Lunascape و المدري ايش متصفحات اول مرة اسمع عنها يشكلون نسبة زوار طفيفة من زوار الموقع .. وبما إني أدرس اقتصاد .. أقول إن تكلفة التعب مقابل تكلفة انهم يستانسون وهم يتصفحون الموقع غير مجديةMore and more sites are optimized for screens at 1024×768, and the WC3 reports 80% of users have monitors that big or bigger.
ولا وش رايكم يا مصممين ؟! :nice: