أخواني الأعزاء
السلام عليكم ورحمة الله وبركاته ,,,
أخواني من أهل الكويت هل تؤيدون كلامي
حيث أن هذه الشركة بالفعل شكره فاشله لا بالنسبة للسرعة ولا بالنسبه للتعامل مع العملاء
ماهي قصتي معاهم ؟
إشتركت مع هذه الشركة إشتراك DSL بسرعة 265 حيث المفروض أن تكون السرعة 32 كيلو بايت بالدون لود ولكني تفاجئت بأن سرعة الداون لود لاتتعدى 24 كيلو أي 192 كيلو بت وليس 265 يعني ماكلين علي 64 كيلو بت فلما إتصلت عليهم بلغوني بأنه هذي السرعه اليس عندنا ولا نقدر نزيدها تبي ولا كيفك
قلت لهم ماتعجبني هذي السرعة وأبيكم ترجعون فلوسي
قالو لي كان غيرك أشطر حبيبي روح بيع خبز مالك أمل نرد لك فلوسك
فرضيت بالأمر الواقع وإستسلمت لهم وإستمريت على الإشتراك واليوم تفاجئت بأنهم عاملين بلوك على البريد الصادر ( SMTP ) ولما إستفسرت منهم
قالو لي إنك بتعمل سبام
قلت لهم عسا الله يغثكم مافيه شي مذكور بالعقد يمنع السبام
قالو نعم مافيه شي مذكور بالعقد لكن ممنوع
قلت لهم ممنوع لازم تعطونا خبر علشان مانعمل سبام
قالوا لي طيب ألحين صار عند خبر
قلت نعم صار عندي خبر أفتحوا البلوك
قالوا مافيه أمل إنسا نفتحه لك ألحين إتصل بكره الصبح وشوف شنهو راح يسوون لك
قلت أنا ماني مستعد أنطر لي بكره
قالوا لي يبا مافيه إلا بكره عاجبك ولا لا
فأنا أنصح الجميع عدم الإشتراك مع هذه الشركة وخليكم مع كوالتي نت فهي أفضل بكثير من هذه الشركة الفاشلة
وإذا فيه أحد مأيد كلامي يشارك معنا في هذا الموضوع وشكراً