ممكن الشعوب تتشابه بطريقة، لكن بالكيفية بيختلفوا.
مثلا الكاوبوي بكونوا حاطين مسدسين على خصرهم، وبعدوا للعشرة وبطخوا بعض..!
لكن عنا هون غير، بدل المسدسين صار موبايلين، وما بفرق الموبايل عن المسدس باشي،…. كيف؟؟
كلنا بالاردن 5 مليون ونص وتقريبا 4 ملايين موبايل. وطبعا ما في حدى أسرع منا في سحب الموبايل، ولا 100 كاوبوي ولا مليون فليم هندي.
شفنا سوبر ستار كيف لما كلنا نصوت بس (دقارة) انه فلان ما ينجح وفلان هو يلي ينجح…! سلاح
شفنا البترا، المسدسات (الموبايلات) قلبت رشاشات..!، كيف طخينا الكل بالرغم انه احنا 5 مليون ونص علما بان الهند مليار والبرزايل وووو… بالملايين، وكانت المنافسة بينا وبين الصين على صدارة العجائب، وأعتقد بأنها تقدمت علينا بسبب قيام حارة “زهنق زهي” بالتصويت مرة واحدة وبما يقارب عن 20 مليون صوت.
هون بسيطة قلنا كله مشان الوطن وندعمه بالسياحة.
ما علينا
لو كانت الحروب بالموبايلات كان الاردن محتلة العالم..!
كان حررنا فلسطين بالـ (SMS)، وحررنا العراق بالـ (MMS)، وسيطرنا على الوضع في الصومال والسودان بـ(missed call) وكان سمعنا الأمم المتحدة ومجلس الأمن وأمريكا صوتنا بالـ (voice mail).
وبعثنا رسائل صوتية لنهني أهلنا في المغرب والاندلس وكل العالم، وعملنا تحويل رصيد للشعوب العربية الطفرانة.
بس بالأخير بنكتشف انوا بدنا مين يشحنا، وبنحكي لحالنا، يلا خلص شو بدنا نحتل العالم…!
منقول من موقع
http://5rbashat.net/?p=142
حبيت مقالة قولت اشاركم فيها