بما ان القسم هاجد شوي ، خلوني اطرح هالموضوع الطريف عليكم
بحكم ان منتداي يضم عدد كبير من طلاب المدارس تحديداً المتوسطه والأبتدائية بشكل اكبر
كآن من ضمنهم عضو كسر خآطري
كاتب موضوع ويقول فيه :
ههههههههههههههههههههههههههالسلام عليكم عندي قصة صارت لي امس
اول شي طلعنا من المدرسة انا وخويي احمد الجمعان وكنا نمزح ودفني ووطيت على الشنطه وطحت ويوم جا اليوم مسكنا استاذ الرياضه وحطنا في غرفة الوكيل لمدة ساعتين واقفين وكان احمد يقولي استغفر واقرا اية الكرسي قلت له طيب يوم جاالوكيل كتب اسامينا وكلم ابوي وابوه وبعدشوي بيجي ابوي بيصفقني الين اموت وبيكسر السوني بلييييييز ادعولي
صراحه مو حلوه اشوف موضوع زي كذا في منتداي
واسكت
حبيت اساعده ورديت عليه هالرد :
شي حلو انك ، قمت تذكر ربك في وقت المصيبه
بس انت تقول انك طلعتوا من المدرسه يعني "تهريب" ، وهذا شي غلط
لان لو صار لكم شي لاسمح الله ، بيكون المشكله على الإدارة ، وهم المسؤولين
لكن انت اسمع ، قل لأبوك السالفه من البدايه للنهايه بدون كذب ودوران
وأوعده انك ماتكررها ، وان شاء الله مو حاصل الا كل خير (:
وعلى فكره .. ترآ كلنا صآرت لنا اشياء زي كذآ ، ويفرجها ربك
بس طمني ، وش صآر عليك ، جلدك ؟ هههههههههه
الله يكون بعونك
واتوقع لو ارسل لابوك أيميل للموضوع هذا ، بيموت ضحك
شغل بالي هالعضو ،
حتى ارسله رساله ع الخاص يرد علي وهو منرفز
هل ردي فيه شي