السلام عليكم ورحمة الله وبركاته
بكرى يفتح تسجيل جامعة الملك سعود واخوكم تايه ..
اول شي سجلت في سابك وإن شاء الله ننقبل فيها على تخصص هندسة حاسب لان ماعندهم بالحاسب إلا هندسة حاسب
لكن لو مانقبلت الخطة الثانية جامعة الملك سعود كلية الحاسب بس مادري وش التخصص ...!
علوم حاسب - هندسة الحاسب - نظم المعلومات - هندسة البرمجيات - تقنية المعلومات
صراحه مادري وش دراسة كل قسم لكن عموماً مجال الحاسب كامل لي رغبة بمدراسته ....
اهم شي عندي ماهو الراتب لان الرزق بيد الله ومكتوب لي كل شي ..
لكن اهم شي عندي إذا تخرجت مابي اجلس 4 او 3 سنين ادور وظيفة .. الخ
ابي قسم يكون الطلب عليه قوي يعني اتخرج القاء على طول وظايف من هذي القسم ...
وش القسم الي منهم عليه طلب بعد التخرج ... ولو اخذ بعده ماجستير ماعندي مشكله هذي النيه اصلاً
بالنسبة الي داخل تخصص من التخصصات السابقة ياليت يقولي شرح لو يكون مفصل افضل عن التخصص ووش يتكلم عنه وهل هو متوسط ولا يبيله تركيز كبير ولا سهل .. < طبعا كل شي سهل بالمذاكرة بس مستوى مذاكرة عن مذاكرة تختلف وهذا الي يحدد سهل ولا صعب >
والله يوفقنا وياكم إن شاء الله