الموضوع: ما الجهة الرسمية المسؤولة لإسترجاع حقي من شركة أستضافة رسمية

السلام عليكم

أخواني ماهي الجهه السعودية المسؤوله

عن مواقعنا وشركات الإستضافة الرسميه وهي epoint.com.sa

لأن موقعي عند هذه الشركة .. وبدأت في الفشل كما يبدو

ولا ترد على اتصالاتنا .. بل إن عندهم أربع أرقام ومكتب وتم قطعها وإلغاء المكتب على ما أظن

حتى أنهم لايعطوننا باسوردات لوحات مواقعنا ..

فكيف بإمكاننا ضمان حقنا وإسترجاع مواقعنا

لقد حاولنا بطريقة وديه .. لكن لايستجيبون .. لانريد منهم مال عن المدة المتبقية

كل مانريده .. ان نخرج مواقعنا من شركتهم

شكرا لجميع من حاول مساعدتنا

دليل على أن الشركات الرسمية = زبالة إلا من رحم ربي

يرفعون ضغطي اللي يدورون بس شركات رسمية وفي بعض الاحيان يكون الفرد أحسن من مليون شركة

سبحان الله الواحد الأحد ....!

ياشيخ .. بهاء صادق والله انك صادق
انا مثلاً تعاملت مع سعودي بروفايدر (( بكل امانة مسوين نفسهم حنا اللي شركة رسمية وحنا وحنا وحنا .. اكثر الشركات كذا .. )) ..
مع إن فيه شركات افضل منهم وغير رسمية !!

صدقت

شف نصيحة ياصاحب الموضوع ..
خذ لك عجراء ورح احجر المدير قله الآن تسلمني معلومات الدومين + باك ب على موقعي تعطيه سي دي .. ويحطه لك وهو مايشوف الدرب
وبعدين اطلع وانقل اقرب شركة استضافة

اخي الكريم
اذا المؤسسة رسمية مافيه مشكلة بس فيه كم إستفسار
هل يوجد عندك سند قبض صادر من المؤسسة المذكورة
هل يوجد عندك عقد استضافة موقع انترنت

اذا ماعندك احد الاشياء هذي مالك أي حق تطالب
اخوي مادامه مؤسسة رسمية فإنه يوجد عنده سندات قبض

بس اذا انت مافكرت ولا حسبت حسابك لليوم هذا فهذي مشكلة

لأنك لما بتشتكي تلقائياص بيسئلونك هل يوجد عندك مايثبت ذلك ؟؟؟؟؟؟؟؟؟

طبعا اذا ماعندك بتقول لا
بيقولك اجل القانون لايحمي المغفلين ( مع إحترامي الشديد لك )

طبعا بتقول انا بمدينة وهو بمدينة ثانية
وانا اقولك فيه سند يتحول مبلغ لحسابهم وينه ؟
وطبعاً كان بإمكانك مطالبتهم بسند قبض يرسلونه لك بالبريد او اقل تقدير بالفاكس
بس المشكلة انت ماطلبت !!!!!!

اخوي لاتزعل علي ولاتعصب بس حبيت انورك على الطريق الصحيح

وما أقول إلا حاجة وحدة بس (((( واحد يخرب على ألف ويشوه سمعتهم ))) فلا تحكم على ألف من تعاملك مع واحد


اتمنى اني اكون مازعلتك بشي بس من باب الأخوة حبيت انصحك للمستقبل

اخوك

حواله بنكيه تكفي عن السند وتثبت حقك الا اذا هم فاتحين هالشركه الرسميه يجمعون الصدقات هذا شي ثاني !!!!

لكن انت تقول رسميه , رسميه من وين ؟؟؟

لا يكون مثل بعض الاخوان الله يهديهم اللي ما خذ له ترخيص محل كمبيوتر ومزعج الخلق انا شركه رسميه ومن هالهياط اللي على غير سنع ....

والا فاتح له مؤسسة مقاولات من وزارة التجاره ويقول انا شركه رسميه

شف من وين سجلهم واشتك عليهم اذا كان محل كمبيوتر من البلديه واذا كان لهم سجل تجاري من وزارة التجاره

انا مستضيف عند مربع الله لا يبارك فيهم

وهي شركه رسميه يديرها بعض الاطفال

حذفوا موقعي بعد ماطلبت النقل من عندهم

الطريقه الوحيده لاسترجاع حقي هو اني رفت يدي للسماء ودعيت الله عزوجل انه يرد حقي لي

وانا انصحك تسوي مثلي والله لا يضيع حق مسلم

تحياتي

اي بوينت ..

يا اخوان الشركه او المؤسسه لشخص و الشخص يخاف على سمعته يلوثها شي مثل هذا ..

على كل حال عندهم مشكله و المشكله يجب تحل و ان شالله يتم الحل قريبا او لكل حادث حديث ..

الباسورد تم تعطيله و المواقع اغلقت للاسف ..

وارقام الهاتف لا يتم الرد عليها و الايميل لا يصله رسائل ..

ننتظر منهم التزام بحسن التعامل و الصدق مع انفسهم و الناس و ان يحلو مشاكلهم باسرع وقت او يتيحو الانتقال ..

حاولنا حقيقه نصدق و ندعم و لكن لا حياة لمن تنادي للاسف ..

انا اقدر اطلع نطاق رسمي لو بغيت والشغله ماهي مكلفة واجد

راس مالها سجل تجاري لمؤسسه عقار وتطلع النطاق اللي تبي حتى يكون منتهي .sa

للللللللللللللكن

لو ابي اتاكد انه مصرح لها بمزاوله خدمات الانترنت رايح يكون .net.sa

هنا يفرق اللي رسمي واللي مو رسمي


بعد هالمقدمه اللي مالها داعي هذي :1power: :funny:


جربت تروح للغرفة التجارية ؟ شوف هناك يمكن تلقى حل

طيب يا اخوان اللي عرفته انه مصريين لهم الامر الان ..

ولا فيه اي طريقه للتواصل معهم ..

هل عندك اي سند ولا اثبات

او عندك الحوالة مسجل عليها سبب التحويل ؟؟


اذا فيه روح للحقوق المدنية واشتكي عليهم

ولا اتصل بهيئة الاتصالات او مر مركزهم بطريق الملك فهد واشتك هناك

اما بخصوص بهاء وجي ام سي

اصابع ايديك مو واحد

وللباقين

مو كل من قال انا رسمي تصدقونه
رسمي على عيني وراسي لكن وش نشاطه

حاولوا تمرون موقع هيئة الاتصالات وتقنية المعلومات وتشوف شروط التسجيل للنشاطات الفئوية من فئة ( ب )

اللي من ضمنها استظافة وتصميم مواقع الانترنت

شوفوا من اللي يطلع هالترخيص

مايطلعه الا شخص فعلا بيشتغل

لان فيها ضمانات بنكية وشغله طويله عريضه

وقليل اللي يستحمل هالشروط ويكملها

وللعلم فورم التسجيل اذا شركه رسمية للاستظافة تسجل عنوان الداتا سنتر اللي تتعامل معها

من شان يضمنون للعميل اي شي يصير

وتحياتي لكم

شغله سريعه

من ناحية

epoint

فهم يملكون epoint.net.sa

يعني نشاطهم يخص الانترنت

اذا كان فعلاً شغله رسمي .. أرعبه بالغرفة التجارية

انا مستضيف عند مربع الله لا يبارك فيهم

وهي شركه رسميه يديرها بعض الاطفال

حذفوا موقعي بعد ماطلبت النقل من عندهم

نفس الحركه سووا بي الله لا يوفقهم
حاطين لك ناس مايعرفون راسهم من كرياسهم ويقولون دعم فني