الروح في شوفك عليك اليوم ولهانه **** والقلب يفرح فيك لمن شافتك عيني
القلب للعيون الغلا وعيون خلانه **** بنسا الزعل كله ولو بعدك معنيني
أنت الوله والشوق وأنت الحب سلطانه **** يابسمة أيامي هلا ياضحكت سنيني
من قال ياعمري عليك النفس زعلانه **** أجرح وعذبني ما دام الجرح يرضيني
لبيه ياقلب ملكته وأنت وجدانه **** لبيه يامن هو علي همومي ينسيني
ياعمري الباقي ويا حلمه وعنوانه **** بيديك تجرحني ومن لمسه تشفيني