المشاركة الأصلية كتبت بواسطة Mohammad Ali
عفواً ...!!
عزيزي وش علاقة الموظفين فيها ؟ من أصغر موظف لأكبر موظف ؟
ترا هالشيء ماهو بيديهم ، يعني وش دخل الموظف اللي ياخذ راتبه 3600 ريال ويقول يالله سترك!
أنا متأكد إن فيه كثير من أعضاء سوالف سوفت موظفين بشركة الإتصالات السعودية.
يعني ليه تحسسهم بشيء مالهم ذنب فيه
يعني فعلاً مثل ماقال مملكة شهد ، كنت مندمج معك ، ويوم شفتك تلعنهم كلهم ، طحت من عيني مع الأسف.
بعدين ما أعتقد يجوز أنك تحلل أو تحرم بموضوع معين ...!
عذراً على كلامي ، بس إذا عرفت اسلوب الكلام بشكل ممتاز ، تعال خلنا نناقش موضوع شركة الإتصالات السعودية ...
أكرر دائماً: (كلامي ووجهه نظري ماتعتبر تحقير أو تصغير للشخص اللي أكلمة)
بالعكس ما أحمل لك إلا كل حب وإحترام،
وعلى فكرة، ترا أنا ماني موظف بشركة الإتصالات السعودية ولي لي علاقة فيها لا من قريب ولا من بعيد ، ومثل ماقال الاخ اللي قبلك ، أنت جالس تلعن أخ لك بالإسلام.
و (أتمنى تتقبل كلامي بصدر رحب).
