شوتايم ومشاكلها

[alzaabi]

امر غريب ولكن

اشتركت في نفس هذا الوقت السنه الماضيه في شوتايم وبعد ماكملت شهرين وانا اعاني من التقطيع والتبهدل قالولي مالك الا تشتري جهازنا قلتلهم اشتري جهازكم وانا كل يوم متبهدل

طيب كم قيمته طلع علي بالرقم الفلاني قلت الله اكبر واشتراك لولا الاحراج في سوق عجمان من البنات حق الشركه والله ماشتركت وانا والعيال ولازم تشتري حق عيالك وفيها قناة ديزني للأطفال .. وانا من النوع الي مايحب التلفزيون ولا اتابع مباريات يعني مطقع
المهم استلمت رقم الفيزا كارت وياريتها ماستلمته والله من يوم اخذت الشوتايم رقم البطاقه وهم نازلين طالعين في الشهر يقصون عني حق شهرين وثلاثه
طيب يا جماعه اصبروا لحظه يا جماعه لحظه مافي صلخوني من راسي الي رجليني كله خصومات من الفيزا وبعدني ماكملت شهرين طلبت منهم قطع الخدمه وترك الفيزا في حالها لقيتهم على طول اثناء طلبي انهم يقومون بخصم مبلغ شهرين قلتلهم ليش قالولي لازم تطلب قطع الخدمه قبل انتهاء الاشتراك بشهر قلتلهم طيب باقي شهر قالولي خلاص شهر زياده عاد ماباقي غير كم يوم

بصراحه معامله زي الزفت وكثير تعذبت معاهم

رحت البنك وطلبت تغير رقم الفيزا واخبرتهم اي مشتريات سابقه للشوتايم وقفوها ورفضوها واذا عندهم حجه يكلموني وتم ذلك بس فاتني كم شهر سرقوهم ووصلهم في حسابهم المبلغ يعني تم التحويل

كم يوم وجاني مسج من الشركه يقولي تم قطع الخدمه نهائيا والسبب عدم تسديد الاشتراك
انا ماسكت
اتصلت عليهم وقلتلهم المبالغ الي تسرقونها في ها الشهرين والي وصلت الي اضعاف الشهور هذى وين تروح لايكون مصاريف سوالف تراكم عورتوا راسي وسرقتوني الين ماتعبت في الاخير وبدون اي فايده ولا بعد يهددوني اني مشترك عندهم وموقع على عقد وبيروحون الشؤون القانونيه لاني غيرت رقم الفيزا كارد ولازم احدث المعلومات ولا بيضطرون يروحون الي المحكمه ويشتكوني لاني انسحبت في الاخير قلتلهم اكبر مافي خيلكم اركبوه وسكرت في ويهم

بعد فتره صارت حركه فنيه الا وهي اشتغلت كل القنوات عندي بدون ماتدري الشوتايم وبعض القنوات المشفره وصارلي الحين سنه اكثر من 8 شهور استمتع مجانا افكر واقول حرام ولكن ابرد حرتي من الي سووه فيني

وهم الي بدو وانا لاحقهم

وبصراحه جهاز هيوماكس صغير في شكله كبير في عقله ويمسك الاشاره ولو شو مايكون

وننتظر الحين سمعنا عن جهاز يفتح بواسطه خط الشامل جميع القنوات حتى الاوربت

الله يعيين

عموما خبرونا عن تجاربكم ويا الشوتايم او اي شركه منهم

يا جماعه تراه هذا قليل الي ذكرته انا كنت معاهم في معاناه طويله

الله يستر ويعين مشتركين الشوتايم والشركات الباقيه اذا كانت مثلهم

وسلامي على المجاني

[sh@Gy]

والله من حيث تجربتي مع الشوتايم لمده 3 سنين ماحصلت لي مشاكل

انا مشترك من الشوتايم الي في الامارات مع العلم اني من قطر لاني وقت

ما اشتركت في الخدمه ماكان متوفر الاشتراك من دوله قطر .. حدث بعد التقطعات

قبل سنه تقريبن لاكن انحلت بسرعه .. الفيزا هم يسحبون مني تلقائيا كل سنه

والجهاز الي تتكلم عنه فعلن موجود ماعرف وصل السعوديه او لا لاكن الجهاز

موجود ويفتح جميع قنوات الشوتايم وال Art ببلاش

[khobar]

اسم الجهاز دريم بوكس له تقريبا عندي سنه وشغال الى الحين يفتح جميع القنوات المشفره من شوتايم وهوم سينما واوربت وجزيره والارتي وغيرها من القنوات الاوربيه

الصراحه جهاز روعه

[alzaabi]

سبحان الله انا جهازي العادي الي هو الهيوماكس وهذا الجهاز معروف انه مايفك التشفير

تقريبا قانوني لازم يكون من المحطه فك التشفير يعني يكون عندك اشتراك والي حصل عندي انه كمبيوتر الشوتايم خربط وفتح لي المجال وانا قلت له اهلا وسهلا ومستلمه من يومها

طيب الدريم بوكس هذا كيف يتم تركيبه وكيف يتم فك تشفير القنوات من باب المعلومات فقط

وشو موديله عشان نسئل ونشوفه لان حسب علمي انه في جهاز يفتح القنوات كلها عن طريق كيبل الشامل يبرمج مره واحد وبعدها خلاص يتم شغال

[khobar]

الدريم بوكس يكون متصل عن طريق الانترنت ويفضل يكون adsl عن طريق كيبل شبكه من الجهاز الى رسيرفر

وفك القنوات المشفره يكون عن طريق الشيرنق تشترك عن طريق المحل في سيرفراتهم يعني تقريبا 200 ريال لمدة ست اشهر

وله موديلات كثيره دريم بوكس 500 و 7020 و7025 وكل واحد له مميزات خاصه من تسجيل وغيره

[Kasper]

سمعت بالشيرينق كثير وجربتة على الجهاز عندي

على كرت سكاي ستار صراحة ممتاز بس مشكلتة ماينفع على الكمبيوتر

اخوي ممكن سعر جهاز الدريم بوكس وعن طريق اي شركة مااخذ الاشتراك؟؟

[SalemOnLine]

khobar ياليت تزودني بالمعلومات عن الجهاز الي عندك وطريقة الاشتراك

ياليت ترسلي بريدك اراسلك
على هالنموذج
http://salem1.arabform.com

سالم

[khobar]

Kasper

سعره على حسب النوع
دريم بوكس 500 سعره 900 ريال تقريبا الفرق انه مايسجل
دريم بوكس 7020 سعره 1800 يسجل ولازم تكون على نفس القناه ماتغيرها لو غيرتها يوقف تسجيل ومميزات اخرى
دريم بوكس 7025 2200 يسجل وتقدر تشوف قنوات ثانيه ومميزات اخرى

بالنسبه للرسيرفر والاشتراك انا ماخده من البحرين محل اسمه ملتي بروك

s-alem.com
http://www.neqashalhob.com/
الموقع هذا راح يفيدك فيه جميع المعلومات عنه في قسم الدريم بوكس

[alzaabi]

ههههههههههههه

في حد ضربني بعين او في حد من شركة الشوتايم يتابعون المنتدي

بصراحه تقفل الكرت ههههههههه الله يستر

مافي الا ناخذ الاجهزة البديله الدريم وغيرهم


سلااام

[physician]

ههههههههه لا حول ولا قوة الا بالله

[alzaabi]

قُلْ هَلْ نُنَبِّئُكُمْ بِالْأَخْسَرِينَ أَعْمَالًا ﴿103﴾ الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا ﴿104﴾ سورة الكهف

تعرف ليش كتبت ؟؟ لاني من شفت الايه جلست افكر فيها هذى في اي مكان وهل هى صحيحه ام ماذا فبحثت ولقيتها منوره في سورة الكهف من الرقم 103 حتى 104

وبارك الله فيك

وتشرفة بزيارتك الموضوع وكشفونا والله كريم ههههههههه