يا أصحاب الـ DSL لا تتورطون بإشتراك نسما زفت !!

[abu amal]

مثل ما قالوا الاخوان

يعتمد على المقسم اللي عندك
يعني الله يعينك يبغى لك كل شهر تجرب بطاقه جديده
لين تشوف وش افضل شيء على مقسمك ..

انا عندي سعودي نت 100%

[محمد بن عبدالعزيز بن سيف]

انا حاليآآ استخدم اول نت ...ولي سنتين

وقبل كنت أستخدم سول نت <---- غريبه محد جرربها !! تقريبااا هي واول نت نفس الجوده والسرعه بالتصفح والداولنود...لكن اسعارهم نار نار نار



عمومآ اللي خلص أشتراكه لايجدد اكثرمن 3 شهور !!


راح يكون فيه نزول كبيررر بالاسعارررر خلال الشهر والنصف الجاي
من الشركات..

[d7me4ever]

جربو ICC وادعو لي

سنه كامله ولامره أنفصل علي ثانيه

الشهر بــ185 ريال فقط للـ256

تحيتي لكم

[فهد000]

اشتركت فيها وتورطت للأسف

اخوي الأماكن ماذكرت لنا كم سرعة إشتراكك ؟

انا اشوف 111 ك.ب

[alsahernet]

عمومآ اللي خلص أشتراكه لايجدد اكثرمن 3 شهور !!


راح يكون فيه نزول كبيررر بالاسعارررر خلال الشهر والنصف الجاي
من الشركات..

فعلا نقطه مهمه اشكرك على التنبيه وعن نفسي انا اخذ كل شهر فقط .

[abu amal]

اشتركت فيها وتورطت للأسف

اخوي الأماكن ماذكرت لنا كم سرعة إشتراكك ؟

انا اشوف 111 ك.ب

قول مشاء الله :court:
اتصالي 512
وماد خط مسلح من العداد للمودم على طول
+
المقسم الظاهر يعشق سعودي نت خخخخخخ :funny:
انتظرت سنه لين وصل لي الدي اس ال .. وهذي النتيجه :1power:

[messenger]

جربت سعودي نت التصفح متوسط والداون لود بين المتوسط والسيء
جربت نسما نت شركة فاشله نصيحه وخروا عنها
وجربت اول نت التصفح سيء الداون لود بين الممتاز والمتوسط
الان رجعت لسعودي نت افضل الموجود

[البروفسيور]

قول مشاء الله :court:
اتصالي 512
وماد خط مسلح من العداد للمودم على طول
+
المقسم الظاهر يعشق سعودي نت خخخخخخ :funny:
انتظرت سنه لين وصل لي الدي اس ال .. وهذي النتيجه :1power:

ما شاء الله و لا حول و لا قوة الا بالله

لكن ابي اسالك عن سرعة Downstream و الـUpstream

و البورت حق العادي و الا الالكتروني

ووشهو مقسمك اذا ما كان عندك مانع و أي حي

[سليمان عبدالعزيز]

غيييييييييييييير اول نت لاتفكرـر

مجرب سعودي نت التصفح بطيء الداون لود سيء الدعم الفني ماقدر جربته

اول نت التصفح ممتاز الداون لود ممتاز ويوصل 90 والأشتارك 256 والدعم الفني متوسط وعلى حسب الوقت الي تكلمهم


بس اول نت شكل عندهم سيرفر خاص بالعملاء الفي اي بي لأني ببداية الاشتارك خليتهم ينصكون غرامه اعرف واسطه بالأتصالات خليناهم ياكلون كبر راسهم واللحين حاطيني على راسهم لدرجة انهم يوم قدمة الشكوى ارسولي رساله برقم خأص اتصل عليهم


للمعلوميه
على حسب الموقع السرعه ولا تنسون المودم

خوذو اول نت + يو اس روبتكس راح تدعون لي لليل نهـآر


ومعلوماه ثأنيه

الوقت لحد يقول العصر اول نت بطيء طبيعته كذ1

الشركات + الدوائر الحكوميه كثيرين الي يفتحون هالوقت

[Stylaty]

أول نت مرت قبل اسبوعين او ثلاثة بأسوء فتراتها
لكن الحين اقسم بالله طلقة ما شاء الله .. صاروووووخ التحميل اذا طاح 29 .. اغلب الوقت ثابت على 31 سرعة 256

[فهد000]

اقول عسى الله يعوضنا خير

إلا من ياخذ إشتراكي يبدلني بشركة ثانية ؟

[nabeeel]

والله أخوي فهد نسما تعتبر من أسوء الشركات وفاشله بمعنى الكلمة .

التصفح في نسما ممتاز لاكن التحميل سيء جدا جدا جدا والأسوء من هذا إنها تحارب التورنت وبرامج مشاركة الملفات اللي اعتمد عليها كثير , اللي يبي نصيحتي ابعد عن نسما ولاتفكر فيها خير شر , وبالنسبه لخبرتي في الشركات سعودي نت تعتبر الأفضل ثم يليها اول نت والله اعلم .

اقول عسى الله يعوضنا خير

إلا من ياخذ إشتراكي يبدلني بشركة ثانية ؟

انا اشتركت مدة شهر بسرعة 256 وهذا يعتبر ثالث يوم لي , ولو القى اي احد يشتريها ولو 130 ريال ماارفض ابد .

[M.G]

في احد ردودي كتبت الدون لود لنسما سريع لكن الحين مر ثلاث ايام والله انه زفت :anger2: ما ادري انا اشتغل على DSL ولا ديل اب

فهد الله يصبرنا لنهاية الشهر :eek3: :eek3:

[hawint]

انا ارى ان اول نت وسعودي نت افضل من الشركات الاخرى والتخفيضات اللي نزلت على اول نت

شئ جميل ... مع العلم اني استخدمت نسما وكان الاتصال فيها زفت ماجلست عندي يوم ورميتها

وانا الان استخدم اول نت وسرعتي 256 والتحميل ماينزل عن 38

ولا اعتقد الان المشكلة من القسام او شئ من هذا القبيل


وسلامتك....

[klamat-ksa]

أنا عميل 4 سنوات لنسما نت ويوم حبيت أغير

جربنا عند أول بنت

وكل يوم نعاني من الفصلات ونكلم الدعم الفني يقول لنا في كل أنحاء المملكه .!

أمحق تصريـفـه ..

الاشتراك فيه 3 شهور .. أول ماخلص الاسبوع الاول قطيتها وجددت إشتراكي مع نسما نت ..

وهالحين هم سددو مبلغ الاتصال .. هذا الشهر وأعتبروني العميل المثالي

ومعك حق من ناحية التحميل نطلق عليها نسما زفت