المشاركة الأصلية كتبت بواسطة 3v3
??
كذا اسلوبكم ؟؟
غريب امرك
يعني عشاني استفسر ومن حقي هذا اني اعرف كل شي قبل اخذ منكم اي خدمه ؟؟
انتي تقولين بحائل مكتبكم
قلتلك انا من حائل عطيني عنوانكم
وين العنوان ؟؟
وين المصداقيه ؟؟
ولا تدورون الناس المساكين بسالفة رسميين ؟؟
للعلم النطاق .com.sa البقالة تقدر تاخذه
اذا تبين نطاق يكون باسمك تري كلها سجل تجاري ب1000 ريال لمدة خمس سنوات
ويطلع لك النطاق
بس حبيت اوضح هالنقطه وخلوا فيه شوي مصداقيه بينكم وبين العميل
الى متى الضحك على الذقون
الى متى سالفة رسميين وهو اصلا ماعنده سجل تجاري للنشاط اللي يمارسه
واحد يطلع لي صيانة حاسب ويطلع نطاق .com.sa ويقول رسمي
والا واحد مثل حضرتك يطلع نطاق بسجل تجاري لمؤسسة عبدالله عواد الحربي ( اراسيرف )
ويقول احنا مؤسسة لوحدهم
قولوا انتوا تابعين لعبدالله بالعكس ماحد بيزل عنكم
عبدالله والف نعم فيه ورجال انا افتخر باني اشتغلت معه فتره
ومااظن شغله ينعاب بالعكس شغله تمام التمام
بس تقولون مؤسسة وهياط وخرابيط ومالكم شي فيها مصيبه
للعلم بس السجل التجاري الخاص بانشطة الانترنت يسمى سجل تجاري فئوي من فئة (ب)
ومن شروطه
100 الف ريال ضمان مالي
و10 الاف ريال قيمة ترخيص سنوي ؟
عشان بس تحسبين ميزانيتك وتجمعين دراهمك وتسددين اذا حبيتي تشتغلين رسمي حقيقي
بس لاتنسين راس مال المؤسسة عشان تشغلونها
تحياتي لك
