[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[M. Al-Dhafeeri]

<<< مستانس اكثروا عدد المتابعين



اذا عندك سؤال او استفسار او موقف صارلك تقدر تشاركنا



والف شكر نورت الموضوع والله

[M. Al-Dhafeeri]

موقع رائع رائع رائع


من خلاله تقدر تقارن اسعار السلعه اللي تبي تشتريها من مواقع عديده


مثال (تكتب بالبحث اسم السلعه) وليكن مثلا (Polo t-shirts)


ويطلعلك كل المواقع اللي تبيع هذي t-shirts ويقولك منو ارخص موقع ومنو اغلى موقع وهكذا


http://www.comparestoreprices.co.uk/



ان شاء الله يعجبكم

[Remano]

اخوي اطلعت بخصوص اراميكس ولم اجد مكتب او فرغ في غزة او فلسطين كلها :S
ياترى هل يوجد اي طريقة اخرى للشحن وتكون رخيصة نسبيا !!

[M. Al-Dhafeeri]

اممم


انا اللي اعرفه انه Aramex (اراميكس)


اهما ارخص شي..



اممم انزين اخوي انت قلت انه عندكم DHL وغالي عدل؟؟


انزين في شركه ثانيه بس والله ما اعرف شلون اسعارها

شوف اذا في فرع عندكم لها ولا لا اسمها فيدكس (Fedex)


وعطني خبر بالتوفيق ياخوي

[M. Al-Dhafeeri]

لعشاق الدم والقتل


طحت لكم على موقع لبيع ( t-shirts و figures وو و...)


للفيلم الرائع الدموي SAW طبعا الاغراض المباعه على حسب الفيلم


يعني لو تختار الجزء الاول تطلعلك تي شيرتات وستيكرات وديفيدي الجزء الاول من الفيلم


وكذلك الجزء الثاني والثالث لكل جز تي شيرتات معينه وديفيديز وبوسترات وووو...



هذا الموقع

http://lgf.seenon.com

<<< رفيجي اشترى هذا التي شيرت

http://lgf.seenon.com/detail.php?p=12730

بالتوفيق

[Remano]

اخوي وجدت مكتب لأراميكس اخيرااا
لايبعد عني كثيراا
لاكن السؤال المطروح الان
ماهي الخطوات تحديدا ؟
هل اذهب الى المكتب واقوم بفتح حساب ام ماذا
اذا ممكن تعطيني طريقة الشراء والشحن !

[M. Al-Dhafeeri]

الحمدلله في مكتب لأراميكس



تمام الحين عشان لا تتشتت ذهنيا


روح المكتب واسالهم كل الاساله اللي تبيها << لانه كل دوله لها اكيد نظام او طريقه و اسعار مختلفه



الطريقه سهله بخصوص فتح حساب


اللي عندنا بالكويت ندفع 10 دنانير يفتحون لنا بريد ببريطانيا ويعطونا مجانا بريد بأمريكا


يكون المبلغ لطول العمر يعني مو شهري ولا سنوي فقط من اول مره تدفع بعدين خلاص



اما بالنسبه للشحن اسالهم صدقني مختلف اكيد



وسامحني على القصور


واتمنى تكون لك رجعه مره اخرى بهذا الموضوع لنعرف اخر الاخبار


بالتوفيق ياخوي

[M. Al-Dhafeeri]

موقع رائع فيه مجموعة من الابواك (محفظات) والجناط (حقائب) بسعر رخيص


http://www.fractionprice.com/category.cfm?Category=250



والتوصيل مجانا لما فوق 75$ <<<< Enjoy

[M. Al-Dhafeeri]

راح اتوقف عن كتابة المزيد.. << الظاهر ماكو مهتمين لهلسوالف


واللي محتاج اي مساعده يراسلني من ملفي الشخصي



بالتوفيق

[البراك]

والله يا شاعر الظلام اني مستمتع بردودك واضافاتك وكان ودي اشارك معك لكن والله مالي خبرة في هالمجال ، ان شاء الله بكرا رايح اطلع بطاقة ائتمانية مسبقة الدفع ، وابشترك بخدمة ارامكس shop & ship

اتمنى منك تعطينا قائمة بالمواقع المتخصصة ببيع اكسسوارات وقطع الكمبيوتر بشرط تكون تقبل البطاقات الدولية ..

[Off]

شاعر ياخي وربي انك تققققققهرررر :@

ياخي كمل تدري انه بيكووون مرجع أساسي ؟؟
هذا النوع من الأجزاء في النت اللي يخآفونها الناس .. لا تكترث لمن لا يقرا <- متعوٍب عليها يكترث يالله طلعت

اقصد صدقني انا اول المتابعين .. بس ماقدر ارد أحيان لأني مرتبط بالدراسه وهذا والله حايسني لكن متااابع لك

ياخي حرام عليك كمل

حط مواقع وانا ابجرب بس خلني اخلص من الاختبارات بخلي موضوعك يكون اكثر ردود

[M. Al-Dhafeeri]

<<<< ينتظر التشجيع



ان شاء الله راح اكمل معاكم


هلا فيك اخوي البراك في الموضوع وضعت اكثر المواقع المختصه بالاكسسوارات وان شاء الله راح احط المزيد وتكون بسعر رخيص وومميز


وبشرنا اذا فتحت حساب



الف شكر مره اخرى




اخوي اوووووف


ان شاء الله راح اكمل بس كنت اشوف منو متابع


بالتوفيق وانتظروا المزيد ان شاء الله

[البراك]

ابشرك اشتركت بخدمة شوب آند شيب من ارامكس ، وقدمت على بطاقة ائتمانية مسبقة الدفع من البنك الاهلي والاستلام يقولون بعد 5 ايام عن طريق DHL ...

[البراك]

ابسألك الله لايهينك اخوي شاعر الظلام ..
انا يوم عبيت بياناتي بنموذج التسجيل عند ارامكس كان فيه فقرة عن عدد مرات فتح الصندوق وللاسف ما كان فيه الا خيار واحد اللي هو 3 مرات بالاسبوع ! مع العلم ان فيه بعض الزملاء اشتركوا قبل وكان فيه خيار لفتح الصندوق مرتين بالشهر سألت الموظف قلت له ابغى مرتين بالشهر قل للاسف الحين مافيه الا 3 مرات بالاسبوع ، سؤالي الحين اذا شريت اكثر من غرض وابغى تاصلني مع بعض بحيث تقل قيمة الشحن وش المطلوب مني ؟
السؤال الثاني : اي يوم من ايام الاسبوع اللي يفتح فيها الصندوق - اقصد الثلاث ايام بالاسبوع - ؟

قبل لاختم ردي اتمنى منك تدلني على موقع يحول من كيلو الى باوند بشكل دقيق ..

[ABnet]

أبغى موقع يبيع منتجات كومبيوتر فلاش ميمورري وهاردسك وكروت ونحوها
غير
http://www.mustekdirect.com
لأنه مافيه شيء من الي ذكرته