اخوي ان شاء الله الشغلة مش صعبة وانا رح احكيلك شوي باختصار لضيق الوقت ...
اول شي تروح تعمل مجلد بالموقع وتسمي مثلا lang وداخل هالمجلد تعمل مثلا ملف تسمي arabic.php وهذا ببساطة يكون ملف اللغة الخاص باللغة العربية وطبعا بدنا نطبق المثال عليه ...
اسا بنروح على الملف arabic.php ونبدا نعرف فيه الثوابت مع الترجمة للغة العربية مثال :
كود PHP:
define( "LANG_homepage" , "الرئيسية" );
define( "LANG_login" , "تسجيل الدخول" );
define( "LANG_logout" , "تسجيل الخروج" );
وهكذا تقوم بتعريف جميع الكلمات التي تريدها حسب مبنى الموقع لديك ...
الحين بدنا نربط الملف بملف الاتصال او بقاعدة البيانات ... اذا كانت عندك المعلومات كلها ضمن ملف اتصال ببساطة تكتب التالي :
كود PHP:
$lang = "arabic.php";
يعني نعرف المتغير lang انو استجلاب القيم من الملف arabic.php يعني شي سهل ... وطبعا اذا كان عنا ملف انجليزي ببساطة نغير arabic.php ونحط بدلو اسم ملف اللغة المراد وطبعا تقدر تعمل قائمة منسدلة بالصفحة الرئيسية بالموقع يقوم الزائر عن طريقها بتغيير ملف اللغة بكيفو ...
اسا لو كنت ترتكز في موقعك على قاعدة البيانات بشكل كامل ببساطة تعمل استعلام من جدول الاتصال config او اي كان اسمو وتجيب القيمة من الحقل lang اذا حبيت هيك تسمي يعني يسير الاستعلام كالتاي :
كود PHP:
$lang = mysql_query("SELECT lang FROM db_config_table");
الحين ضل انو تعرف المتغير lang داخل جميع الصفحات لكي يشاهد كل زائر اي لغة حسب اختيارو بالكود التالي :
اذا كنت تستعمل على ملف الاتصال وكان يحوي جميع البيانات تستعمل الكود التالي :
كود PHP:
include_once( "lang/" . $lang );
اما اذا كانت القيمة مخزنة في قاعدة البيانات فاستعمل نفس الكود لكن بدون النقطة يعني هكذا :
كود PHP:
include_once( "lang/" $lang );
وطبعا هذا كلو مشروط بانو يكون ملف الاتصال مربوط بجميع ملفات الموقع عن طريق include .
وهذه الفكرة باختصار اخوي وان شاء الله ما اكون قصرت معك ...
الى الامام حبيبي .