كل مافيها يقرّب مـصـرعــه

[Zoom]

الله المعطي معاني للبريّه

خالق الكون الوسيع ومبدعه

يعطي لخلقه ويجزل بالعطيه

أشهد إن الله عطاها زوبعه

من حسن صوره واوصاف عصيّه

ما قدر شاعر يصف ما صارعه

من معاني هيام تعصف به شديّه

لو يجيه الصوت ماظن يسمعه

هايم بنظره من بنت اعربيه

كل مافيها يقرّب مـصـرعــه

شافها بالحلم عاشق يا هنيه

يا حلاة الحلم يوم انها معه



اسمحولي جرأتي و تطاول خيالي .. السر انها صورة من مجله أخذتها و أعدت رسمها لما فيها من معني لا يعرفه غير زووم

[Zoom]

وبغروب الشمس بديار البريّه....

[roh-alrehan]

السلام عليكم
مساك الله بالخير
لوحه حلوه لكن بالغت بوضع اللمعان بعيونها احس انها خربت العمل كثير واثرت عليه
بس حبيت اعرف انت راسمها باي برنامج لانها كأنها حقيقيه وخاصه الشعر
تحياتي لك
ومزيد من البداع

[Zoom]

مساج الله بالنور اختي روح

الصورة حقيقية أخذتها من مجلة .. عدلت عليها ببرنامج آرت دابلر

والشعر طبيعي غير مرسوم لأني ما لمسته

شكرا على المشاركة

وتحياتي يا مبدعة

[عسليه]

يا سلاااااااااااام عندنا شاعر !!!!

بس يا اخوي ويه البنيه طالع عندي متموج مش صافي يعني شبه

عيووووووووووووووووووز ههههههههههه خربت عليك Zoom الرومانسييه


اقووول شو رايك تقصد وانا اسويلك بطاقة بس حطلي قصيدة حشيمة

ههههههه نزييين

باي باي

[limur]

واااو تشبة شخصيات مصاصة الدماء

[عسليه]

ههههههههه والله صدق انا اقووووووول منو تشبه ؟؟؟

limur يااااولينااااااااااا انا وانت من Zoom خربناعليه


انا ما قلت شي هو لي قال دراكولا

[Zoom]

عسليه و limur .. هلووووووو وينكم حبايبي تعالوو

الحين هذي عيوز ؟؟

دراكولا هااا

زين يا حلوين .. خو أنا أعرفكم تطيحون الطير من السما

توم كروز و كرستينا اوجيليرا بس الحظ ما ساعدكم

ههههه

الحين تبين قصيده عسليه همممممم

اشرايج .. على بابي واقف قمرين
مو قمر واحد ..















اثنين

قمرين

[PHOTOGRAPHER]

Zoom ......
انا مابقول لادراكولا ولا عيوز...بس خشمها يشبه الزحلاقية..اللهم لاشماته..!!!

[desertrose]

سلام اخوي zoom

بصراحة حلووووووة بس فعلا زي ماقالت روح شوي بالغت ببريق العين

الشئ الثاني مثل القمر كاملا اوصافها مرة بدر ومرة هلال

عسلية تبيني احط لك كلمات حشيمة المرة الجاية

[عسليه]

desertrose انتي الحشيمة



على بابي واقف قمرين .. الله يهنيك ويسعد ايامك

[G-Master]

مرحبا بقمر سوالف ZooM

كان من الممكن ادخال تحسينات كثيرة على وجه الحسناء الناعمة ... منها على سبيل المثال تحويل عيونها الى اللون الازرق I Love Blue Eyes الشي الثاني لو تلاحظ لون الروج الاحمر في الجهة الشمال من الصورة .. شكله سائح اكثر من اللازم و يحتاج الى كوافير لتعديله .. الشي الثالث و المهم ... وجود تداخل اللون الاصفر على بشرتها الناعمة من ناحية الانف .. ايضا كان من الممكن تعديل رسمة الحواجب لتكون اكثر كثافة و نعومة و انسيابية .

المهم .. ممتازة و تستاهل عليها 7 من 10

[Zoom]

PHOTOGRAPHER مشكلتي احبك

[Zoom]

سلااام اختي الغالية وردة الصحراء

ألا ترين معي انها السر يكمن في بريق عينيها؟؟

تأمليها بمقدار ذرّة من تأملاتي لها
فهي الوحيدة التي تكسر العيون


شكرا على المشاركة يا ورد
محروسه والحارس الله

[Zoom]

ليتني ما اخطيت عند وحده ابدويه

اخسفت عمري عسى الله يخسفها