يا أهل الرياض .. الوساطه الذين لديهم معارف بشركات توظيف ..

[ABU WSAM]

طمره موفقه

ليه تطمر ردي عليك وترد على كلامي مع t7t7.com هذا وش يدل عليه ماتقولي؟

ثاني شي يالحبيب انت محد كلمك ولا حد غلط عليك جيت وغلطت وتخبط بكلامك مثل استغفر الله الممسوس حتى الحين ونت تغلط علي ولا رديت عليك .

انا هذا كلامي عاجبك عاجبك ولا عندك اربع جدران اختار اللي يعجبك .

[سليمان عبدالعزيز]

تح تح : http://careers.zain.com/careers/zain...&CountryId=185 يمكن يفيدك

انا هذا كلامي عاجبك عاجبك ولا عندك اربع جدران اختار اللي يعجبك .

من سالكـ.؟

واسمحلي مابي اخرب الموضوع على t7t7 وإن شاء الله يلقى رزقه خويك

[ABU WSAM]

دنيا الجوال اممممممممممممممممموح على خشمك يفدنك المواضيع كله .

[dev/null]

انا ولد ابوي كلمني على المسنجر والله لخلي راتبه فوق الاربع ولا ماني ابو وسام





---------------------------------------------------------------------------------------
لاكن اللي يبي يزعزع ثقتي بنفسي وشيككني بقدراتي العقليه والله ماجابته امه .

قسم قسمات انك ماخذ مقلب في نفسك .. تكفى اسكت :funny:

....

وليد الله يوفقك ويوفقك خويك ان شاء الله ..

لكن زي ما ذكرو الشباب خله يمر على جرير ..

[ABU WSAM]

قسم قسمات انك ماخذ مقلب في نفسك .. تكفى اسكت :funny:

....

وليد الله يوفقك ويوفقك خويك ان شاء الله ..

لكن زي ما ذكرو الشباب خله يمر على جرير ..

ناظرو الاسلوب ولا ويضحك علي بعد .

[علي العتيبي]

صراحة أنا مستغرب سوالف اليومين ذي

صايرين الأعضاء يتهاوشون بزود

--------------------------

صاحب الموضوع ياليت تعلمه طريقة الإكتتاب بالشركات

وتفتح له حساب بالراجحي وبارك الله فيك

[t7t7.com]

شكراً لكل من رد وببلغ الاداره للتدخل بالموضوع !!

[BAD3R]

السلام عليكم

بعد التحيه ,,

جرير - طريق الملك عبد الله - الوظائف كاشير - الراتب 2000 ..
الشدادي - مندوب مبيعات - 2500 الراتب فترتين ..
البنك اللفرنسي طريق الملك عبد الله - سكورتي آمن - 2000 الراتب ..

اتمنى له التوفيق والسداد ...

bad3r

[ABU WSAM]

وايضاً

الرياض طريق الملك فهد بنك الإمارات حارس أمن الراتب 3500 لا اعلم فتره او فترتين .

[خالد الحربي]

هلا وليد

شوف هالموقع يقبلون المتوسطة والثانوية

:: مركز الرميزان للتدريب ::

تدريب منتهي بالتوظيف ان شاء الله


مميزات التدريب بمركز الرميزان:


تدريب مجاني في مجال مبيعات الذهب والمجوهرات والأحجار الكريمة.

تدريب على مهارات بيع الذهب والتعامل مع العميل .

تدريب على الحاسب الآلي وتطبيقاته .

تدريب على اللغة الإنجليزية.

تدريب عملي داخل المركز في "سوق السدرة " الخاص بالمركز .

تطبيق عملي خارج المركز في محلات الرميزان وتجار ذهب آخرون لمدة ثلاثة أسابيع .

مناهج تدريبية متطورة وتركيز على إدارة الحياة بنجاح وبرمجة التفكير الايجابي وصقل الشخصية.

بيئة تدريبية متخصصة ومدربون مؤهلون وأساليب تدريب تعتمد على أحدث التقنيات في عرض المعلومات.

مكافأة شهرية مقدارها (1000) ريال طوال فترة التدريب.

التعاون مع تجار الذهب والمجوهرات والجهات ذات العلاقة لتوظيف الخريجين.

شهادة معتمدة من المؤسسة العامة للتعليم الفني والتدريب المهني.

وبالتوفيق

[t7t7.com]

بيض الله وجه كل من رد بالموضوع وكلها سيتم مراجعتها من قبل صاحب الشأن

[qtr4all]

اخوي وليد
جرب ارسل فاكس
الى قسم التوظيف في ارامكو وهذا الرقم

038350800

توجد لديهم توظيف رجل امن ..