انا اصرف شيكات ادسنس عن طريق البنك السعودي الفرنسي , اودع الشيك وينزل بحسابي خلال يومين بالكثير .
| |
انا اصرف شيكات ادسنس عن طريق البنك السعودي الفرنسي , اودع الشيك وينزل بحسابي خلال يومين بالكثير .
__________________
اختصار روابط , اختصر روابط واربح
طيب بخصوص انك تقول هذه السطر
بالنسبة لسؤالك الاول , جرب انك اعلان واحد في جميع الصفحات فقط ! ويكون الاعلان الوحيد البارز وصدقني بتصير الارباح عندك + 1000%
لو افترضنا اني حطيت اعلان 728-90 جميع الصفحات بالاعلى وحصري ومشاهداته توصل على اقل تقدير الى 15 مليون بالشهر
كم تتوقع يوصل دخله ؟ ( ابي الحد الادنى الى الحد الاعلى )
هل من المممكن انه يوصل الى 300 دولار يوميا مثلا ؟
__________________
مؤسسة جيل الويب للخدمات المتكاملة
استضافة + تصميم + برمجة + تربل اكس
سجل تجاري رقم : 205008640
http://www.jeelalweb.com
اللي كتبته مناسب. انصح تخلي الاستهداف على كل الاعلانات. انت كسبان منت خسران لأنه بالأخير راح يظهر الاعلان الأعلى سعراً.
انا اقول انت خسران جداً في هذا موقع الاعلان هذا وطالما ما اعرف انا اي موقع انت تتكلم عنه ما اقدر اقلك السبب ولو ان فبالي اسباب أولية مثل: 1- تمركز سيء أو 2- اعلانات اخرى شاغله انتباه الزائر.
مادري شلون ترضى بنسبة نقر مثل هذي؟ بصراحه وبدون تحطيم المفروض لا يقل عن 0.5 الى 0.8!
دخلك قد يكون جيد بنظرك ولكن من ارقامك اقول يمديك تدبله مرات ومرات وانا ما اقول كذا استعرض عضلات لكن نسبة النقر للظهور عندك منخفضه جدا جدا يبغالك تشتغل عليها. انت شاغلك سوق بيع المواقع الاعلانيه اكثر من غيره وانا ما الومك لأنه مبلغ مباشر في جيبك. يعني ما الومك اذا أجرت مواقع لشركات كبيره زي موبايلي والفوركس بس انا اشوف ان باقي المواقع المؤجره قد تكون سبب رئيسي لإنخفاض دخل الادسنس. بمنتهى الصراحه اقلك كثرة الاعلانات اللي بموقعك عملت للزائر ما يسمى بال ad Blindness اللي ماله حل الا التقليل من الاعلانات الاخرى او ابتكار مواقع جديدة كل شهرين مثلاً.
واضح ان احد انخفاض دخلك من ادسنس بالنسبه لأداء الموقع هو ثقتك في مدفوعات ادسنس. دخل عالي زي كذا (ولو اني اعتبره منخفض عطفا على عدد الظهور) يبغالك تخلي قوقل يودعون لك مباشرةً في حساب لك في امريكا.
انا اخر يوم في الشهر الميلادي يودع قوقل دخلي مباشرة في حسابي وبعض الأشهر يودعونه قبل نهاية الشهر بيومين ثلاثه!
اذا زيارة امريكا ممكنة لصاحب حساب الأدسنس اللي تظهر اعلاناته عندك. او مثلا احد الشركاء الثقه اذا يقدر يروح امريكا, يفتح حساب هناك وترتاح. بطاقة الصراف بيدك تقدر تسحب من هنا زي ما تبغا على مستوى السحب ابو الف دولار اضف لذلك تقدر تستخدم حسابك الامريكي لدفع تكاليف الموقع عن طريق استخدام بطاقة الصراف كفيزا (كل بطاقات صراف امريكا تشتغل فيزا). مثلا تسدد به تكاليف السيرفر وهي بالألوف واي تكاليف اخرى عشان ما تخسر حوالات. وفي الاخير الحساب حسابك وامان لا تخاف عليه.
الطريقه الثانيه ارشح الشيكات ولو وصلت متأخره. لأن وسترن يونيون على مااعرف انه ياخذ رسوم كبيرة.
نصيحة اخرى ما ابغا اوفرها:
اقتصر تأجير المواقع الإعلانيه على اعلانات الهيدر والفوتر فقط! يعني اعلانات جانبيه او فوق الموضوع او اسفله يفترض تكون ادسنس فقط. اعمل بنصيحتي هذي وراح تدعيلي.
المواقع المؤجره ماتفرق معاك فيها نسبة النقر ابدا الا اذا كنت تبيع بالنقرة وهذا شي استبعده.
مثال: اعلان ادسنس اللي بالهدر عندك اعتبره اختيار غير موفق مو بس بحسب خبرتي المتواضعه، ولكن بحسب الاحصاءات المعروفه عن مواقع اعلانات ادسنس ونوعية البنرات...البانر العرضي هو اكثر انماط الاعلانات شويعاً لذلك له سمعه سيئة عند الزوار وهو اكثر الاعلانات اللي حالة العمى الإعلاني ad blindnedd متقدمه فيه جداً. علاوة على انك مستخدمه في الهدر..يعني الزائر اول ماتتحمل الصفحة يجيك محرك السكرول بار لتحت ومطنشه...يعني نقراتك تجي من الناس اللي فتحت الصفحه ونسيت وشهو الخبر اللي فاتحته وشد انتباههم الاعلان وضغطوا عليه....نسبه متواضعه اعتبرها.
اعلان 728-90 خادع للكثير لأنه دائما موقعه يكون بالهدر...لذلك يتحمل كأول اعلان ويكسب رهان اغلى نقرة..لكن نسبة النقر متواضعه دائما.
بالنسبة لحل نسبة الضغط على الاعلان تقدر تحلها ببساطه بتخليك عن اعلانات ادسنس في واجهة الموقع! انا موقعي مافيه ولا اعلان بالواجهه...الزائر توه داخل موقعك ويقول يافتاح ياعليم يبغى يدخل يقرى ما يبغى يتسوق.
اخوي . Jobran
الف شكر من كل قلبي على تواصلك معاي وشرحك . وفعلأ خزيت خيرأ ,
اانا بتكلم معاك بالمواضيع المذكوره بالاعلى واشرح لك كل ومنكم نستفيد . ( بادسنس لاني ماعرفته الا قبل شهر فقط لاغير والان الحمد لله اعترف نفسي شبه فاهم فيه لاني خلال شهر قريت مايقارب 500 موضوع بخصوصه ! واكتسبت خبره كبيره من الدورات هذي ) فضلا عن كلامكم ودروسكم لي ومشكورين عليها . )
الي بقوله لك الان يستحيل ان اعتمد على موضوع ادسنس والسبب بسيط جدا نحن نسوق لصحف كبرى ومواقع كبير ودخلنا من التسويق الاكتروني واقولها بكل ثقه بتعدى اكبر موقع تعرفه عشر مرات ! بختصار الدهل السنوي يفوق المليون ريال , يعني نعتبر خبراء لابعد حد في مجال التسويق الاكتروني ومابي اضيع كل هذي الامور علشان خاطر عيون قوقل ,
بخصوص اعلان بجانب الشعار ,
شوف انا حاط اعلان الان بجانب الشعار الي اسمهG1 بجانب شعار الوئام ولاحض انه غير حصري يعني مشترك يعني تبادلي يعني معاه 15 اعلان اخر ! علشان توضحلك الفكره فقط , انا مخص له 5 مليون مشاهده واجمالي مشاهداته من 15 الى 20 مليون , يعني معطيه الربع فقط . والباقي بيع مباشر لاني ابيع 1 مليون مشاهده ب 2500 ريال احسبها بتشوفها افضل من دخل قوقل اضعاف الاضعاف ,
فيه اماكن دخل قوقل فيها ممتاز زي بنر عندي اسمه R1 بجميع الصفحات بالاعلى تحت البنر الاول على اليمين وثاني زيه على اليسار هذه دخل الاعلان الواحد تقريبا 70 دولار يوميا اعلان واحد فقط ولاكن انا بعته ب 100 دولار ولمده شهرين فمستحيل افضل قوقل على البيع المباشر بذات ان لنا سوقنا والحمد لله ولنا عملاء كبار جدا وكثر ايضاء ,
بخصوص الشغله الثالثه وهي الاستهداف انا سويت استهداف لكل الاعلانات امس وشوف وش تكتب
( بعد مارحت اقرى تفاصيل اكثر لكي اكون ملم اكثر )
حطيت الوصف : صحيفة الوئام الإلكترونية-أخبار،اخبار,محلية,عربية,رياضية ثقافية،عملات
تمام لاني شفت كلمه عملات تقريبا من اقوى الكلمات عليها طلب وسعرها مرتفع جدا يصل الى 1 دولار او 4 ريال تقريبا وزياده شوي بعد وصحيفة الوئام صحيفة اخباريه عامه تتكلم عن كل شي ومن ضمنه الفوركس والاخبار الاقتصاديه بشكل عام فما اشوفها غلط اكتب هذي الكلمه
الان دخل امس نزل الى 225 دولار .. ولاكن من المتوقع ان يزيد لاني ماعطيته وقته علشان المعلنين يعرفون ان بالوئام فيه استهداف للاعلانات وبالتالي يكون فيه ارتفاع في سعر النقره مع الوقت فهل انت توافقني مع هذي الراي ام لا ؟ وكم يبيلي وقت علشان اعرف صح اسبوع يكفي ؟
بنتظار ردك والف شكر لك
__________________
مؤسسة جيل الويب للخدمات المتكاملة
استضافة + تصميم + برمجة + تربل اكس
سجل تجاري رقم : 205008640
http://www.jeelalweb.com
معاك حق في ظل الارقام الضعيفه لأداء ادسنس عندك. نسبة النقر عندك اقل عشر مرات من المتوسط. فكر في التدبيلات اللي ممكن تسويها بتحسين اداء ادسنس. لا تنسى ان تحسين دخل ادسنس يعتمد على تحسين تجاوب زوارك مع الاعلان يعني قوقل ماله دخل! انت يبغالك تدرس وتشتغل على موقعك وعلى زوارك وطريقة تفكيرهم ومعدل اعمارهم وما الى ذلك كل هذي عوامل تزيد الدخل. طبعا موقعك نوعية زواره دائماً اقل نقر من غيرهم ولكن اهتمامهم يكون بإعلانات نقراتها سعرها عالي جدا مثل البنوك والاتصالات والمشاتريات لأنهم غالبيتهم زوار موظفين مستقرين ولهم دخل مادي بعكس المواقع اللي زوارهم صغار في السن اهتماماتهم تكون بإعلانات نقراتها رخيصه ولكن نقرهم عليها عالي جدا لأنهم بالعربي (مو مركزين) وداخلين الموقع ماعندهم هدف مثل زوارك اللي هدفهم قراءة محتوى فقط بدون الحاجه للتشتيت والضغط على الاعلانات.
فكر في رفع اداء ادسنس 3 مرات فقط راح تلاقي انه بيصير دخل ممتاز خصوصا انه مايحتاج ادارة وتسويق (التسويق يكلف 10%) ولا يحتاج مفاوضات مع معلنين. واكيد انك مقتنع به والدليل تواجدك هنا.
ادسنس شركة اعلانيه تبغا تجيب لك زباين دفيعه. يعني كأنك مأجر المواقع الاعلانيه حقتك على مكتب ادارة املاك يجيب فلوسك كاش يعني طرف واحد تتعامل معه. ليش التعالي عليه؟ انا استغرب صراحة خصوصا انه بحسبه بسيطة يتضح ان الموقع مؤهل وبكل قوة انه يدخل سنوياً حول المليون ريال!
شوف معاي...
اذا نسبة النقر عندك في بحر الـ 0.16% والمتوسط هو 1%..لو نقول ان موقعك زواره كثير والنسبه بتنخفض لأن ال bounce rate عالي. نعطيك نص المتوسط مثلا اللي هو 0.5 واللي يعني اربع دبلات ونص لدخلك الحالي.
دخلك الحالي لو نقول 160 دولار يوميا (مع انه اعلى)
160*4.5= 720$
720*30*12*3.75=972000 ريال سنوياً..يعني ماشاء الله كنك مأجر عمارة قيمتها 10 مليون ريال
حط فبالك ان فيه مواقع عربية كثير دخلها زي كذا وأعلى!
الاستهداف خاصية لابد من تفعيلها. وهي ماتعني بالضروره ارتفاع الدخل! هي مجرد اتاحة الموقع حتى يكون هدف لمعلن الادسنس. الشيء الوحيد اللي ممكن يضرك بتفعيل هذي الخاصيه هي توجه المعلنين لموقعك واستهدافه للحصول على مساحة اعلانيه ارخص بكثير من شراءها المباشر منك...انتبه لهالنقطه وراقب المستهدفين لموقعك! لأنك تقدر تفلترهم وتحجب بعضهم.
مشكور اخي على الموضوع المميز الذي ينم عن خبرة واسعة في هذا المجال فضلا عن حب تعدي النفع للغير وعدم إبقائه حكرا.
ولي سؤال لو سمحت أخي:
كلنا يعلم ان الاعلانات تدخل في مزاد على الصفحة، وتقليل المساحات الاعلانية من شانه رفع مستوى الضغطة .. لكن هذا يتعلق الأمر بالوحدات الاعلانية والنصية معا؟
بمعنى مثلا لو وضعت وحدتين إعلانيتين ووضعت وحدتي وصلات إعلانية فهل ستدخل الوحدات والوصلات جميعا في المزاد؟ أي هل سيكون مجموع المساحات الداخلة في المزاد أربعة ام فقط المزاد تدخله الوحدات الاعلانية اما الوصلات فلا تدخل إلا حين الضغط عليها وظهور الاعلان؟
أرجو ان أجد عندك جوابا .. وشكرا لك أخي الكريم
__________________
نعم جميعهم يدخلون في المزاد ال ad unit و الـ link Unit
ببسطاه جرب التالي:
اضف الـ Link Unit في الهدر كأعلى اعلان...وراح تلاخظ ان النقرات عليه اعلى سعراً بشكل غير معتاد من ال link Unit. وبتلاحظ في نفس الوقت ان الـ ad unit التالية انخفض سعر النقرة فيها..وهذا الشيء مجربه انا شخصياً. والمحصله النهائية انت الخسران في اغلب الاحوال لأن اعلانات الـ link unit غير محبذه عند المعلنين لذلك ماعلى الموقع الاعلاني منافسه شديدة مثل ال ad unit.
ومجرد ترجع تنزل ال link unit في الفوتر تلاقيه رجع سعر الكلك الى 0.02 وكثير من الاحيان 0.01!
وبالطبع تدخل ايضاُ في مجموع الـ page views وتحسب عليك كظهور.
تقبل تحياتي
مشكور اخي الكريم على التوضيح .. وكلامك فعلا صحيح لأنني حين أضع الوصلة هي الاعلى يزداد سعرة النقرة عليها.
بالتوفيق لك أخي
__________________
فعلا نصائح قيمة .. مشكور اخي
__________________
مدونة خالد
تسلم خيو
جاري الاطلاع اكثرر
جميل اخي ومشكور
.. لكن بالنسبة للنقاط التي ذكرتها سابقا والمتعلقة بعدد مرات الظهور .... ايش علاقة سعر النقرة بعدد مرات الظهور ؟؟؟ لا توجد علاقة ... سعر النقرة حسب علمي يتم تحديده فقط من خلال اداء المعلن (اعلى مبلغ الذي يدفعه المعلن مقابل كل نقرة , ومدى علاقة الوحدة الأعلانية بصفحة الملعن , ,,,, كل البارامترات الموجودة في برنامج ادووردز الأعلاني لا غير ) وانت كناشر ليس لك علاقة من قريب او بعيد بسعر النقرة سواء ظهر الأعلان الف مرة او ظهر مرة واحدة فعدد مرات الظهور لا يؤثر على سعر النقرة ... ارجو توضيح المقصود من النقاط السابقة لو تفضلت مشكورا ....
جزيتم خيرا جميعا .. نقاش مفيد وبارك الله فيكم
__________________
مدونة خالد
ضوابط المشاركة
رد مع اقتباس
المشاركة الأصلية كتبت بواسطة jeelalweb 