لم افكر فى حياتى الدراسيه ان اذهب الى دكتور نفسى ابدا
لاننى كنت اظن اننى لست مجنونا
ولكن للاسف
اتضح العكس
بهدف حب الاستطلاع فقط لاغير ذهبت الى العياده النفسيه فى الجامعه
لاعرف ماذا يفعلون هناك
حجزت موعدا وفتحوا لى ملف
دخلت على الدكتور (مصرى الجنسيه)
دارت هذى الاسئله
س:اسمك ايه
ج:فلان بن فلان الفلانى
س:عمرك كام
ج:25
س:ايه المشكله اللى عندك
ج:دكتور ماحب افتح الكتب ولالى خلق اقرا نظريات كرشوف السخيفه ولانظريات الهندسه الكهربائيه كلها واذا فتحت كتاب منها احس انى شايف عزرائيل
س:طب الحاله دى من زمان وانت بتعانى منها
ج:اى والله دكتور صارلى فتره
س:طب ازا فتحت الكتاب بتحس بايه
ج:دكتور احس ان صدرى ضايق ومرات احس انى انخنق من الغرفه اللى جالس فيها
س:عندك مشاكل دراسيه
ج:والله دكتور عندى مشاكل كثيره مع المواد ومع الدكاتره وحتى مرات عندى مشاكل مع نفسى
س:عندك مشاكل اسريه
ج:يعنى
س:يعنى ازاى
ج:اقصد تصير مرات مشاكل وماحب انى افكر فيها بالجامعه بس لارجعت لاهلى احاول احلها
س:طيب عندك علاقات عاطفيه
ج: (حسيت انه بدا يتدخل بامورى الشخصيه فحبيت اخترع كذبه)والله دكتور فيه بس للاسف انتهت
س:انتهت ازاى يعنى اتجوزت والا يعنى ايه
ج:لا دكتور بس انا انهيت العلاقه كذا
س:شوف يابنى انت لازم تصارحنى بكل حاجه لان المصارحه اساس العلاج انا عاوز افهم انتهت ازاى وليه
ج:دكتور انا ماحب البنات اللى يلبسون جنز وشفتها لابسه جنز وانهيت العلاقه
س: (جلس فتره وهو يطالع فينى حتى حسيت انه كشفنى)مابتحبش الجنز يعنى
ج:لا والله دكتور احس ان البنت اللى لابسته سخيفه
طبعا خلص الوقت المحدد لى
لكن المشكله ان الدكتور عطانى ادويه وحددلى اكثر من موعد علشان الجلسات الجايه
صحيح رجعت وانا ميت من الضحك بس يوم رجعت الغرفه حسيت انى مانى صاحى
سؤالى الحين
لايكون كلنا مجانين وحنا ماندرى ؟
وهل اذا كان المتكلم مجنون فالمستمع عاقل تنطبق على وعلى الدكتور النفسى
لانى فعلا انا قاعد احس انه هو المجنون
والله يستر
------------------
لاتطرد المقفى ولاتعتنى فيه**اصبر فلابد الليالى تجيبه
