هل هذا اللاب توب، سنترينو او لا !!؟؟

[F15]

صباح الخير احبائي

واحد من الربع توه شاري لاب توب "توشيبا" وهو شاريه على انه سنترينو مو بنتيوم !
سعره 5800 ريال سعودي!!

لما شفت الجهاز واستعملته،، لاحظت انه مايفرق عن البنتيوم!
البطاريه ماتتعدى ثلاث ساعات وتنتهي!
الجهاز حرارته مرتفعه زي البنتيوم موبايل!

لكن ماجربت تقنية الواي فاي.

المهم، فكرت ادخل متجر الياهو على الانترنت وبحثت عن موديل الجهاز
Toshiba Satellite M20
وحصلته في هذا اللنك
http://shopping.yahoo.com/p_toshiba-...oks_1991283085

ولما قريت مواصفاته لقيته بنتيوم 1.3 مو سنترينو !!

ولما دخلت بيانات النظام في لوحة التحكم كتب لي نفس الكلام،، والرام 224 !!

ابي اخذ العلم الصحيح منكم ياشباب، لأن ماعندي خبره كثير في المحمول

وهذي البينات اللي مسجله على الجهاز:
Toshiba M20-S257
1.3 PM
الشاشه 14
الرام 256
الهارد دسك 30 جيجا

ومرفق صورة الجهاز

[F15]

.

[يونكس]

اي نعم اخوي هو سنترنتو و على فكره تقريبا السنترنيو 1.3 تقريبا و الله اعلم = PIIII 2.4 لكن 1.7 و الرام 512 بتحس بالفرق و اهم ما يميّز السنترنيو هو ان الكاش = 1 قيقا

يونكس

[أبو غريب]

يا أخي اطمن . .جهازك سنترينو ..

وللعلم : سنترينو ليس بمعالج .. بل هو منظومة متكاملة .

يعني غلط الواحد يقول : جهازي سنترينو والا بنتيوم إم ..

لأن السنترينو هو عبارة عن بنتيوم إم .. مع بعض المواصفات الأخرى
الاضافية التي تساهم في زيادة الأداء و السرعة وتقليل الحرارة
مثل : الكاش الكبير ( 1 ميجا ) مثل ما قال الأخ : يونكس ..

وقولك :

ولما دخلت بيانات النظام في لوحة التحكم كتب لي نفس الكلام،، والرام 224 !!

فهذا شي عادي جدا .. ومعناه ان الرام حجمها 256 ..
لأن النظام يوم يحسبها : ما تكون الذاكرة فاضية 100% ..

على العموم .. اذا كنت تريد عرفة مواصفات تفصيلية جدا عن جهازك
حمل الملف المرفق .. وهو عبارة عن كتاب الكتروني
يشرح مواصفات جهازك ..

ولكن انتبه :
أنا حملت الملف بصيغة ملف نصي ( .txt ) لأن المنتدى لا يسمح بإرفاق ملفات بامتدادات الكتب الالكترونية ( pdf ) ..
لذلك يجب عليك عندما تقوم بتنزيله أن تغير الامتداد .
اجعله ( pdf ) بدلا من ( txt ) لكي تتمكن من قراءته ببرنامج
أكروبات ....


أتمنى أني أكون أفدتكم بشي ..
واي خدمة ثانية أنا حاضر ..

[بوحمود]

رد مقتبس من يونكس
اي نعم اخوي هو سنترنتو و على فكره تقريبا السنترنيو 1.3 تقريبا و الله اعلم = PIIII 2.4 لكن 1.7 و الرام 512 بتحس بالفرق و اهم ما يميّز السنترنيو هو ان الكاش = 1 قيقا

يونكس

السلام عليكم
انا توني شاري لابتوب (ديل) سنترينو 1.3
لكني الصراحة انصدمت
السرعة الي قالو عنها انها تفوق PIIII 2.4 هذا بس كلام
لكن في حقيقة الامر ان الدسك توب الي عندي والي شاريه
من اكثر من سنتين PIIII 1.8 سرعته تفوق السنترينو بشكل ملحوظ
ياريتني ماشريت السنترينو

[KLieGE]

نعم خوي قلبي سنترينو

الاجهزة الي تلقاها بانتيوم وتكون بانتيوم 3 وفوق تكون سنترينو

[أبو غريب]

رد مقتبس من KLieGE
الاجهزة الي تلقاها بانتيوم وتكون بانتيوم 3 وفوق تكون سنترينو

مو شرط .. !

بالعكس .. اصلا مافي بنتيوم 3 سنترينو !
تقنية سنترينو حديثة جدا .
ما نزلت الا بعد توقف البنتيوم 3 ..؛

وازيدك من الشعر بيت : انه من الصعب انك تلاقي Pentum 3 M ..
فما بالك بـالسنترينو .؟؟؟

تحياتي

[Ziad]

انا عندي نفس النوع بانتيوم سنترينو لكن من شركة أخرى ليست توشيبا

السرعة 1400 .. صراحة يكفي البطارية تشتغل اكثر من 6 ساعات

السرعة والاداء يعتمد على الذاكرة ، مهما كان سرعة المعالج بالاضافة إلى كرت الشاشة والهاردسك

كلها تكون اداء ، ومع تقنية سنترينو تدّعم بالكاش 1024 ميقا ، يعطيك شي خيالي

[أبو غريب]

رد مقتبس من يونكس
و اهم ما يميّز السنترنيو هو ان الكاش = 1 قيقا

رد مقتبس من Ziad
ومع تقنية سنترينو تدّعم بالكاش 1024 ميقا ، يعطيك شي خيالي

كاش 1 جيجا ( 1024 ميجا ) .. :funny:

ما تدخل العقل ..!

يا اخوان :
الكاش في السنترينو فقط 1 ميجا ( 1024 كيلوبايت ) ..

أرجو التصحيح ..

[KLieGE]

رد مقتبس من أبو غريب
مو شرط .. !

بالعكس .. اصلا مافي بنتيوم 3 سنترينو !
تقنية سنترينو حديثة جدا .
ما نزلت الا بعد توقف البنتيوم 3 ..؛

وازيدك من الشعر بيت : انه من الصعب انك تلاقي Pentum 3 M ..
فما بالك بـالسنترينو .؟؟؟

انا اسف خوي قلبي ابو غريب الظاهر المعلومة الي عندي غلط وشكرا لك
على تصحيحها