مشاعر نخله

[bahraini]

السلام عليكم ورحمة الله وبركاته

قرأت في أحد الكتب عن النبات بأنه يمتلك إحساس ويتأثر
بالعوامل المحيطه به كونه كائن حي بدون أدنى شك ..

ولكن الغريب في ما قرأت بأنه يمتلك مشاعر وأحاسيس تمامأ كالتى
يمتلكها البشر !!!

فهو يحزن ويفرح ويشعر بالتعب والأرهاق وغيرها من المشاعر الأنسانيه

فمثلآ بعض أنواع أشجار التفاح تبكي عند إنتهاء موسمها !!

وبعض الأشجار تشعر بالضيق عند زراعة صنف مختلف بجوارها !!


والمثال الحي الذي لدي هو النخيل فهي تحزن حزن شديد إذا مات صاحبها

تصورو !!!

لدينا في حديقة المنزل 3 نخلات من أجود أنواع النخيل وفي كل سنه تثمر
خير من الله عز وجل
لكن منذ أن توفت جدتي رحمها الله وهذه النخلات في حالة حداد
حيث إنها لم تثمر طوال 3 سنوات

وما قرأته عن النبات فسّر لي السبب

فيقال بأن النخله تمر بفترة حداد على صاحبها مايتراوح الخمس إلى عشر
سنوات !!

ولله في خلقه شؤون سبحان الله


------------------
والله شرايكم

[حجايه]

شكرا لك بحريني على هالمعلومه ..

بس صج انا تأكدت بعد من معلومتك لانه جدي كان عنده حديقه كلها نخل ويوم توفى يابوا زراعين هنود يهتمون فيها لكن نصهم ماتوا وذبلوا وماقاموا يثمرون الظاهر هذا النص الوفي والنص الثاني نذل

------------------
أيتها الحرية، كم من الجرائم تُرتكب باسمك

[sweet apple]

موضوع حلو يا بحريني
thank you bro
sweet apple

------------------
الحب الحقيقي هو الي يحلي مرار الايام
ولو غلبتنا دموع عننى
نندهلوا فيجينا اوام

[bahraini]

العفو عزيزتي حجايه
وفعلأ مادام النبات يحمل مشاعر إنسانيه
فأكيد فيه الإخلاص والنذاله


sweet apple العفو عزيزتي
مشاركتك هي الأجمل




------------------
والله شرايكم

[قوس الحب]

زين سويت يوم رفعت موضوعك تراه حلو ومعلومه مفيده

[bahraini]

حيالله قوس
شلونك عزيزي
مشكور على المشاركه

[قوس الحب]

هلا بالجيران هلا بالاهل له بكل اهل البحرين
الحمدلله انا بخير اخبارك

[bahraini]

البحرين ولله الحمد تمام بوجودكم عزيزي وبوجود كل الأهل في الخليج

ومبروك على الخطوبه والله يعينك

[قوس الحب]

الله يبارك في حياتك،، الحين صارت ايدي في مايه بارده
وعقبال عندكم انشالله

[bahraini]

من قدك عاد الحين
بس مادري راح أنتظر النتائج وأسمعها منك بعدين أقول آمين
أهم شي الموضوع يكون مافيه خساره في الأرواح هههههه

------------------
والله شرايكم

[قوس الحب]

احب اخبرك ،،
البنت اللي خطبتها اعرفها من سنين ، ويعني فاهمين بعض زين
والحمدلله ابوها كريم وايد وما هو محتاج لاي شي
ويعاملني مثل ابنه

[المرشد]

موضع جميل جدا...

تصدق .. بيتنا فيه يمكن 15 الى 20 نخلة... من وانا صغير هم موجودين ماشالله ... كل مالعب كرة في البيت وانا صغير .. اشوت الكرة و تدخل في النخلة و نسمع الصوت الكريه
سسسسسسسسسسسسسسسسسسسسسسسس
راحت الكرة..


بعد فترة بننتقل من البيت .. و الله يعلم شو بنسوي في النخل الي عندنا...
الصراحة عشرة عمر و ماقدر على فراقهم...

[bahraini]

إذا السالفه جذي عيل رووووح الله يوفقك
ومنك المال ومنها لعيال وإنشالله تعيشون في تبات ونبات
الحين أقدر اقول عقبال عندي آمين يارب
متى العرس ؟

[قوس الحب]

الله يا مرشد ودي اشوف بيتكم
شكله اكيد حلو

[bahraini]

هلالالالالا مرشد شلونك أخوي
بس بصراحه كون عللى يقين أن هالنخلات راح يزعلون واااايد لفراقكم صدقني
شي ملموس وحسيت فيه أنا بعد
أما بخصوص الكره تستاهل
أنا ماقلت لك ان النبات يحس أكيد عورتها فـفشّت لك الكره هههههههههه