لكل من يريد تعلم الـ php ولكل مبتدئ فيها ولجميع الخبراء والمتخصصين فيها الدخول
بسم الله الرحمن الرحيم
لكل من يريد تعلم الـ php ولكل مبتدئ فيها ولجميع الخبراء والمتخصصين فيها الدخول
عندى فكرة بسيطة جداا عشان نبدأ فى تعلم الـ php بس قبل ماقول فكرتى انا طلبت من الخبراء والمبرمجين الكبار الدخول للموضوع عشان يتابعوا الموضوع ويفيدونا باقتراحتهم اللى اكيد هايبقى ليها دور كبير فى سرعة تعلم اللغة
فكرتى بأختصار كالتالى :
بعد البحث على النت وجدت كتاب التطوير للويب بواسطة بواسطة php & Mysql ولقيت أنه بيعتبر أحسن كتاب فى تعليم لغة الـ php لأنه بيبتدئ معاك من الصفر لحد ماتقدر توصل لمرحلة انك تبرمج سكربيت تسوق كامل لوحدك بالأضافة لأنه بيعتمد بشكل كبير على الأمثلة
عشان كده كانت فكرتى كالتالى :
كل اللى عايزين يتعلموا الـ php هانقسم الكتاب لفصول وهاناخد كل فصل ونتفق على اننا نذاكره كل واحد لوحده فى وقت معين يعنى مثلا (الفصل الأول فى 5 أيام والفصل الثانى فى 4 أيام وهكذا ..............) ونفتح موضوع بأسم كل فصل فى أيام دراسته ونفضل نتناقش فيه على اللى ذاكرناه واللى مش فاهم حاجة يقولها وأكيد هايلاقى حد تانى يكون فهمها ويشرحها وبكده نقدر نلم الدرس كله ولما نخلص ندخل على الفصل اللى بعده وهكذا كل واحد فينا يذاكر الدرس لوحده ونقعد نتنقاش فى الدرس فى الايام المخصصة ليه فى الموضوع اللى هانفتحه بأسمه على المنتدى لحد مانتمكن من كل الفصول وبكده نبقى قدرنا نحقق كذا حاجة:
1- اننا أتعلمنا لغة الـ php بكفائة لأن لما نتناقش فيها كل واحد هايتكلم بأسلوبه وبالتالى هايوصل الشرح بصورة أفضل للعقل
2- وسعنا عقولنا اكتر واتعمقنا فى فهمها عن طريق كتر النقاش والأسئلة اللى بينا وديه احسن طريقة للتعلم
3- اننا نتمكن من فهم الأمثلة بعمق أكتر وبكفاءة اكبر لاننا برضه هانتناقش فى كل حاجة فيها
وفى الحالة ديه هانبدأ نجمع المواد اللى هانحتاجها فى العمل وهى عباره عن :
1- الكتاب اللى هانستخدمه للمذاكره وهو كتاب التطوير للويب بواسطة بواسطة php & Mysql ويمكن تحميله من خلال الرابط التالى
http://www.zajildot.com/ib/index.php?showtopic=9246
2- محرر الـ php اللى هانستخدمه فى كتابة الأكواد وهو محرر php coder ويمكن تحميله من هنا
http://www.mpsoftware.dk/php.exe
3- هانفتح منتدى صغير وبسيط جدااا مافيهوش غير قسم واحد وهو عباره عن قسم المناقشة اللى هانتناقش فيه وهانفتح فيه مواضيع بأسامى الفصول اللى هانتناقش فيها واحنا بنتعلم الكتاب والمنتدى ده هايكون هنا بأذن الله والمنتدى الصغير ده هايكون كل تخصصه فى تعليم الكتاب ده أن شاء الله فى الوقت الحالى وتقدروا توصلوله عن طريق الرابط التالى
http://www.p4arab.com/forum/
ملاحظات مهمة : - النسخة السابقة من الكتاب باللغة الانجليزية وديه اللى هانشتغل عليها أن شاء الله ولو فيه حد يقدر يجيب لينا النسخة العربية لو موجوده أصلا على النت يبقى كده أحسن عشان نقدر نستوعب أكتر ويكون فيه حرية اكتر فى المذاكرة
- بخصوص محرر الأكواد ممكن أى حد يستخدم أى محرر كود هو عايزة مش لازم يعنى يرتبط بالمحرر اللى فوق
- ممكن يكون فيه ناس تانيه مش عايزة تشتغل بالكتاب ده وعايزه مثلا تبدأ تتعلم اللغة عن طريق أى كتاب تانى فى الحالة ديه لو حصل أن مجموعة من الأعضاء أتفقوا على كده نقدر نفتح ليهم قسم تانى بأسم الكتاب برضه ونقسم الكتاب لفصول ونبدأ نعمل نفس الكلام اللى فى الكتاب الحالى
وأن شاء الله فى الحالة ديه هانقدر نوصل لمبرمجين على قدر كبير من الكفائة والتفكير العالى
وهى ديه فكرتى والحمدلله وأنا مستنى رائيكم ورائى كل المبرمجين الكبار فى الأقتراح ده والملاحظات والتطوير اللى كل واحد شايفه بخصوص اننا نحقق الفكره ديه ونطلع بيها للنور
