السلام عليكم
والله توصلني اضااافاااات كل يوم على الماسنجر, واذا قبلت الاضافه, ما اشوف صاحب الاضافه يدخل علي!!!! والمشكله انه:
* بعضها توصلك وانت على الماسنجر, يعني توه ضايفك ولا يدخل عليك!!!! يعني ماااله عذر!!!!
* والا الثاني اللي اذا قبلت اضافته, تشوفه يوم, اثنين, خمس, شهر, ولا دخل عليك!!
* والا اللي يضيفك, و يدخل عليك و يقوول ((اي خدمه؟)) هههههههههههههههه
* والا اللي يضيفك, و يدخل عليك و يحط لك الوجوه التعبيريه مثل ((وجه مستغرب)) والا ((وجه يناظرك بعين وحده)) والا (( اللي يحط لك رساله فاضيه!!!! يعني افهمها انت مين؟؟ ههههههههههههههههه))
*والا اللي يضيفك, و يدخل عليك و يقوول نبي نتعرف, ويوم تسأله من وين محصل ايميلي؟ يرد عليك و يقول ((نسيت!!!!)) هههههه
* والا اللي يضيفك, و يدخل عليك و يبيك تجاوب غصب و تقول له ((انت مين, اسمك, عمرك, وين ساكن و الخ!!!!)) يعني ضايفك و يبي يتحكم فوق هذا!!!!
و الخ من المواااقف!!!!!!!!!!!
واللي يخلي الموضوع الاضافه, ولا يدخل عليك, موضوع كبير, اذا وصلت لك الاضافه من صاحب موقع استضافه!!! لانه المفروض يكون قدوه وفااهم!!!!
وانا من جد استغرب وش الاسباب ورا هذي الظاهره؟
* هل هي موضه؟
* هل هي مسابقه او تحدي في (( مين اللي عنده اكبر عدد مضاف على ماسنجر))؟
* هل هي بس لقافه و يبي يعرف مين صاحب الايميل؟
* هل هي مرض نفسي؟ او ادمان؟ او عقده نفسيه؟
* او هل هو توه منزل الماسنجر, و فرحااان قااعد يضيف في خلق الله؟
* او انه شاك في نفسه؟
او ايش ممكن يكون السبب؟
طبعا انا على ماسنجر حاط قروب ب اسم ((اضافات جديده)) و هذا القروب يكون للناس اللي ضايفيني ولا بعد شفتهم ولا دخلو علي, و عددهم فوق ال40 واااحد!!!!!!!!!!!
ومادري هل اسوي لهم بلوك+ديليت؟ او اخليهم؟
لانه ولا واحد بالميه انه انا راح ادخل عليهم و اسألهم من هم؟ هو اللي اضافني هو اللي يدخل علي, موب انا
يعني نعطيكم مثال من الواقع:
*لو واحد دخل مجلس, هل هو اللي المفروض اللي يبدأ بالسلام او اللي جالسين في المجلس هم المفروض انهم يسلمون؟
* لو انت دقيت باب بيت, انت المفروض اللي تعرف عن نفسك؟ او اصحاب البيت؟
والله هذا موضوع كبر, و كثرت الاضافات الجديده اللي مثل هذا النوع, و ما راح احط امثله من ايميلات الناس اللي من هذا النوع على ماسنجري, لكن اكيد هم عارفين انفسهم للي من داخل سوالف, لانه من اول ما نزلت موضوع في 5 منتديات من بينهم سوالف ,فيه ايميلي, وصلتني حوالي15 اضافه و ثلاثة ارباعهم ما بعد شفتهم الى يومكم هذا!!! وهذا اللي خلاني انزل هذا الموضوع لانه هذا شي مو معقول و العدد او الاحصائيه اللي على ماسنجري مو طبيعيه
بس حبيت اعرف وش سبب هذي الظاهره, و كيف نوقفها
و تـقبلو خالص التحية
اخوكم مشعل
رد مع اقتباس
المشاركة الأصلية كتبت بواسطة sh2soft.net
