احساس X احساس

[قوس الحب]

احساس X احساس

كثيره هالكلمه تجرحنا ، انت انسان ما عندك احساس ، والجرح اللي يصيبك عباره عن احساس

كثيره تمر يوميا ، انت انسان حساس زياده عن اللزوم

وفنان يطلع لك في التلفزيون يقول انا اغني باحساس ، امثل باحساس ، ارسم باحساس ، اكتب باحساس ...

شو هاي الاحساس ، حاسه سادسه ،، غير السمع والبصر والذوق والشم واللمس ،

احس ان انسان يفكر بي ، احس ان الدنيا مي سايعتني ، شو هو تفكير او لا ؟

حتى وانت نايم يرافقك الاحساس ، صح

الحب احساس

الاحساس نابض من القلب ، يظهر في التصرفات ، ويؤثر حتى في الشكل ،

شو علاقة الاحساس بروح الانسان ، وهل الاحساس صفه وراثيه ام مكتسبه ،

لاني ثانيه ، وانجرح بسرعه ، ويقولوا لي انت حساس زياده عن اللزوم ، لازم تبدل طبعك ، وين دواه ،

اذا كانت عيني تدمع لاي موقف يجرح الانسانيه انا حساس ؟؟ !!

شعور جميل الاحساس ، بس مؤلم او شو يعني غير الالم ،

شو العلاقه

الاحساس x الحب x القلب x الروح x الضمير x السلوك

ما هوا الاحساس ؟ لاني اعيش مجموعه من التناقضات وراح اصير متناقض اكثر بسبب هذي الكلمه

[دلال]

والله موضوعك يا قوس اكثر من حلو

لانه يحتاج تفكير وتحليل

بارجعلك

[حواء]

ماشاءالله عليك يا قوس الحب
موصوعك حلو و اسؤالك احلى بعد

الاحساس؟؟؟؟؟ شنو يكون ؟؟؟؟ صعب ثم صعب انقول عنه شي

نفس ما ناس اعجزت عن تعريف الحب، الاحساس كمان هو الحب نفسه


يا ما سمعت من ناس يقولن لي انت عديمه احساس!!! وناس اتقول انت وادي حساسه !!!!

الاحساس شي في قلب و الي في قلب محد يشوفه و يحسه غير صاحب القلب



تفكير و عقليه الناس بما فيه من انانيه تجعل الانسان يقول انك عديم احساس او حساس في لحظه و في شي معين و في شي اخر يقول العكس

وين الصراحه و ين الصدق ؟؟؟؟؟؟؟؟

[alana]

الموضوع حلو كثييير
الاحساس صفه في الانسان تكتسب مع الحياه لانها لو كانت منذ الولاده لكان الناس سواسيه في الاحساس
وسبحان الله لو نلاحظ ان كل انسان يختلف باحساسه عن الثاني
ايضا يتفاوت من الصغير والكبير والذكر والا نثى
هذا من ناحيه نظريه (( كئيييبه ))

اما الناحيه العاطفيه والروحيه هي مرءاة الانسان هي الوحيد التي تجعل الانسان يعلن وبصراحه عن كل ما في نفسه اما بنظرة عين او بسمه وهذا هو قمة الاحساس لو فكرنا فيه كثييير ..
الاحساس هو الحياه

[قوس الحب]

دلال ، انا ناطر تعليقك

[قوس الحب]

حواء ، صدق حكم الناس غريب على الاحساس ، منهم يقول عنك ما عندك احساس ، ومنهم يقول انت حساس زياده عن اللزوم

هل هذا ناتج من تغير في تصرفاتي ، يعني تقلب
يمكن يكون موقف مؤثر للغايه في شخص وانا ما اتأثر وعندها يحكم علي اني عديم احساس
ويمكن موقف يكون مؤثر فيني ، بينما يصورني في نظر الغير حساس زياده عن اللزوم ، غريب

[قوس الحب]

العنا ، يعني برايك الاحساس يكتسب

يعني لو كنت حساس زياده عن اللزوم ممكن بعد فتره اتغير واصير اقل حساسيه في مواضيع كثيره ؟؟

[alana]

لابالعكس قوس الحب انت فهمتني غلط انا قصدي تزييد مع الايام يعني احساسك يختلف عن الطفل بكثير مع انها تعتبر حاله لا اراديه لكنك تقدر تسيطر عليها بعكس الطفل
وعلى فكره مستحيل يتغير احساسك لاته فينا فينا لكن تقدر تسيطر عليه ( اعتقد )

[قوس الحب]

[سهام الحب]

ممكن أشارك ..؟؟
مثل ما تعرفون .. لكل فعل ردة فعل ...

الاحساس هو ردة فعل تجاه أي شعور تمر فيه ... اذا كان حب أو كراهية أو صداقة .. كل شعور له ردة فعل من الشخص اللي يجربه يعني هو احساس يترجم الى افعال ..
اذا كنت ايجابي يقولون انك حساس و اذا كنت سلبي يقولون انك عديم احساس و هذا خطأ .. لان كلا الحالتين فيها احساس ..
لما تكون ردة فعلك ايجابية فهذا لانك مهتم للشعور .. يعني تحس بانه يغير فيك شي ... و بالتالي تظهر ردة فعلك ..
و لما تكون ردة فعلك سلبية .. فانت بعد تجاوبت مع الشعور لكن فعل الشعور ما كان قوي كفاية عشان يجبرك تعطيه ردة فعل .. و بجذي تكون حسيت فيه لكن بطريقة ثانية ...
ما في مخلوق ما يحس .. مهما كان الشعور ..
الاحساس يظهر في الافعال .. و في كل الحواس الخمس ..
اعطيكم مثال :
مثلاً حالة الحب .. الواحد لما يحب يتغير .. تصير معاملته مختلفة يحب يشوف حبيبه و يرتعش اذا حس بيه ..
نفس الشي في حالة الكراهية .. تتمنى ان الشخص اللي تكرهه يكون يدامك عشان تصمه ذاك البكس اللي يطير راسه ..
يعني كل شعور له احساس و نتايجه تظهر في الحواس ..



واحب اهدي الأغنية حق امي و ابوي ( والله لو يسمعوني لياكلوني ) و حق ربيعتي و ابلتي و جيراننا و كل عيال الفريج ...

ها هذا مو برنامج اهداءات ..

اوه آسفة ...

باااااااااي

[أحساس]

مرحبا....

مادري في احد يناديني

تقبل تحياتي قوس الحب ولجميع اخواني الأعضاء.

انا بسوي مثل اغنية ام كلثوم " زروني كل سنه مره "

يعني جياتي عليكم بس عشان اطمئن على حبايبي

فمان الله

[قوس الحب]

عادي قدمي اهداءاتك يا سهام الحب بعد تعليقك مسموح لك

[قوس الحب]

حياك الله يا احساس ، المفروض اول مشاركه في الموضوع تكون لك