بماذا تنصحوني برمجة أم شبكات؟

[شمس السعودية]

السلام عليكم ورحمة الله وبركاته

أخواني لا يخفى عليكم أنا خريج ثانوية عامة للعام الحالي 1426 هـ

والصراحة أنا مقبل على الدراسة بجامعة أو كلية إن شاء الله
ومحتار أدخل حاسب آلي (تخصص شبكات) أم (تخصص برمجة)

شبكات سهلة
برمجة صعبة بس أنا ودي أتعلمها بس خايف أدخل هالتخصص وأفحط فيه

فياليت تفيدوني وش أفضل قسم من جميع النواحي(المستقبل الوظيفي,مطلوب دئماً,له مستقبل, الخ...)

أو أي حد عنده إقتراحات أو إضافات أخرى أو نصحية فلا يبخل بها علينا

وشاكر لكم

مع التحية
أخوكم في الله عشووق

[aldosari]

ماشاء الله ضامن القبول
على العموم ادخل الحين تخصص حاسب الي بعدين لاحق على القسم لان التخصص يكون بعد سنة يعني ريح راسك الحين

[شمس السعودية]

هههههههههههه إن شاء الله ضامن لأن القبول فوري على ماعتقد وعندي النسبة الي هم طالبينها

أنا بإذن الله تعالى بدخل كلية الإتصالات والمعولمات بالرياض ماتوقع فيها سنة أولى أكيد تتخصص من أول سنة لأنها دبلوم وليس بكالوريوس

أتمنى باقي الأخوان يفيدوني بنصائحهم لي

وشاكر لكم

مع التحية
أخوكم في الله عشووق

[برلنت]

ياخوي ما فيه شي مضمون هالايام حتى لو جايب نسبة اعلى من المطلوبة
اذا تبي شي مضمون ادفع وادرس
في احد المعاهد مثلا

انا طالب في معهد نيوهورايزن دبلوم تقنية برمجة

ومريت في حيرة مثلك قبل ما ادخل التخصص لكن اتخذت القرار الصعب والحمدلله انا ماشي الحين من احسن ما يكون

بالنسبة للبرمجة فهي صعبة جدا
ولكن اللي يفهم فيها بتكون من سهلة جدا واضافة الى ذلك انها ممتعه

الشبكات سهلة وما ادري اذا فيه احد هنا يفيدك بخصوص الشبكات ( انا اقول سهلة بالنسبة للي عارف اساسيات الكمبيوتر من البداية
يعني صعبة احد يتعلم الاساسيات في الجامعة او الكلية
لانهم راح يدرسونك رؤوس اقلام في الاساسيات على اعتبار انه حاليا جميع الفئات تستخدم الكمبيوتر وعارفه اساسياته

[شمس السعودية]

هلا والله أخوي برلنت

لاتخاف كذا ولا كذا إن شاء الله بدخل وإذاا ماتوفقنا فيها بدخل على حسابي مثل ماقلت أنت بس هذا يايمنع إني أستفسر عن التخصص لكي أسعى للحصول إليه

بالنسبة للأساسيات لاتشيل همها أنا ولله الحمدملم إلمام كامل وبالكمبيوتر من إستخدام وصيانته والتصميم وإستدام أغلب البرامج المهمه(أخوك فلته بالكمبيوتر بس بدون شهادة) واقدر اسوي شبكة محلية صغيرة

وشاكر لك مداخلتك

وأنتظر باقي الأخوة...

[a7bek.com]

متخرج من معهد نهورايزن دبلوم شبكات وهي سهله جدا : ))

وبالتوفيق

[شمس السعودية]

هلا اخوي a7bek.com
أنا ليس سؤالي عن الأسهل أنا سؤال عن
أفضل قسم من جميع النواحي(المستقبل الوظيفي,مطلوب دئماً,له مستقبل, الخ...)

وشاكر لك مداخلتك

وأنتظر باقي الأخوة...

[Dr-dre67]

انصحك بالشبكات
( أي حاجة متعلقة بالإتصالات )

[شمس السعودية]

هلا اخوي Dr-dre67


وهل الشبكات مستقبلها الوظيفي أفضل من البرمجه؟ وهو هو مطلوب لدى الشركات أكثر من البرمجه

وشاكر لك مداخلتك

ننتظر باقي الأخة...

[Tec4Serv]

السلام عليكم ..

بنسبة للمستقبل الوظيفي . اكيد برمجة ..

بس لا تنسى البرمجة تخصص والشبكات تخصص وكل واحد ورغبتة ...

انا دخلت برمجة حاسب في كلية الاتصالات .. والحمد الله عديتها بسلام .
بس لا زلت اعض اصابع الندم لاني ما دخلت شبكات . ليش ؟ لان احس رغبتي فيها اكبر ...

وبنسبة لكل التخصصين يبي لهم انجليزي . بس الشبكات يبي يلها انجليزي اقوى بكثير .. وخاصه اختبارات السيسكو كلها انجليزي في الكليه

تحياتي

[شمس السعودية]

وعليكم السلام ورحمة الله وبركاته

هلا أخوي 3rbhost

طيب أنت لقيت وظيفة الآن؟ وكم معدلك؟

بالنسبة لشبكات يعني هي أصعب من البرمجه؟ولا بس في الإنجليزي الشبكات أصعب؟

وشاكر لك مداخلتك

ننتظر بقية الأخوة ودمتم...

[Tec4Serv]

مرحبا عشووق ..

انا عديت كل الاترام الحمد الله . باقي لي التدريب . ولا تنسى حوالي 95% من الشركات الي تدرب . على طول يرسمونك عندهم . عاد انت عندك الخيار يا توافق او لا .

بنسبة لي جالس احاول اكمل واخذ البكلوريا . لان كلها سنه ونص وتاخذ فها البكلوريا او سنتين ..

طبعاً البرمجة اصعب من الشبكات .. طبعاً بحكم معرفتي بـ طلاب الشبكات . يقولون سهله بس عندهم اختبار السيسكو هو الي جالس لهم لانه انجليزي بحت. سهل جداً الاختبارات بس انجليزي .. تخيل سؤال تقدر تجاوب عليه وانت ما عندك اي خبره في الشبكات . وللآسف يجاوبون غلط لانه انجليزي
وكلها(برمجة - شبكات) تحتاج انجليزي سواً اللحين او بعدين لما تتخرج .

[شمس السعودية]

مرحبتين اخوي 3rbhost
طيب الشركات الي تدرب عندهم كم رواتبهم تقريباً؟وهل يطلبون معدل محدد؟

طيب شهادة بقر وتيوس اوه اسف قصدي بكالوريوس تكملها بنفس الكليه أو وين؟

وشاكر لك إهتمامك ومتابعة الموضوع

مع التحية
أخوك في الله عشووق

[The eyes lover]

خذ شبكات من نيهورايزن

ترى البرمجه وجعه راس من جد ولا فيه احد بالسعوديه يضبط تدريسها

وكل خريج من الدبلومين سواء شبكات او برمجه يعينون على المرتبه السادسه اذا كان دبلومك معتمد من التدريب الفني

بالتوفيق إن شاء الله

[شمس السعودية]

هلا اخوي The eyes lover

أنا أسأل عن كلية الإتصالات والمعولمات وليس نيوهورايزن يمكن الكلية تعلميهم زين؟والله أعلم

كيف يعني المرتبة السادسه؟

وشاكر لك مداخلتك

أنتظر بقية الأخوة الأفاضل...