الاتصالات السعودية ... الى متى ؟؟!!

[راعي الأوله]

السلام عليكم ورحمة الله وبركاته

اخواني باختصار انا طلبت خدمة الدي اس ال قبل 7 شهور !!!

ويوم الاربعاء قبل الماضي ( اسبوعين تقريبا ) اتصلوا علي ؟!

قال : معك فلان الفلاني مهندس من شركة الاتصالات راح نركب لك الدي اس ال !!

فرحت 5 دقائق وخلص شغله وانبسطت ماشاء الله سرعة في التركيب

قلت : خلاص ياباشا انتهت المعاناة ؟ قال : خلاص روح اشترك الحين شغال عندك 100%

ماصدقت رحت لشركة icc واشتركت 7 شهور ومودم كله بـ 1400 ريال سرعة 128 .

ركبته وانا مبسوط الحمدلله الحين اتصفح بدون رفع ضغط ...

بس!!!

فيه مشكله

رجعت للشركة وانا معصب وين الدعم الفني ؟ تضحكون علي ؟ اشتراككم مايشتغل ؟ فيه عندكم مشكله؟

<<<< طبعاً واثق في الاتصالات 100% :anger2:

جربوه .. اشتغل ... يابوي كل شي تمام المشكله ي الاتصالات ...

والى الحين وانا وياهم بين 907 و904 ولا فيه حل ... المشكله في الرياض ... المشكله في الشبكة ... والاشتراك طبعاً ماشي ..

عندكم حل ؟؟؟

<<<< لا تعليق

(( ابو عبدالله ))

[فيصل الدوسري]

كان الله في عونك

صبر جميل والله المستعان

[wexw.com]

والله انا كتبت موضوع قبل عن سوء خدمه مزودي الانترنت بدون رقابه

لكن محد صدق حطو لوم كله عىل الاتصلات

وبعدين لو تاخذ اشتراك خذ اول نت

غيره لاتدور

[زائر|عبدالمجيد|]

الله يعينك
وهو انتا لسا شفت حاجه <<< دعايتهم قريبا

صبر جميل والله المستعان

[|| ابو نواف ||]

وسع صدرك واركب سدرك

ولاتنسى تردد ياليل مطولك :nice:

الله يعينك

[مشراق]

7 شهور وانت تنتظر !!
يابن الحلال احمد ربك أنه ركبوه لك
أنا أمس بس كلمتهم وطلبت اشتراك في خدمة (الدي سي أل) تتوقع كم راح أنتظر على بال ما يركبونه لي شكله يبي يطلع الشيب في راسي وهم ماركبوه قسم بالله معان الدايل آب كل شوي انزل وادفه علشان يسرع شوي

[N a i e f]

وعليكم السلام


اخوي راعي الاوله



طالما انه الفني قالك الخدمة شغالة و الشركة المزودة جربت الاشتراك
اعتقد والله اعلم انه المشكلة في اعداد المودم ، تأكد من الاعداد السليم.

حاول تتصل على الشركة المزودة و تعطيهم اسم المودم و بدورهم يعطونك الاعداد
الصحيح له، و إن شاءالله يشتغل الانترنت.


ولو احتجت اي مساعدة من قبلنا، اكتب اسم المودم و موديله و ان شاءالله ما احد يقصر

تحياتي لك

[فهد000]

ردد

مطولك يا ليل :d

[لووول هوست]

ما في فائدة الشركة هيا هيا

انا انشالله بطلب قريب

واقولكم على المعانة


الله يعينك

[الريس]

احمد ربك انت 7 شهور انا ثلاث سنين اتطلبهم ...


وانتقلت لجده وطلبته قبل اسبوعين ..


وياطويل العمر والبقاء والسلامه قالوا ثلاث ايام ويركبونه

مر ثلاث ايام اتصلت قالوا يوم السبت ان شاء الله

جاء يوم السبت قالوا طلع الفني وشبكه بالكبينه الرئيسيه

ارسلنا الاوراق للرياض وخلال يومين ان شاء الله مركب

مرة يومين واتصلت عليهم قالوا يوم السبت ان شاء الله الجاي يكون راكب

ننتظر ليوم السبت ونشووف اخرتها معهم ... للحين ماسك اعصابي واكلمهم بإحترام


بس قهرتني التصريفه الجديده : ارسلوا الاوراق للرياض

ابدري وش جاب جده للرياض

اذكر المنطقه الغربيه ادارة والرياض ادارة والشرقيه ادارة


عجب عجاب ..!!!

[راعي الأوله]

فيصل الدوسري ، wexw.com ، |عبدالمجيد| ، || ابو نواف || ، مشراق ، N a i e f ، فهد000 ، لووول هوست ،

الريس


اشكركم على المرور والله يكون بالعون

اخوي N a i e f

المودم انا شريته من نفس المزود بـ 500 ريال الكاتيل وجربته عندهم لأن جهازي لاب توب وماعندي مشكله كان معي وخليت الفني يسوي الاعدادات من الألف الى الياء ويوم شفته شغال عرفت وين المشكله.

بعدين الأتصالات مانكرت المشكله ... وانا اليوم الصباح اتصلت على 904 قال هات جوالك وانتظر اتصال من الفني !!!

الشكوى لله....

[N a i e f]

طالما انه المشكلة من شركة الاتصالات

ما اقول غير الله يعينك و يصبرك

[PHP Expert]

الله يعينك....

مافيه أمل تطور شركة الأتصالات خدماتها الا عند وجود منافس,لما دخلت أتحاد الاتصالات بخدمة موبايلي طورت شركة الأتصالات خدماتها للجوال لذلك مافيه أمل تطور الأتصالات السعودية خدماتها الا إذا دخلت أتحاد الاتصالات السوق

[راعي الأوله]

الله يعطيكم العافيه ...


ماحد عنه واسطه !!!!



امززززززززززززززح ... الصبر زين .


تحياتي للجميع ...........

[N a i e f]

اخوي راعي الاولة

لمبة الدي اس ال ( لونها اخضر ) مولعه ؟


اذا كانت مولعة معناته الخط صار رقمي و الاشاره واصله ( المشكله في الاعداد )

و اذا كانت مطفية .. ضيفني و إن شاءالله الاقيلك حل