عسكر معدومين الثقافة والتعليم وش ترجي منهم
قبل شهرين صار لي حادث وانا راجع من مشوار الساعة 2 الفجر صقعت صبه ودخت شوي السيارة ما اقدر احركها طبعاً , جتني اول شي دورية شرطة وها سلامات يالاخو ؟ قلت لا ابد سلامتك لاهنت بس لو تكلملي سطحة قال انا مالي دخل المرور لهم دخل قلت سو بلاغ طيب جوالي مو معي وانا انتظر هنا من ساعه والدوريات تشطفني ولاهيب معبره , الرجال مشى انتظرت نص ساعه جاني عسكري اعرابي نزل ماقال الحمد لله على السلامه خش بوجهي قالي ايه ازين خل التفحيط ينفعك ؟؟! وأشر على عمود الرادار وقال هذي تراها كاميرات مصورتك ؟! قلت زين ياقافطنا انت لايكثر دق على سطحه بس قال شكلك ملجلج ؟ منت طبيعي انت وقال جب الاستمارة والرخصة وقعد يفتش وطلع هاردسك قال عانه ذا وشو جوال ! الزبدة قلت الله لايهينك جب سطحة لاني دايخ ولي هنا 3 ساعات تعبان ومالي خلق قال ابشر بس سطحة الا سطحتين قلت زين يعطيك العافية وانا انتظر ربع ساعه نص ساعه , ساعه ! ولاحولك احد المشكلة موصف السطحة له ماتبعد نص كيلو !