طــبـخـــــات طـالـــــب مغـــــترب(1_2)!

[فيافي]

عزيزتي سهام
ما بقولج تعلمي الطبخ عشان لما تعرسي تطبخي في بيتج
انا تعلمته عشان اترس بطني

و اذا كنت جامعية و في السكن فانت ادرى بحال البطن في نص الليل

[سهام الحب]

حاسة فيكم والله انا مش في السكن لكن عندي صديقات في السكن ..
لا تقولين عصافير قولي دياي ...

الله يطول بعمر الخدامة .. ارد البيت و الاهل رقود و هي تترياني .. أول ما ادخل اصرخ شو مسرين غدا .. .ترد علي برياني ..سمج .. دياي ... لحم اي شي و بعدين افكر اكل ولا ما اكل ..

و في الويك اند لما ايون خواتي يدخلون المطبخ و يشتغلون لما ادخل احس اني ما انتمي لهم .. ما ادري مش من مستواي احس اني متخلفة في المطبخ ...

تناديني اختي تعالي قطعي الطماط .. و انا طبعاً يا ارمس في التلفون او اطالع تلفزيون .. اقول لها صبري شوي شوي خمس دقايق الحين بيي .. و لين ما اروح تكون هي سوت كل شي .. توة الناس ..

و تدرون انا مش معترف فيني في المطبخ اذا دخلت اسوي اي شي ويا اختي امي تقول ان اختي مسويتنه .. يعني انا حيطة و دايما اظارب عسب هالسالفة .. بعدين قررت خلاص ليش اتعب روحي و في النهاية ما يعترفون بخبرتي و مهارتي في الطباخ قلت اريح بالي و اقعد اجابل هالكتب و نشوف شو اخرتها معانا ..

و الله مشتاقة للمطبخ ...



بس ما ادري اذا هو اشتاق لي ولا لا ..

[فيافي]

سهام

ما جربت انج تظلين ايام بدون وجبات تمشين نفسج بماي و اللا ككاو

و لما تياسي و بطنج يتكوم على نفسه من الجوع تفتحين قوطي تونا و اللا تسوين نودلز .. اي شيء بس يترس البطن

[سهام الحب]

والله تصير معاي احيانا بس انا ما اتعطل ..

اذا حزة العصر اتصل السوبرماركت و اييبلي اللي اباه..

احياناً ارد البيت الساعة 5 او 6 العصر ارقد لين الساعة 12 و لما انش طبعاً الكل رقود و متعشين و مصفين المطبخ ..
اتصل الكافتيريا و يطرشون لي عشاي ..

ليش انتو في السكن ما عندكم مطعم ..؟؟؟

لازم يسوون لكم ... و لا ييبولكم خدامة ..

حلوة فكرة الخدامة ..

[فيافي]

في سكن في مطعمنا لكن الاكل مب حلو و توقفين طابور لحد ما تاخذين الوجبة و صراحة الاكل لوعة جبد يخلطون اشياء غريبة و يطبقون خرابيطهم علينا

[سهام الحب]

الحين عرفت انتي في اي جامعة ...

الله يعينكم .. هذي جامعة عاد ..

والله السجن ما يختلف عن السكن عندكم ..

كل شي ممنوع .. وي يحليلنا نحن متدلعين و مدللين وااااايد..

اقول تعالي جامعتنا و حنا بنعززج و نكرمج ..

[فيافي]

تخيلي انا جامعة الامارات ( السكن ) اسوا من اسوا الجون

[سهام الحب]

يا سلام عالدلع في جامعتنا ... بخبرج شو عنا عشان تتغايظين شوي ..

السكن ... لانج يالسة بسكن فلازم تعرفين طبيعة السكن عنا ..

اول شي و اهم شي ... كل غرفة فيها تلفون .. هذا غير موبايلات البنات ..

في لاب خاص و فيه انترنت .... بس للاسف الحين كل كمبيوتراتهم فيها فيروسات .. يالله بتتعدل ..

ممممم يسوون لهم رحلات و حفلات و سهرات .. طبعاً انتو ممنوع عنكم الحفلات الخاصة ..

بعد شوووو ... غرفهم ..ممم و لا فندق خمس نجوم .. صحيح ان الغرف شوي صغيرة لكن والله اثاثهم يديد و راقي ..

....

ها شو رايج .. مو ناوية تغيرين و تيين عنا ..؟؟



لا تستعيلين بالرد فكري على كيفج ..

[فيافي]

انا لو مب غصبا عني ادرس هني كنت نقلت من زمان لجامعة الشارقة بس شو نسوي

[سهام الحب]

المهم ..

شكلج مطولة فيافي ..

انا بترخص .. بسير ادرس شوي

عندي امتحان الساعة 2 ...




بااااي