[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[M. Al-Dhafeeri]

لا اخوي


انزل تحت اخر شي تشوف مربع مكتوب فوقه place your bid

ويم المربع يقولك من اي سعر تقدر تحط الى مالانهايه

يعني يمكن يقول ( حط من 100.50 وفوق) او يقولك (حط من 110 وفوق) << على حسب


يعني لما تحط مثلا 110 وايي واحد ويحط 130 ويخلص الوقت خلاص التلفون يصير من نصيبه ولازم يشتريه.. وانت راح يروح عليك التلفون وماتدفع ولا شي.. يعني اللي انت تحطه مجرد رقم.. اذا انتهى وقت المزاد وانت اخر واحد زدت خلاص راح يطلعلك you won the bidding ويقولك روح اشترها بالسعر اللي انت حطيته..

[M. Al-Dhafeeri]

بشر اخوي قطر شصار معاك

[Abachy]

اخوي مهندس كويتي بس جذي راح تتقزر علي اني ادفع للشركة علشان تشحن لعنواني في امريكا وراح ادفع حق ارامكس علشان توصل لي الكويت مافي طريقة ثانية البضاعة توصل على طول من الصين للكويت وتكون مجربة علما انه بعض الاشخاص والشركات قالولي انه في عندهم خدمة توصيل dhl هل اذا عطيتهم عنوان بيتنا في الكويت على طول توصل الطلبية من الصين لبيتنا ياريت بعض المعلومات عن طريقة شحن شركة الdhl للكويت وشكرا

[M. Al-Dhafeeri]

هلا فيك اخوي اباتشي..


والله انا ماراح اقولك شي وبعدين اتوهق :\


هذا اللي اعرفه وبخصوص ال DHL تقدر بس هل تقدر انك تدفع سعر التوصيل؟؟ مع العلم انه راح تصير التكلفه كبيره على ماظن

تفضل رقم شركة Fedex اهما نفس طريقة DHL بس شركه اخرى 802233

دق عليهم واسالهم..



وعلى فكره اذا يصير يعني حتى اراميكس يصير قول حق البائع انه يوصل الشحنه عن طريق Aramex وعطه عنوان بيتكم..


جرب وعطنا خبر

[سعودي لاين]

الشراء من الانترنت انا استخدمه سابقاً ولازلت استخدمه ..

وهو شيء ممتاز ومريح ..

لكن للأسف العرب لايتعاملون به .. وأتمنى يأتي اليوم الذي يكون فيه الشراء من المواقع العربية عن طريق الانترنت .. ياليت يجينا يوم نكون مثل الأجانب ..

وبغض النظر عن المواقع التي أشتري منها .. إلاَّ أن هذا الأمر مُريح جداً ..

وبالنسبة لمن تكلموا عن المصداقية والامانة فليست لها دخل ..

فالدفع عن طريق الانترنت يكون باشراف شركات متخصصة ((أي أنه لاعلاقة لصاحب الاستضافة او السلعة في هذه الأمور)) ..

[qtr4all]

هلا اخوي مهندس كويتي
عيدك مبارك وعساك من عواده
والله للحين ماسويت شي
بس احتمال ماشتري اشياء حاليا من الانترنت
بس بخصوص الجوال بنتظر لين ماينزل سعره وبحاول اشتريه من النت بس انا ودي موقع مضمون مثل امازون
أي باي مضمون بس معقد لازم مزاد وسالفه

واسف ع الازعاج

[M. Al-Dhafeeri]

اول شي عيدكم مبارك وعساكم من عواده

سعودي لاين

اي والله عدل كلامك اخوي.. بالنسبه للراحه اهوا حده مريح وتدور اللي تبيه وانت قاعد بمكانك بدون لا تحوس وتعور راسك


====

اخوي قطر.. عساك من عواده وعيدك مبارك


بالتوفيق.. وانا اي موقع اصيده راح احطه هني..


واي واحد يلقى موقع او يشتري شغله.. يحطها لنا يمكن نشتريها :P

[M. Al-Dhafeeri]

موقع رائع بالفعل


Kelkoo Shopping UK - Online Shopping & Price Comparison


بس ادخل اسم السلعه اللي تبي تشتريها والموقع يطلعلك المواقع اللي تبيعها (ببريطانيا) ومن الارخص الى الاغلى وانت تختار... شي حلو والله


نفس فكرة موقع compareprises

[M. Al-Dhafeeri]

في كاكاو طلبته من الانترنت وبالاخص من أمريكا..


شغل حده زقرتي وحلو والله



من هالموقع..

British Store!, - Order British Food Online – JollyGrub


حده زقرت والحمدلله يوم وصلني والله شي مايتصور انه ماذاب ولا صار فيه شي الحمدلله وهذا يعني ان شاء الله دايما راح اطلب من هالاشياء


وطبعا الحين ماراح تلقون من هالموقع هذا الكاكاو اللي شريته لانه صاحب الموقع قالي ما بقى الا 30 حبه جان اشتريهم كلهم لووووووووووووووووووووووووووووووووول <<< ادمان كاكاو

[M. Al-Dhafeeri]

على فكره اذا احد فكر فيكم يشتري شي من الانترنت من المأكولات مثل الحلويات او الكاكاو


سألوا صاحب الموقع قبل الشراء عن تاريخ انتهاء السلعه!!! للاحتياط

[Mercedes]

أخوي شاعر الظلام هل هناك بديل للأراميكس يدعم المغرب
لأن أراميكس لا يدعم غير هذه الدول
مملكة البحرين – بلغاريا – قبرص – مصر – الأردن – كويت – لبنان – سلطنة عمان – المملكة العربية السعودية – سريلنكا – سويسرا – سوريا – تركيا – الإمارات العربية المتحدة

[البراك]

ماشاء الله عليك يا شاعر الظلام حتى الشوكولاته شريته من الانترنت !

اللي اعرفه ان ارامكس تمنع شحن المأكولات !

[M. Al-Dhafeeri]

Mercedes

في غير الاراميكس بس احنا اخترنا الاراميكس لانه الارخص من ضمن الشركات الاخرى

في مثل DHL او Fedex

شوفهم اذا موجودين وردلنا خبر

++++++++++++

البراك اي انا من عشاق الكاكاو

والله مو ممنوع ولا شي اشتر وتوكل على الله بس دير بالك


في بعض الكاكاو يكون خفيف وبسرعه يذوب!!


اختار النوعيه الافضل... وحاول تطلب بالشتاء اذا كنت تبي تشتري كاكاو وماتدري اذا كان راح يذوب او لا


وبالتوفيق

[PhpMan]

بخصوص الNEO الجوال الصغير
Neo Products Limited
أنا عندي واحد و فيه كل المواصفات و يدعم العربية
حاليا أفكر في بيعه لأني أريد أشتري غيره و إستعملته فتره قصيرة جدا
و إلي خاطره فيه يتواصل وياي و أنا شاريه من الإمارات
بريدي php_cgi(@)hotmail.com

[Mercedes]

أخي شاعر الظلام DHL متوفرة
هل يمكن لك شرح طريقة عمل حساب عندهم وكيفية توصيل السلع
وكذالك السعر بارك الله فيك أخي الكريم