[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[otba]

السلام عليكم
للإخوة من داخل السعودية..
لمن لديه خبرة في الشراء من موقع الأمازون ويملك فيزا او بطاقة للشراء ..
ارغب بشراء كتاب مدفوع السعر .. وإن رغب في اخذ نسبة بسيطة لا مانع لدي

لمن لديه الرغبة الرجاء وضع بريده

[M. Al-Dhafeeri]

ان شاء الله احد يقدر يفيدك من السعوديه اخوي عتبه

بالتوفيق..

[YASSEROVIC]

لسلام عليكم
للإخوة من داخل السعودية..
لمن لديه خبرة في الشراء من موقع الأمازون ويملك فيزا او بطاقة للشراء ..
ارغب بشراء كتاب مدفوع السعر .. وإن رغب في اخذ نسبة بسيطة لا مانع لدي

لمن لديه الرغبة الرجاء وضع بريده

كان ودي اساعدك بس المشكله للحين مجمدين حسابي عندهم

[يوفاويه]

سويت سيرتش على الـ ushopweship بالانترنت علشان اعرف عنهم اكثر وراي الناس فيهم وهاذي بعض آراء الناس

الأخ: Emirates

((قمت بشحن طلبيه من لندن إلى الإمارات بواسطة الـ ushopweship والحمد لله سرعة توصيل ممتازة !
بمجرد استلامهم للشحنة "الأربعاء" تم وصولها إلى الإمارات في اليوم التالي "الخميس" مساءً.. وتم توصيلها لباب المنزل اليوم "السبت" لأن يوم الجمعة عطلة طبعاً .

وزن الشحنة 2.5 كيلو غرام
إجمالي تكاليف الشحن 30 دولار = 110 درهم (تم دفع تكاليف الشحن الكترونياً من على موقع الخدمة نفسه)
أي ان الفرق بين تكاليف ARAMEX و ushopweship على نفس الوزن 2.5 كيلو غرام هو 40 درهم = 10.8 دولار ( على أساس تسعيرة آرمكس الجديد إلى الإمارات وهي 30 درهم لكل نصف كيلو غرام "هنا" ) ... وهذا يعني اتساع فارق التكلفة أكثر مع أوزان الشحنات الكبيرة !

--------------------------------------------------------------------------------------

بعض العيوب التي صادفتني في خدمة U Shop We Ship

1- عند التسجيل لأول مرة لم استطع دفع تكاليف التسجيل 25 دولار من خلال الصفحة المخصصة لذلك في موقعهم ( ربما بسبب عطل نظام الدفع المخصص لذلك في نفس الصفحة )

2- تم الاتصال على فرعهم في دبي ولكن في النهاية اضطررت للاتصال على مكتبهم الرئيسي في الكويت حتى يتم تفعيل الخدمة وإرسال رابط الدفع على بريدي الالكتروني .

3- معظم العاملين في مكاتب الخدمة ( دبي - الكويت ) من الهنود ويصعب معهم التعامل باللغة العربية . ( يوجد موظف عربي وحيد " مصري الجنسية " في فرع مكتبهم بدبي " عّمر " )

4- نظام تتبع الشحنة في الحساب الخاص "Track Your Shipment" على موقع الخدمة لا يعمل أي ان العميل لن يستطيع معرفة وصول الشحنة لبلده قبل اتصال موظف الخدمة به ليخبره بذلك!

--------------------------------------------------------------------------------------

بالنسبة لدفع التكاليف الجمركية اذا وجدت وكيفية تعامل الخدمة مع التخليص الجمركي في الإمارات فلا استطيع تقييم هذه النقطة لان الشحنة التي وصلتني لم يكن عليها أي جمرك .



والسلام عليكم))

===

الأخ: crackjas

((مشكور اخي computex على هذا الكتاب وقد استفدت منه في شغلات جديدة
مع اني ما اتعامل مع ارامكس لغلاء اسعار الشحن وتأخيره بعض الشيء

وحاليا استخدم خدمة ushopweship السريعة والرخيصة نسبيا ويوجد لديها قابلية الدفع قبل وصول الشحنة بالفيزا او الماستر
حيث انه تشحن من الولايات المتحدة الى بلدي خلال 3 ايام بالتمام والكمال وسرعة الdespatching لديهم حيث ان مدة وصول الشحنة لمقرهم وdespatching خلال 5 ساعات عالاكثر عكس ارامكس يقعد يوم او يومين كاملين!!!
وسعر الاشتراك رخيص بنسبة 65% عن ارامكس ويعطيك 3 صناديق بريدية في امريكا وبريطانيا ودبي مدى الحياة))

===

الأخ: NextGGamer

((بالنسبة لusws
استعملها من سنتين خدمتهم ممتازة و اسعارهم ارخص من ارامكس
اسعارهم اول نص كيلو 2.5 دينار كويتي و كل نص كيلو اضافي 1.750 دينار كويتي
تقدر تدفع تكاليف الشحن اونلاين عن طريق الفيزا او كي نت لبطاقات بنك الكويت الوطني
(تحصل على خصم بسيط اذا دفعت ببطاقة بنك الكويت الوطني) وخصم ثاني للدفع المبكر

تقدر تفتح حساب اونلاين و تدفع تكاليف فتح الحساب تقريبا 8 دنانير و تاخذ عنوانك بنفس الوقت
اعتقد تقدر تفتح حساب اذا كنت خارج الكويت جرب موقعهم او ارسل ايميل لهم U Shop We Ship

لمه تفتح حساب تحصل على 3 عناوين في امريكا و بريطانيا و في الامارات
(عنوان الامارات فادني يوم حصلت فيلم كازينو رويال بلو راي مع اكاونت psn الاماراتي)

الشركة تشحن عن طريق SkyNet و مكانهم اعتقد في الامارات حتى فرعهم بطريق مطار دبي

الشركة تشحن يوم واحد بالاسبوع و هو يوم الخميس
يعني هذا عيب اذا شحنتك اوصلت يوم الخميس بوقت مـتأخر فراح تقعد عندهم بالشركة لي يوم الخميس اللي بعده

توصلك الشحنة اذا انشحنت يوم الخميس على البيت يوم الثلاثاء او الاربعاء او الخميس (يوم الخميس اذا الجمارك اخروهم)
الtracking غالبا مو شغال
هذي الملاحظات من خلال تجربتي وياهم.

يعني عيب الشركة الوحيد انهم يشحنون مره وحده بالاسبوع.

جربت اسوي تسجيل و هذي قائمة الدول الموجودة
فمادري اذا الدول موجودة عشوائي
))

===

الأخ: Bo-Shhab

((ما أنصح احد اب U Shop We Ship لأكثر من سبب
1- الشحن جدا بطئ عندهم اسرع طياره عندهم تطلع مره وحده بالأسبوع
2- سوء خدمة العملاء عندهم فرق عن ارامكس اب 100 درجه
3- مره طلبت DVD من امازون وصلي بدون قراطيس و مبطل حتى الكتيب اللي معاه مبطلينه و القوطي مزلق.

و أسأل مجرب ولا تسأل طبيب .. للأسف حاليا افضل شي ارامكس. مادري عن خدمة DHL اللي مجرب ياريت يفيدنا !))

===

الأخ: Mishary

((U Shop We Ship Paying Problem
SOME contrast
Posted By Mishary.

Recently im facing alot of paying my packages with UshopWeship and finally i get it, here is the solve of the problem:
if you are not using the www protocol. Means that you entered the site U Shop We Ship instead of U Shop We Ship
so when you need to pay use the www protocol.
My thanks goes […]))

نستفيد ونفيد معانا ^_^

[M. Al-Dhafeeri]

مشكوره خيتوو يوفاوية على هالمعلومات المفيده

واللي راح تفيد اللي سألوا عن افرع شركة ushopweship

وتقريبا كل شركه لها مساؤها و مضارها

وان شاء الله مثل ما قلت راح اكون عميل عندهم بتاريه 20\8 كثر ما اقدر وان شاء الله ما تطلعلي شغله توقف بطريجي :nice:


الف شكر مره اخرى ولا تحرمينا من اليديد

[abu.ali.123]

مرحبا اخوي شاعر الظلام انا متابع قديم لموضوعك بس اخير قدرت احصل عضويه بسوالف سوفت

اخوي بغيت اسالك هل تعرف موقع موثوق عنده motherboard حق جوال ان73


شكرا مقدما

اخوك بوعلي

[يوفاويه]

^
^
^
اشتركت بـ ushopweship اليوم

[M. Al-Dhafeeri]

abu.ali.123

حياك الله يالغالي والله يشرفني تسجيلك وحضورك بالموضوع

بخصوص اللي طلبته

دورتلك بقوقل ليما وصلت صفحه 10 :funny:

ودورتلك بموقع ebay

ماكو شي :\

صعبه تحصل الا اذا راسلت شركة نوكيا!! او الشركة اللي تسوي حق نوكيا قطعها، والله اعلم :\

ان شاء اله اذا في احد يعرف موقع يقولنا

بالتوفيق

+++++++

يوفايه ليش سبقتيني :@ :@ :funny:

من وين سجلتي من الموقع؟ ولا رحتيلهم؟

[يوفاويه]

ليش سبقتيني :@ :@ :funny:

من وين سجلتي من الموقع؟ ولا رحتيلهم؟

ههههههه قلت خلألحق على عمري قبل لا افسفس ،،

سجلت من الموقع.. علشان نواكب تطور العصر << إلا من الكسل

[M. Al-Dhafeeri]

من امه تفسفس لابتوبي وصل وطلع سعر التوصيل 25.5 دينار :\


يالله ان شاء الله نحن من السابقون :nice:

وتمام راح اسجل عيل من الموقع

شوووكرن على التفاعل و keep on touch


واللي محتاج مساعده او عنده سؤال لا يستحي :nice:

[يوفاويه]

انا توصيل الـ 3 كوابه والسكارف >> 10.5 دينار!!

يالله ماعليه المهم الواحد يستانس والفلوس مكانها فلوس ^_^ ،، ومبروك عاللاب وتحرقه بالعافيه

[M. Al-Dhafeeri]

وايد 10ونص على 3 اكوابه وسكارف!! لوووووول


الله يعافيج الصراحه بالنسبه لي الفلوس حق الوناسه والله يبارك فيج :nice:

لا ان شاء الله فال الله ولا فالج ليش يحترق! << فاهم غلط :funny:


تشاوات وان شاء الله راح اييب لكم مواقع سنعه بس مجابل موقعي بغير تصميمه ويبيله تعديلات من جذوره << حشى شامبو :funny:

[t7t7.com]

تدري بو جسوم

الشركه الي حطيتوها اخر شي حقت التوصيل

رحنا انا ورفيجي لها

واشترك رفيجي
وشخللللللللنهم اسئله واهم سؤاااال قلنا هل في زياده اسعار بالمستقبل علمونا الصحيح من الحين عشان مانرتبط معكم
قال لاابد وقلنا لهم بنسوي لكم دعايه قويه بالانترنت المهم انكم تثبتون الاسعار مو زي ارامكس خخخخخ وجلسنا نهايط عليهم وانواع الاسئله والحمدلله اشترك بــ 8.500 والشحن نفس اسعار ارامكو اول

صندوق بالامارات وامريكا وبريطانيا وسعرهم ممتاز بصراحه ومو نفس ارامكس لازم تجيب فيزتك !!

[M. Al-Dhafeeri]

لوووووووووووووووووووووووووول

والله كنت مزهب اسأله واول سؤال كنت بسأله لهم انه اذا فيه زيادة اسعار :funny:

شغل عدل والله :nice:

انزين وانت ليش ماشتركت؟

عيل دام جذي انا متشيش حدي :funny: ان شاء الله قريبا اكون احد الاعضاء الموقرين :nice:


شوووكرن على الخبر خيووو وشاكر لك تفاعلك :nice:

[M. Al-Dhafeeri]

ان شاء الله قريبا راح انزل صور اللابتوب :nice:


شي مو طبيعي ما شاء الله :nice: