هل ممكن اشتري دومين طول العمر بدون الدفع السنوي\شهري؟

[M. Al-Dhafeeri]

السلام عليكم..

سؤال طرى ببالي

اقدر اشتري الدومين طول عمري بدون لا ادفع شهري\سنوي؟


وشلون الطريقه؟


وشكرا

[a7md]

وعليكم السلام

لا ماتقدر ، الدومين له تاريخ إنتهاء تسجيل

إذا انتهت المدة ولا جددت الدومين

يستطيع اي مستخدم آخر ان يحجزه وياخذه منك

طبعاًَ التجديد مو شرط سنوياًَ

تقدر تجدد دومين 30 سنه قدام عادي

بس ماانصحك بهذي الطريقه

[M. Al-Dhafeeri]

مشكور اخوي..

لا انا اعرف والحمدلله عندي مجموعة دومينات


بس ملينا نبي شي نشتريه على طول :funny: شاكر مرورك

[سيڨيل]

وعليكم السلام ورحمة الله وبركاته
المدة الأدنى تختلف في بعض النطاقات مثلا ال.co.uk اقل شي سنتين
بالنسبة لأقصى مدى لدومين .com فهو الحجز ل10 سنوات فقط واعتقد الدوت نت ايضاً لكن بقية الدومينات مادري
لكن التسجيل مدى الحياة = افلاس مواقع الحجز و الأيكان في المدى البعيد

[a7md]

اقصى حد صحيح 10 سنوات

بس تقدر تجدد عشر سنوات

بعدها بعشر دقايق تجدد 10 سنوات ... الخ الخ

مافي حد

[M. Al-Dhafeeri]

شاكر مروركم

[Domain]

اقصى حد صحيح 10 سنوات

بس تقدر تجدد عشر سنوات

بعدها بعشر دقايق تجدد 10 سنوات ... الخ الخ

مافي حد

متأكد اخوي ناز؟
ماقد مر علي نطاق تاريخ انتهاء حجزه أكثر من 2017 وحالياً ممكن 2018 لذلك اللي اشوفه انه غير ممكن أكثر من 10 سنوات مثل ماقالوا الشباب

[ع ل ي]

و عليكم السلام و الرحمة و الإكرام

أقصى حد هو 10 سنوات مثل ما قال أخوي Domain

يعني إذا بغيت تسجل نطاق إلى 2019 لازم تنتظر إلى 2009

بمعنى Happy New Year جديد

طبعا كذا يستفيدون الآيكان و مدير النطاق لو أرادوا تغيير الأسعار

مثل ما حصل برفع الأسعار في السابق يتأثر بها أصحاب النطاقات الكثيرة

أيضا رأيت تسجيل نطاق لمدة 100 عام :nice: عن طريق Network Solutions

ربما صحيح و ربما لا أو أنه كان من الماضي لا أعلم :con2:

تحياتي ،،،

سلام

[Dragon2oo2]

وعليكم السلام ورحمة الله وبركاته ..

التسجيل متاح لـ 100 سنه

Domain Name Registration Prices - Register and Buy Domains from Network Solutions

20 and 100 Year Domain Registration Service - If the domain name registry of a particular third level domain does not provide for an initial registration term of 20 or 100 years, then Network Solutions will register your domain name on your behalf for the maximum term available at the respective registry, and as long as your domain name is registered with us, we will continue to add additional years to your registration on an annual basis up to the total of 20 or 100 years, depending upon the term your select from the date of purchase. This offer is non-transferable and non-refundable

[ع ل ي]

لا زال العرض المئوي

هذا إذا أردت استخدام Network Solutions على طول

لأنه بعد الدفع لا تحاول تنقل نطاقك ولا ينلغي التسجيل المئوي و ما يردون فلوسك

و المبلغ الكلي يصير 999 دولار ،،، ادفعهم و انسى النطاقات

أحس إن العملية فيها احتكار للنطاق :eek2:

دمتم بخير

سلام

[Domain]

If the domain name registry of a particular third level domain does not provide for an initial registration term of 20 or 100 years, then Network Solutions will register your domain name on your behalf for the maximum term available at the respective registry, and as long as your domain name is registered with us, we will continue to add additional years to your registration on an annual
basis

نفس الكلام اللي قلناه واتفقنا عليه تقريباً, الحد الأعلى لنطاقات الكوم والنت 10 سنوات وطريقتهم هي انهم يجددونه للمره الاولى للحد النهائي لعدد سنوات التجديد المتاح لهذا الامتداد اللي عليه نطاقك, وبكل سنه يزيدون سنه اضافيه وهكذا بشرط ان يستمر نطاقك مسجل عندهم في نتورك سولوشنز
يعني كأنك تجدده بنفسك 10 سنوات وبعد مرور سنه ترجع تجدد سنه وهكذا حتى تستمر على الحد الأعلى المتاح لسنوات التجديد, شخصياً أفضل انك تقوم فيها بنفسك لأنك راح يكون عندك مجال تختار شركة التسجيل اللي تناسبك وتوفر لك خصائص أفضل من نتورك سولوشنز لأن أغلب الخصائص اللي ممكن تحتاجها مثل تحويل الصفحات وتحويل البريد وغيرها عند نتورك هي خصائص مدفوعه لازم تشتريها وتدفع عليها بجانب سعر تسجيل النطاق بينما نفس الخصائص تقدم في كثير من الشركات مثل اينوم وقودادي بشكل مجاني