السلام عليكم ورحمة الله وبركاته
صباحكم ورد ..
شفنا الكثير من المواضيع والمواقع التي تلوم شركة الإتصالات السعودية بشكل واضح!
طيب يااخوان ماسألنا أنفسنا لية هاللي قاعد يصير ؟
ولية الأسعار المرتفعة للخدمات العادية ؟
حطينا اللوم كلة على شركة الاتصالات السعودية .. ونسينا جهات كثيرة لهم غالبية أرباح هالشركة!
وهم السبب بكل هاللي قاعد يصير .. وبالاخير شركة الإتصالات مجرد وسيط فقط لسحب مافي جيوب المواطنين!
بمعنى اصح مايهشون ولا ينشون
ونسينا أن فية جهاك كبيرة تتربع بعرش كبير من شركة الإتصالات السعودية ..
طبعاً لو سالتوا منهم: راح أقولكم الدولة
انا ماادافع عن شركة الإتصالات .. ولكن لكم أن تحكموا انتم
حملوا الملف التالي:
بالضغــط هنــا
أو: Click يمين وبعدين حفظ بأسم
اذا حملتوه روحوا لاخر صفحة راح تجدون التالي:
الله المستعان ، حتى الترقيم صار له خطة وطنية << يازينك ساكت :nice:الجدول رقم (1) المقابل المالي
استناداً إلى المادة السادسة عشرة من الترخيص ، تحصل الدولة من المرخص له على المبالغ التالية ، ويلزم المرخص له بتسديدها إلى الهيئة:
أ) (20%) عشرين بالمائه من صافي إيرادات المرخص له ، تمثل النسب المباشره ، ومقابل تقديم الخدمة تجارياً .
ب) (1%) واحد بالمائه من صافي إيرادات المرخص له مقابل الترخيص .
ج) (000ر000ر200) مبلغ مئتي مليون ريال سنوياً ، نظير استخدام الترددات إلى أن يتم إقرار المقابل المالي لإستخدام الترددات وفقاً لأنظمة الهيئة .
د) (1) مبلغ واحد ريال ، نظير استخدام الأرقام المخصصة للمرخص له كل سنه ـ إلى أن يتم اقرار المقابل المالي الذي ستتقاضاه الدولة وفقاً للخطة الوطنية للترقيم ، وبموجب قرار تصدرة الهيئة وفقاً لنظام الإتصالات ولائحته التنفيذية وتنظيم الهيئة .
يعني وش ترجون من شركة تدفع كل هالتكاليف ؟
اللي ابي اوصلة لكم
ان لا مواضيعكم ولا اعتراضكم على شركة الاتصالات راح ينفع وقولوا ماقلت
بس لية ماينقلب هالكلام لهيئة الاتصالات وتقنية المعلومات اللي ماكلة نص دخل الشركة ، مقابل ورقة ترخيص !!!!!!!!
لان لا حملاتكم ولا اعتراضاتكم على شركة الاتصالات راح تجيب نتيجة واذكركم ..
ولكن اذا انقلبت لمدينه الملك عبدالعزيز وهيئة الاتصالات وتقنية المعلومات راح يكون الصدى كبير ..
وخلوا حملاتكم ضد الشركة تنفعكم
ماادافع عن الشركة ولكن اقول اللي اشوفة ..
يعني خذوها مني :
اذا الهيئة مانزلت تكاليفها على شركة الاتصالات واي مزود خدمة
والمدينه مانزلت تكاليفها على مزودين الخدمة
عمر الانترنت ماراح يتطور عندنا
وبكيفكم
خالص التحية،
محمد علي
رد مع اقتباس
المشاركة الأصلية كتبت بواسطة متابع
